ايه يابشر الاستهبال ده!!!!!!!!!!!!!!!!!!!!!!!!!!!!!!

[A7medelfe2y]

زتونه الموضوع ان انا واصحابي كنا في اسكندريه بالعربيات وهي سيراتو2010 والانترا 2009 وجين2 2010 والوحش المجهول لدي الجميع fantsia 2010 auto
المهم ان انا ماكنتش اتخيل ان العربيه دي كدا انا اعرف ان الاسكودا تقيله ف الوزن وموتورها كامه واحده و115hp بس كان فيها اسبورت درايف كانت بتغير ع rpmعالي قبل الريد زون تقريبا وكانت بتجمع اسرع من كل العربيات وكانت فيها 5 افراد وطلعت من كل العربيات الي ذكرتها فوق-------------------------------------
حد يفهمني ايه الي كان بيحصل دا العربيه افترت ع كل العربيات

[M_Marwan]

حاجه غريبه فعلا العربيه ديه تقيله مش بتاعت شد

[A7medelfe2y]

,انا كمان كنت بقول كدا انما والله العظيم بهدلنا كلنا ع الرغم من ان كل العربيات كانت بتغير ع 6 شباب بقي وجري وكدا والحموله كانت 5 افراد ف كل عربيه عدا الجين2 4اربعه بس

[dr.amr]

العربيه تقيله
بس هاتها علي ال s
ودعم خلفك
سحب رهيب

[medododo]

إيه الكلام ده أنا خايف من الجيتا عشان 115 حصان
إيه الكلام
أدوس ولا إيه ؟؟؟؟؟؟؟؟؟؟؟؟؟

[yyy]

العربيه دي جامده جدا مش عارف ازاي
بيانتها بتقول انها ضعيفه بس علي الطريق الفانتزيا دي فظيعه

[rompo10]

صعب ياباشا حاجه من العربيات دي تطلع من الفنتازيا دي حاجه طبيعيه (مع احترامي لملاك السيارات الكوري لكن بيبقي الهورس باور بتاعها كدب وكلام علي ورق)

[KHALED AYMAN]

الفانتازيا 105
لو عاوز تمسح اى عربيه مسسسسسح
اظبط رجلك بحيث العربيه تنقل عند 5 ار بى ام (بعد 5 ار بى ام حرق ع الفاضى و غيرك هيعديك فى الوقت ده)

[A7medelfe2y]

دا الكلام دا طلع بجد بقي انا كنت فاكر دي هي الي جايه فالته كدا
دي طلعت مفتريه عربيه حجر ع الطريق وتقيله جدا وتطلع بالرشاقه دي
طيب حد من اساتذتنا الي ف القسم يفهمنا الموتور دا بيعمل كدا ازاي
انا كنت حاسس ان كان فيه سباق جوا العربيه بين عداد الrpm والسرعه

[vampero]

انا عندى الفانتازيا فتحتها كويس ودلوقتى اديلها s بتطير . العربيه حلوه جدا بس عايزه واحد بالبلدى كده يعرف رواحها يعنى توقيت تغيير النقله مش مجرد يدوس وبس ولو فهما هيطلع منها احلى شغل

[tam77]

أنا معايا فانتازيا بقالى 6 شهور ومعايا أوبل كورسا 1600 الأوبل تأطعها صدقونى أنا عديت من فانتازيا على 190 طريق العالمين مقدرش يجبنى
بس الفانتازيا هى عربيى تقيله شوية بس كويسة

[benmatar]

السلام عليكم
فعلا الأوروبي رغم ثقل وزنه وإنه نفس السعة اللترية للكوري بس طبعا المدرسة الأوروبي وبالذات الألماني بارعة في تصميم محرك يخرج أعلى طاقة ممكنة من الوقود المستخدم أكتر من الآسيوي ( نسبة الكفاءة) بصندوق تروس وأقطار تروس تخلي العربية تستجيب لأي ظرف ونظام حقن يلغي أي منافسه بينه وبين الكوري، يعني 1600cc من موتور أوروبي يكون أقوي من قرينه الكوري مثلا، ولو الكوري يؤدي نفس الجهد بنفس الكفاءة يحرق وقود أكثر ويعمل إجهاد أعلى على المحرك، وده شئ جربته في البيجو 406 وأوكتافيا A5 وباسات99 وما يقابله من نفس الفئة من المدرسة الآسيوي، حتى الفيليشيا معايا وبمقارنتها بإكسيل بصراحة الأوروبي يكسب، الأوروبي عاوز عناية وصيانة من متخصص شاطر ومتبخلش عليه بقطع غيار أصلي.

[Mahmode]

فعلا الفانتازيا سحبها حلو أوي على ال s أو على ال d لو كبستلها بنزين بس هيا عادة اللي سايقينها (زيي) مش بتوع شد وحرق.

[modiabbas]

انا امبارح راجع على الصحرواى و والله العربيه كان راكبها 100 عفريت :d :d مجرد ما اكبس الاقى سحبه غريبه
انا اول مره استغرب من العربيه كده ما شاء الله كانت قويه جدااا .... اوكتافيا a5

[AhMeD MeTwAlY]

دي مش حاجه غريبه مع احترامي لكل الناس الي معاها كوري او ياباني
الالماني لو الي راكب العربيه فاهم بجد هتشوف اداء جبار