رحلة تركيب التكييف

[mohamedyasser1]

السلام عليكم اعضاء نايل موتورز
النهاردة لنل هقولكم على اول خطوة عملتها امبارح لتركيب التكييف فى عربيتى الابيزا موديل 1998 8v وهى شراء مكونات التكييف على فكرة انا عربيتى مكنش فيها حاجة خالص للتكيييف
اول حاجة الحاجات اللى انا جبتها
1-كمبريسور
2- كويل
3- خراطيم التكييف بالفلتر
4- طقم التبريد الكبير ابو مروحتين
5- كنترول المراوح
6- صدر علشان طقم التبريد الكبير
7- مفاتيح التكييف
8-قاعدة علشان يركب عليها الكمبريسور والدينمو
وشوية فيش كدة لطقم التبريد وكنترول المراوح
المهم الراجل حسبلى اللكشة دة كلها على 2950
اثناء التركيب الكهربائى لقى ان الدينامو عندى 3 رجل ومش عايز يركب على القاعدة المهم كلمت الراجل بتاع الاستيراد قالى انت لازم تاخد دينامو 4 رجل ويكون 90 امبير مش 70 زى اللى عندك
كام ياعم قالى 200 جنية طب تاخد اللى عندى وتدينى اللى عندك رفض يبقى كدة بالصلاة على النبى 200 كمان بقى المجموع 3150 ولسة المصنعية
بعد التركيب ان شاء الله هقولكم على تقييم اداء التكييف
بس اللى انا عايزة منكم دلوقتى تقولولى
1- الاسعار كدة كويسة ولا لا؟
2- هل فى حاجة ناقصة انا مجبتهاش ولا كلة تمام؟
3- تفتكروا ان بعد كل دة التكييف هيبقى اداة كويس؟

[mohamedyasser1]

حد يعبرنى ياجماعة عايز اطمن

[mohammad isdf]

انا شايف ان كده كويس
بس أهم حاجه الحاجه دى ماركتها ايه وجديدة ولا مستعملة

وأهم من كده الأداء بعد التركيب

[mohamedyasser1]

كلة استيراد
بس دلوقتى سير الدينمو مش عارفين مقاسة لان دلوقتى ذاد عندى الكباس فبقى السير يلف على الدينمو والكباس يعنى القديم مش نافع روحت جبت واحد مقاسة 6 * 1185 طلع كبير
انا عايز اعرف بس مقاس السير بالضبط كام علشان اشترية انا عندى تكييف بس مش باور
شكرا

[skayroad]

الاسعار كويسه كانت ممكن تدخل في 4000 كمان .. بس كنت عايز استفسر ليه مركبتش جديد كباس ساندن اليباني مثلا بيقولو كويس ؟؟

[hossamalsadik]

كتكلفة كويسه جدا وفى المعقول
لو الاداء طلع كويس يبقى انتا كده تمام اوى
هحاول اجبلك مقاس السير بس ممكن تعمل حاجه روح عند فتح الباب برمسيس هتلاقيهم عارفيين مقاسات السيور
عملت شغلك فين ؟
وعاوزين تقييم بعد التشغيل
وتكييف سندان الى بيقولوا عليه الاعضاء ده بيركبوه فى توكيلهم بالمعادى وبيكون كومبروسر يابانى إستيراد وخراطيم جديده

[matrix_it]

يعني ساندن كويس ولا بلاش منه ؟

[hossamalsadik]

كان فيه تجربة لاحد الاصدقاء وناجحه فى توكيل سندان المعادى
والتكييف اشتغل معاه زى الفل اداء كويس جدا والتكلفه كانت 3100 ج تقريبا

[mohammad isdf]

ابعد عن ساندن

ف الأول بيبقى كويس وبعدين بيجيب جاز

ده كان كويس زمان لكن الآن مش كويس

[mohamedyasser1]

عموما ياجماعة انا جبت كلة حاجة من نص ابيزا مكييف وجارى التركيب وتقييم الاداء
وبعد كدة هبقى اقولكم على تقييمى للاداء بتاع التكييف

[mohamedyasser1]

معلش ياجماعة عاوز اعرف كنترول المروحة بتاع التكييف بيتوصل ازاى انا جايبة راكب فية فشتين بس يتوصل ازاى فى الضفيرة وصورة الكنترول فى المشاركة دية

http://www.nilemotors.net/Nile/354441-98.html

[mohamedyasser1]

