عايزة اقفل led الليون

[Yoyo.yasso]

بالراحة يا جماعة ..... بالراحة

بالنسبة للاخ صاحب الموضوع اللي بيسأل على انه ممكن يلغى ال DAYLIGHT .. طبعا ينفع و الافضل انه يتلغي بال VCDS و طبعا ممكن هضرتك تلغيه من ال setting بسهولة لو عربيتك مجهزة بال Multifunction

بالنسبه بقا للأخ ابو مازن .. حضرتك فهمته غلط .. كان فيه سوء تفاهم لفهمك لكلامه
هو كان قصده انه مستغرب الناس اللي مش فهمة ان ده اوبشن نازل في العربية ، و زي ما حضرتك عارف ان اوربا مسبقانا بحوال قول من 100 الى 140 سنه تكنولجي .. فا اكيد الناس عندك في بلدك فاقدة الزمن 140 سنة
فا معلش يا سيدي حقك عليا انا .. الراجل كان بس مستغرب الناس مش اكتر

لو حضرتك بتسال لمجرد السؤال و ده حقك طبعا .. و انا مش ناسي ان العربية بتاعتك بردوا و مش هنسى ان الفانوس بتاعك و انت حر في تشغيله او لا .. فا اجابة سؤالك انه ينفع طبعا عن طريق اول سطرين انا كتبهم فوق .

بس نصيحه بقا مني لوجه الله تعالى .... الناس اللي مش فاهمة سيبك منها و عيش حياتك زي ما انت عايز .. الناس دي بكره هيفهموا

خالص تحياتي

تمام
متشكرة جدا لرد حضرتك وذوقك
العربيه هاى لاين فإن شاء الله الاقي الاوبشن ده فى settings

[عﻻء سالمان]

كلمى المهندس محمد رشوان مدير صيانة فى التوكيل فرع مارينا 01211071070 يمكن يكون عندة حل سريع لمشكلة اﻻضواء النهارية بس الحقيقة انا عندى نفس الحوار ومبيربكنيش الى بيقول طفى النور بقولة بابتسامة شكرا وخﻻص ..العربية 1200 سى سى وﻻ انا غلطان..هيا كام حصان وأغلى من التوليدو لية؟ اختيار موفق ان شاء الله

[Ahmed1998]

بصي الـLED في العربيات دي حاجة بتميزها, اولا بتديها شكل حلو, وتاني حاجة بتخليها مميزة عن غيرها, و الـoption ده في عربيات كتير اوي اكثرها الـBMW و الـMercedes و عادتاً بيبقى سابت مش بتعرفي تغيريه, و من رأي بلاش تجربي تلعبي في الحوار ده بدام هي مش نازلة كدهز و لو خايفة من لفت النظر او الحسد و كده فربنا هو الحافظ. و ربنا يكفيكي شرها.
----------------

العربية 1200 سيسي اه, و المخليها اغلى من التوليدو بسبب انها turbocharged, و فيها LED's و Panorama فتحة سقف. ده غير الـtouch-screen. انا معيا منها الفئة التناية و هي عربية ممتازة فعلاً و سحبتها حلوه اوي و stable اوي.

[Yoyo.yasso]

ماشى
شكرا

[kofta]

معلش يا جماعة بس استفسار بعيداً عن الموضوع للناس اللى معاها العربية ...

هل فيه مشاكل واجهتوها فى الفتيس ؟؟

[Yoyo.yasso]

لحد دلوقتى لا الحمد لله
بقالها معانا ٧ شهور عامله ١٣ الف كيلو ونص

[Ahmed1998]

معلش يا جماعة بس استفسار بعيداً عن الموضوع للناس اللى معاها العربية ...

هل فيه مشاكل واجهتوها فى الفتيس ؟؟

هو لحد دلوقتي الحمدلله لأ.
و بص انا هقلك خلاصة الفتيس ده من القرأته في مواضيع كتيره.
العيب الفي الفتيس و في نفس الوقت الميزة الفيه انه بينقل بسرعة، يعني تلاقي اي عربية اتوماتك طبيعية بتنقل عند RPM 2.5 انما الفتيس ده بينقل عند ١.٥، الميزة انه موفر، العيب انه في الزحمة تلاقيه عمال ينقل كتير، يعني تلاقية جاب رابع يقوم نازل لأول يقوم طالع تاني، مهو عشان بينقل على Rpm واطي، يعني تلاقي على سرعة ٦٠ جايب النقله السابعة.
فافي ناس قالت ان حل الموضوع ده انك تجيب الفتيس Manual, او Tiptronic. فابكده انته البتتحكم في النقله.
و كلام ده في الزحمة فقط، انما طول مانت ماشي في طريق كويس او سريع جيبه على الـD عادي

[kofta]

لحد دلوقتى لا الحمد لله
بقالها معانا ٧ شهور عامله ١٣ الف كيلو ونص

طب الحمد لله ربنا يباركلك فيها و يبعدك عن شر الطريق و ان شاء الله ميحصلش اى حاجة :)

[kofta]

هو لحد دلوقتي الحمدلله لأ.
و بص انا هقلك خلاصة الفتيس ده من القرأته في مواضيع كتيره.
العيب الفي الفتيس و في نفس الوقت الميزة الفيه انه بينقل بسرعة، يعني تلاقي اي عربية اتوماتك طبيعية بتنقل عند rpm 2.5 انما الفتيس ده بينقل عند ١.٥، الميزة انه موفر، العيب انه في الزحمة تلاقيه عمال ينقل كتير، يعني تلاقية جاب رابع يقوم نازل لأول يقوم طالع تاني، مهو عشان بينقل على rpm واطي، يعني تلاقي على سرعة ٦٠ جايب النقله السابعة.
فافي ناس قالت ان حل الموضوع ده انك تجيب الفتيس manual, او tiptronic. فابكده انته البتتحكم في النقله.
و كلام ده في الزحمة فقط، انما طول مانت ماشي في طريق كويس او سريع جيبه على الـd عادي

اةة فهمت .. طب الحمد لله ربنا يباركلك فيها و يبعدك عن شر الطريق ... ان شاء الله مش يحصل اى مشاكل :)