فتيس ليون ٢٠١٥

[AHMEDJUDDY]

السبورت مورد ينفع طبعا للزحمه

لانه بيطول زمن النقله
يعني العربيه مش هتنقل غيار غير بعد الار بي ام يعدي ال 3.5
يبقي كده مش كلي م هعدي مطب العربيه تقعد تعمل غيارات كتير
نظام السبورت هتخاليك ماشي ع الغيار التالت ف الزحمه ف هتحافظ ع الفتيس
ثانيا السبورت مود بيعلي عزم العربيه عشان تاخير النقله ف العربيه هتبقي فايقه معاك وتنفع تعدي من العربيات اللي بتزنق عليك بسهوله

كلام صحيح 100% مشكله الdsg علي نقله الD انه بيحضر للنقله الجديده علي RPM واطي
لكت ال S مود مش بيحضر للنقله الجديده بدري .. بيأخر الRPM وبعد كدا يدي النقله الجديده
ودي فعلا في اعتقادي و رأي ناس كتير تحافظ علي الفتيس من المشاكل . وكمان لو انت ماشي علي سرعه منخفضه وقت طويل شويه برده انقل ال S مود .. يعني لو ماشي علي 40 او 60 والطريق
ماشي علي الهادي برده هات الS مود .

[Yoyo.yasso]

تمام
كده فهمنا
متشكرة اوى لكل اللى ردوا

[kofta]

السبورت مورد ينفع طبعا للزحمه

لانه بيطول زمن النقله
يعني العربيه مش هتنقل غيار غير بعد الار بي ام يعدي ال 3.5
يبقي كده مش كلي م هعدي مطب العربيه تقعد تعمل غيارات كتير
نظام السبورت هتخاليك ماشي ع الغيار التالت ف الزحمه ف هتحافظ ع الفتيس
ثانيا السبورت مود بيعلي عزم العربيه عشان تاخير النقله ف العربيه هتبقي فايقه معاك وتنفع تعدي من العربيات اللي بتزنق عليك بسهوله

انا شايف الاستبترونك احسن من الـ S Mode عشان فى الاستبترونك انت اللى بتحدد النقلة تمشى على كام بالظبط و فى نفس الوقت متخليش RPM عالى و استهلاك بنزين اكتر

[Moda_ElNakoury]

السبورت مورد ينفع طبعا للزحمه

لانه بيطول زمن النقله
يعني العربيه مش هتنقل غيار غير بعد الار بي ام يعدي ال 3.5
يبقي كده مش كلي م هعدي مطب العربيه تقعد تعمل غيارات كتير
نظام السبورت هتخاليك ماشي ع الغيار التالت ف الزحمه ف هتحافظ ع الفتيس
ثانيا السبورت مود بيعلي عزم العربيه عشان تاخير النقله ف العربيه هتبقي فايقه معاك وتنفع تعدي من العربيات اللي بتزنق عليك بسهوله

هوا المفروض لو هانقلها مانيوال ستيبترونيلك للابيزا اخلى النقله على ار بى ام كام لانهم سبع غيارات و هل كلو على ار بى ام واحد من اول غيار لحد الغيار السابع؟

[shekosheko45]

يا شباب الحمد لله عربيتى ليون 2014 جابت فتيس (ميكاترونيك) للاسف و هى فى التوكيل من يوم الجمعه و المهندس بيقوللى انى استلمها بعد شهر ..

[Yoyo.yasso]

يا نهار ابيض
طب مقالوش لحضرتك السبب يعنى ايه اللى خلاها تجيب فتيس ؟

[ahmed.Elashy]

يا شباب الحمد لله عربيتى ليون 2014 جابت فتيس (ميكاترونيك) للاسف و هى فى التوكيل من يوم الجمعه و المهندس بيقوللى انى استلمها بعد شهر ..

شهر كتير اوي
كانت عامله كام كيلو
المشكله حصلت ازاي
كنت بتمشي ع d كتير ؟
احكلنا بالتفصيل

[eraser]

متابع

[ahmzd]

متابع برضه

[AHMEDJUDDY]

هو الراجل بتاع الليون راح فين ؟
انا برضه متاااااابع وبشده ......

[RedBull_30]

من الاخر يا جماعه !! فتيس dsg 7 نقلات يبقى هيبوظ هيبوظ , لكن ال 6 نقلات زي اللي موجود في موديلات الاودي و الباسات سي سي وكمان الشيروكو هو اللي مفهوش مشاكل ..
من الاخر ال 7 نقلات ده مش متلائم مع ظروف القيادة في مصر وكمان طبيعة الجو .
ولو حبينا نتكلم عن محركات ال tsi ومتطلبات التشغيل زي بنزين ال 95 , هتكون الحقيقة صادمة وهي ان بنزين 95 في حد ذاته اللي في مصر مش 95 .. للاسف هو اقل من كده بكتير .
من وجهة نظري ان مصافي البترول في مصر شغالة بتكنلوجيا قديمة جدا بشكل ميسمحش ليها انها تنتج جودة ال 95 .
الله اعلم بقى ال 92 اللي كلنا بنستخدمه ده يبقى ايه !!!

[amorio]

هل هناك فرصة لطلب جماعي من وكيل سيات باستيراد ليون مانيوال ؟

[shekosheko45]

يا شباب انا معايا 2014 و جابت ميكاترونيك الحمد لله و بقالها 3 اسابيع فى التوكيل فى انتظار الميكاترونيك الجديد مع العلم انى مهندس ميكانيكا و ماشى على كتالوج التعامل مع الفتيس ده ان مشتريها من سنه بالظبط وعامله 38000 كم .. بس بصراحه توكيل العبور ناس محترمين لما اتأكدو انها هتطول ادونى ابيزا 2013 امشى بيها لحد لمل عربيتى تتصلح للعلم اتقاللى ان دى اول حاله تجيلهم من الموديل الجديد

[shekosheko45]

انا اسف على تاخير الرد علشان انا مش بدخل هنا كتير بس ده رقمى لو حد محتاج معلومات 01005006128

[Mosallam79]

احنا توكلنا على الله واشتريناها اول امبارح
العربيه ما شاء الله تحفه
و رحنا بيها مشاوير كتير لحد دلوقتى ملحظناش حاجه وجوزى اتصل بالتوكيل قبل ما نشتريها وسألهم قالولوا اننا جايلنا تنبيه من الشركة الام ان المشكلة دى خلاص اتحلت فى موديلات ٢٠١٥ وانها كانت فعلا موجودة فى موديل قبل كده بس دلوقتى خلاص معرفش بأه ده كلام بيريحونا بيه ولا ايه
وبالمناسبه احنا حطينا بنزين ٩٢ عادى مش ٩٥ يعنى
ادعولنا بالبركة وان ربنا يرزقنا خيرها ويكفينا شرها يارب وتبقي قدم سعد علينا
ومتشكرة لردودكم واهتمامكم

السلام عليكم

انا عايز اشتري الليون بس خايف جدا من قربها من الأرض و المطبات و كمان من موضوع الفتيس ... يا ريت حضرتك تطمني على النقطتين دول