الحمد لله تم تركيب التكييف الكهربائى خد 400 جنية وبتاع التكييف 150 جنية بعض الملاحظات
1- مش قادر احكم على التبريد لان الجو سقعة بس لما بشغل التكييف بيبقى تلج فالنقطة دة هحكم عليها فى الصيف وهبقى اقولكم الاخبار
2-الكومبريسور كان بيفضل شغال على طول مش بيفصل الكهربائى ذود درجة الحرارة من الترموستات بتاعة التكييف فبقى الكومبريسور يشتغل ويفصل
2-لما بشغل التكييف ال ار بى ام بينزل والعربية تترج لمدة ثانيتين وبعد كدة تتظبط هل دة طبيعى؟
ولو مش طبيعى المفروض فية اية واعمل اية علشان يبقى طبيعى؟
3-مراوح التبريد بتشتغل على السرعة البطيئة بدون تكييف بس بتشتغل فترة كبيرة اوى ممكن يكون ترموستات الراديتير بايظ؟
مع التكييف المراوح بتشتغل على السرعة السريعة
لو فية اى ملاحظات لو سمحتكم متبخلوش علية بيها
وشكرا

[mohammad isdf]

الحمد لله تم تركيب التكييف الكهربائى خد 400 جنية وبتاع التكييف 150 جنية بعض الملاحظات
1- مش قادر احكم على التبريد لان الجو سقعة بس لما بشغل التكييف بيبقى تلج فالنقطة دة هحكم عليها فى الصيف وهبقى اقولكم الاخبار

فعلاً مش هيبان إلا ف الصيف

2-الكومبريسور كان بيفضل شغال على طول مش بيفصل الكهربائى ذود درجة الحرارة من الترموستات بتاعة التكييف فبقى الكومبريسور يشتغل ويفصل

تمام

2-لما بشغل التكييف ال ار بى ام بينزل والعربية تترج لمدة ثانيتين وبعد كدة تتظبط هل دة طبيعى؟
ولو مش طبيعى المفروض فية اية واعمل اية علشان يبقى طبيعى؟

المفروض يظبط المسمار بتاع التكيف وبيبقى تحت الكاربراتير من ورا، انت ممكن تعليه بنفسك، هحاول اصورهولك .. وده بيبقى خارج منه خرطوم هوا اسمه السورنيت وده بمجرد التشغيل بيعلى الآر بى إم
وطالما بيعلى معاك يبقى شغال لكن مش بيعلى بالشكل المطلوب .. فبيتم تظبيطها بالشكل اللى قلتلك عليه .. والمسئول عن التظبيط .. بتاع التكييف


3-مراوح التبريد بتشتغل على السرعة البطيئة بدون تكييف بس بتشتغل فترة كبيرة اوى ممكن يكون ترموستات الراديتير بايظ؟

لاء كده مظبوط .. المروحه ع السرعة البطيئة فى العادى وانها تشتغل على السرعة التانية مع التكييف فده سليم .. أما انها المفروض تقف امتى فده بيترتب على كذا حاجه
أولاً : هل ده جديد انه يحصل كده بعد تركيب التكييف ولا من قبل كده ؟
ثانياً : الثرموستات اللى راكبه اصلية ولا جديدة ؟
ثالثاً : منسوب المياه عندك مظبوط ولا بيبقى فيى تسريبات ؟
رابعا : بتقفل عند الشرطة أنهى ؟ الأولى ولا التانية ولا على الأرض ولا ايه ؟

مع التكييف المراوح بتشتغل على السرعة السريعة
لو فية اى ملاحظات لو سمحتكم متبخلوش علية بيها
وشكرا

[mohamedyasser1]

شكرا لسرعة الرد بالنسبة لعربيتى هى انجكشن مش كاربيراتير فهى بتعلى ازاى
بالنسبة للمروحة كانت قبل تركيب التكييف وطقم التبريد الكبير بتشتغل شوية وتفصل شوية والحرارة على النص ومكانس ترموستات الكوعة موجود
دلوقتى بعد تركيب التكييف وطقم التبريد الكبير والترموستات بقت تشتغل فترة كبيرة جدا على البطىء ودرجة الحرارة فى المنتصف
مع العلم ان حساس الحرارة اللى فى طقم الراديتير الكبير كان 2 ريشة رحت فكيتوة وحطيت الحساس اللى كان فى الطقم الصغير 3 ريشة بس كان علية شوية صدا
وانا معنديش تسريب ومنسوب المية ثابت
شكرا

[mohamedyasser1]

متتتتتتتتتتتتتتتتتتتتتتتتتتتتتتتتتتتتتتتتتتتتتتتتت تتتابع