حطيت العربية علي الجهاز

[inspiron]

يا باشا ألف شكر علي مساعدتك وبكرة الصبح إن شاء الله هعمل زي ما قولتلي.

[am79]

تمام.يعني أنا أشيل الفيشة دي وأمشي حبة بالعربية بعدين أركبها تاني

كانت عندي مشكله زي مشكلتك كده تقطيع وقله سحب روحت للمكانيكي عمل زي ما الاخ otefa قال والعربيه بقت تمام
ان شاء الله مشكلتك تتحل وابقي طمنا

[spider6666]

متاااااااااااااااااااااااااااااااااااااااابع

[inspiron]

عملت الموضوع النهاردة.والمشكلة ما زالت قائمة..أنا تعبت و مش عارف أعملها إيه..الملاحظة التانية كمان جربت إني أحرق علي الغيارت.ولما أنقل من الأول للتاني العربية مش بتستجيب لدوسة البنزين في لحظتها بتتأخر لحظة كده و بعدين تستجيب.و كمان لما أكون ماشي عادي بنقل علي rpm 3 مثلا بين كل غيار لما أدوس دبرياج الـ rpm يعلي شرطتين وبعد كده ينزل عادي طبيعي.مبقتش فاهم هي فيها إيه بالظبط.

[M.Mostafa80]

ممكن كام سؤال عمر طقم الدبرياج ايه فى العربيه
فلتر البنزين والبوجيهات وفلتر الهواء بقالهم قد ايه
لما حطيت العربيه على الجهاز عملت للبوابه بيزك سيتنج
أخر مره نظفت البوابه كان أمتى
أخر حاجه وربنا مايجيبش حاجه وحشه لما بتفتح غطاء تزويد الزيت والعربيه دايره فى دخنه بيضه خفيفه بتطلع أو من خرطوم الفايظ اللى داخل على العمه من المبخر

[panda]

طقم الدبرياج
اويد هذا الرائ لان اسطوانة الدبياج لو كانت متهلاكة هيكون ليها تاثير كبير على السحب
جرب شد فرامل اليد و حاول تمشى بالعربية على الاول
لو العربية بطلت يبقى مافيش مشكلة فى الدبرياج لو ما بطلتش يبقى مفوت ( و الله اعلم )

[inspiron]

ممكن كام سؤال عمر طقم الدبرياج ايه فى العربيه
فلتر البنزين والبوجيهات وفلتر الهواء بقالهم قد ايه
لما حطيت العربيه على الجهاز عملت للبوابه بيزك سيتنج
أخر مره نظفت البوابه كان أمتى
أخر حاجه وربنا مايجيبش حاجه وحشه لما بتفتح غطاء تزويد الزيت والعربيه دايره فى دخنه بيضه خفيفه بتطلع أو من خرطوم الفايظ اللى داخل على العمه من المبخر

1-طقم الدبرياج مغيره من 3000 كيلو إستيراد و كان حالته زي الزيرو ( الكتابة كانت لسه متمسحتش من عليه ).
2- فلتر البنزين و البوجيهات وفلتر الهواء بقالهم 22000 كيلو و كل اللي عملتوا نفخت فلتر الهوا فقط.
3- آخر مرة نظفت البوابة كان من حوالي 20000 كيلو.
4- أعتقد إننا معملناش بيزك سيتينج للبوابة.
5- هشوف حكاية الدخنة البيضة دي و أقول لحضرتك.

[inspiron]

النهاردة نزلت وروحت مشوار كده قريب بالعربية و لما وصلت سبتها دايرة و نزلت أبص علي موضوع الدخنة ده.و فتحت غطا الزيت و ملقتش دخنة, يمكن تخيلت بدخنة بسيييييطة أوي زي بخار كده لحظة ما فتحت الغطا بس و بعد كده مفيش أي حاجة..أنا متابع معاكم يا رجالة و منتظر ردودكم.و بشكركم جدا علي متابعتكم

[M.Mostafa80]

1-طقم الدبرياج مغيره من 3000 كيلو إستيراد و كان حالته زي الزيرو ( الكتابة كانت لسه متمسحتش من عليه ).
2- فلتر البنزين و البوجيهات وفلتر الهواء بقالهم 22000 كيلو و كل اللي عملتوا نفخت فلتر الهوا فقط.
3- آخر مرة نظفت البوابة كان من حوالي 20000 كيلو.
4- أعتقد إننا معملناش بيزك سيتينج للبوابة.
5- هشوف حكاية الدخنة البيضة دي و أقول لحضرتك.

هو انا ليا اعتراض على موضوع طقم الدبرياج الأستيراد دى من الحاجات اللى مينفعش تيجى استيراد
ياريت تغير فلتر بنزين وبوجيهات وفلتر هوا وتشوف الفرق
فك البوابه بره ومتنضفهاش بأسبراى نظفها ببنزين عادى ونشفها وحطلها نقطتين زيت خفاف على الأكس بتاع البوابه
وحط العربيه على الجهاز واعملها بيزك سيتنج
ومشكلتك هتنتهى بأذن الله
وياريت تقولى هو استهلاك البنزين فرق عن الأول

[inspiron]

هو إستهلاك البنزين علي سرعة 100 بيتراوح ما ين 5.6 لـ 6.9 لتر لكل 100 كيلو.يعني حسب دوسة البنزين.

[M.Mostafa80]

يعنى استهلاك العربيه فى النورمل
يبقى اعمل السيرفيس اللى قلتلك عليها فوق وان شاء الله هتحس بتحسن بعدها طقم بوجيهات وفلتر بنزين وفلتر هواء ونظف البوابه زى ما قلتلك
واعملها بيزك سيتنج وكل حاجه هتبقى تمام

[inspiron]

مش عارف أقول لحضرتك إيه..بجد رفعت من روحي المعنوية و إديتني إحساس إن بعد ما أعمل السيرفيس ده إن العربية بعون الله تبقي صاروخ..طيب معلش ليا سؤال.بالنسبة لتنظيف البوابة أقدر أنا أعمله بنفسي ولا لازم أروح لحد..و لو أقدر.إيه الأدوات المطلوبة لفكها و كده.بجد متشكر جدا لتعاونك و ربنا يديم المعروف.

[spider6666]

عندي مشكلة حصلتلي بقالها اسبوعين بالضبط
انا حطيت زيت مش الاصلي ابو 145 جنيه العلبة اللتر
لا انا حطيت من النوع الالماني بس مش الاصلي ابو 100 جنيه اللتر
ومن بعدها حسيت انه العربية على السرعات بتفوت في النقلات يعني وانا ماشي من الاول للتاني للتالت بحس بتفويته كده لتحت وبعدين العربية تنقل على الرابع بعد كده مع العلم بان العربية اوتوماتيك...ممكن حد يساعدني في الموضوع ده؟

[spider6666]

بالمناسبة الزيت ده زيت الفتيس

[Moe86]

عربية والدى الأوبل كان فيها نفس المشكلة , و بعد تغيير حاجات كتير المشكلة طلعت من تانك البنزين , كان مليان شوائب (لأ قصدى قطع زى الطين و الظلط) هى السبب من البنزين بتاع بلدنا الجميلة