عملت حادثه والحمد الله

[KHALED AYMAN]

فرق اللون ان شاء الله مفيش فيه مشكله ...
بس الموضوع مش مجرد تغيير رفرف ..
اكيد هيبقى فى شغل و لو بسيط فى الدواخل .. هنا "احتمال" تظهر نقطه ضعف التوكيل

[inspiron]

توكل علي الله وروح التوكيل.هيبقي شغل تغيير مش دق وسمكرة.وهتترش ببوية الشركة وهترجع زيرو تاني إن شاء الله..

بعد إذن خالد بس أوضح حاجة..طالما هيغير الرفرف يا خالد مش هيكون في شغل في الدواخل إن شاء الله.يعني اللي هيتم في تصوري تغيير الرفرف والفانوس والإكصدام والمقس.وتترش ببوية الشركة الألماني.وترجع العربية كأن لم يكن شيئا

[tamatemo]

حمدلله علي سلامتك يا باشا
ولو انتا لسة في التامين يبقي تروح تصلحها علي حسابهم احسن

[dr_radioooooo]

حمد الله عالسلامة ..... قدر الله و ما شاء فعل

[MohamedGobran]

بشكر كل الناس والله إلى فى القسم على مساعدتهم ليا و انا بكره رايح التأمين علشان يصوروا العربيه و بعدين اوديها التوكيل و قالولى انى هدفع و بعد اسبوعين هيجيبلى شيك بالفلوس بس انا هدفع 10% تحمل علشان هتتصلح فى التوكيل وبالنسبه للحاجات إلى هتتغير حسب نظرى انا مش عارف ايه تانى ممكن اكون مش شايفه

رفرف يمين
فانوس يمين
اكصدام برشاشات الفانوس اليمين لانها اتكسرت و الفوج لايت يمين
قربه الميه بتاعه المساحات الفانوس و الرفرف ضغطوا عليها كسروها
والمقص لان العربيه مش مظبوطه خالص زوايا (الكاوتش بيعمل صوت لما اجى احرك الدركيسون و الدريكسيون بيكون لافف نص لفه و العربيه ماشيه على طول وبتحدف يميين جامد )

بس انا عايز اسأل على حاجه اتمنى ان حد يرد عليا فيها قبل الصبح
الفانوس متكسر بس شغال يعنى الزينون شغال و النور العالى شغال و انا سألت على لمبه الزينون لقيتها ب 900 جنيه اللمبه بس فينفع اخد اللمبه دى اشيلها عندى احتياطى ولا التامين هيطلبها (مينفعش اقول انها اتكسرت مع الفانوس لان اللمبه ورا العدسه )

[rasim]

السلام عليكم
الف سلامة عليك ياباشا
الحمد لله علىكده
بس ابى امشى بالراحه بعد كده