عملت حادثه والحمد الله

[MohamedGobran]

السلام عليكم و رحمه الله وبركاته

النهارده الساعه 7 عملت حادثه على الدائرى بالعربيه طبعا الحمد الله و قدر الله و ما شاء فعل

الخساير إلى فى العربيه هى فانوس يمين و رفرف يمين و اكصطدام و بتحدف يمين جامد و الدريكسيون مش مظبوط

و كنت عايز اسأل بقى العربيه عليها تأمين فاعمل كل إلى فيها فى التوكيل و هيطلعها مظبوطه و لا فيه حل تانى


و شكراا

[KHALED AYMAN]

الحمد لله قدر الله و ما شاء فعل ...
صراحه انا مجربتش التوكيل بس من تجارب كتير ...التوكيلات فى السمكره و الدوكو مش كويسين ..
بالنسبه لأن العربيه بتحدف يمين ..ده غالبا المقص اتعوج ..بسيطه ان شاء الله هتغيره و ترجع زى الاول واحسن ..

[rescuer]

الحمد لله انك بخير

اي حاجه تاني بسيطه

ربنا يحفظنا جميعا

امين

[x_john]

أهم حاجه أنك بخير

[hamahomo]

اهم حاجة انك بخير ويبعد عنك شرها ويحفظك ويحفظنا جميعا

[AhMeD MeTwAlY]

الحمد لله قدر الله وما شاء فعل
نصيحه اي حاجه غير الماتور بره التوكيل يعني سمكره دهان خليك بره التوكيل وبعدين انت بتقول رفر وفنوس واكصدام اشتري من بره التوكيل وادهنهم بس العربيه لسه 2010 هتكون رشه رفر لو التوكيل هيعملها زي الفبريكا خليك في التوكيل

[zyadahmed]

حمد الله على السلامة واعانك الله على اصلاحها اسأل فى التوكيل وبره التوكيل وقارن الاسعار ولو الفرق بسيط يبقى التوكيل طبعا لكن لو الفرق مبالغ فيه خليك مع حد محترم برة

[marawansabry]

الف سلامة وقدر الله وماشاء فعل .. ربنا يخلف عليك

[ahmedsrs]

حمدلله على السلامة بسيطة كدة انت عندك مقص اتعوج وده هيتغير وكله هيرجع تمام وشوية السمكرة

[EngAhmedSayed]

ثانيه واحده يا جماعه الراجل بيقول العربيه متامنه عليها يعنى فى تامين
خد اللينك ده هيوضح ليك حاجات كتيره عن التامين
و نصيحه خليك مع شركة التامين و التوكيل علشان متكلفش بره و تخرج العربيه بره ضمان الوكيل لو هى ليها ضمان
ده للينك موضوع التامين

http://www.nilemotors.net/Nile/22360-a.html

المواضيــــع الهامـــة عن التأميـــن عن السيــــارات


حمد لله على سلامتك نشكر ربنا انو حضرتك بخير و معانا الحمد لله

[basemsaeed]

قدر الله و ما شاء فعل

الحمد لله ان حضرتك بخير

ربنا يكفينا شر الطريق

[MohamedGobran]

الحمد الله و الشكر لله

انا العربيه متأمن عليها بس معرفش شركه ايه هبقى اسألى والدى و اعرف منه بس إلى اعرفه انه تأمين شامل انا عايز بس اسأل انا عايز العربيه ترجع زى الاول فالتوكيل هيرجع العربيه زى ما كانت ولا الورش بره احسن ......يعنى انا الصراحه عايز اعملها فى التوكيل بس خايف انهم ميعملوهاش كويس

[EngAhmedSayed]

هو من الافضل تعملها فى التوكيل علشان التامين يحاسبه على الاقل تضمن انتا عامله فى التوكيل علشان الضمان

[MohamedGobran]

انا عملت المحضرت النهارده و اخدت صوره منه و ختمته المفروض بعد كده اكلم التأمين ابلغه ولا اطلع على التوكيل و ابلغ التأمين من هناك و الشركه هى مصر للتأمين و انا قريت بند انى لو هصلح فى التوكيل هدفع 10% من التكلفه او 25% زياده فى القسط ......بس انا اهم حاجه عايز اعرفها .... التوكيل هيطلعلى العربيه مظبوطه ولا هتبقى اى كلام و للمعرفه الرفرف و الاكصدام هيتغيروا فى كده كده هيبقى شغل دوكو بس فهيطلعوا فرق اللون نظامه ايه ؟؟؟

[احمد عبدالله]

قدر الله و ما شاء فعل