مرايا سكودا فانتازيا 2011 اتسرقت!!!

[didos323]

[justify]مساء الفل [/justify]

من يومين كان عندي مشوار في مدينة نصر المهم ركنت و غبت ساعة... رجعت لقيت المرايتين (الزجاج) فقط مسروقين و المشكلة ان السلوك بتاعتها مدلدلة بس المرايات بتضم و تفتح من المفتاح عادي السؤال اقدر اغير الكفوف الزجاج بس ولا المراية كلها و انا عايزهم استيراد منييين و بكام يا ريت الرد بسرعة و شكرا ليكم

[hossam_elwani]

الله يعوض عليك خير ...... كل شويه خبر سرقة كفوف مرايات الاسكودا ايه الحكايه ايه السر فى سرقه مرايات الاسكودا بذات

[esp]

كنت راكن فين في مدينه نصر؟

[Land_Cruiser]

معلش ربنا يعوض عليك و ممكن تشوف المشاركه دى تفيدك لان صاحبها حصله نفس الحكايه مع الاسف

http://www.nilemotors.net/Nile/263124-a.html

[yaserbasha2000]

الله يعوض عليك خير ...... كل شويه خبر سرقة كفوف مرايات الاسكودا ايه الحكايه ايه السر فى سرقه مرايات الاسكودا بذات

++11111111111111111111111111111

[tam77]

السر أن المريات غالية جدا الكفتين ب 5300 جنية
أنا عندى حل علشان نمسك الحرامى الى بيسرق المرايات من مصر الجديدة عند ماكدونالد الميرلند ويبعها فى شارع دمشق ب 1000 جنية فى المحلات على انها أستيراد
واحد يقف بعربيتة أمام ماكدونالد ونراقب العربية من بعيد ويكون معاه حد من صحابة ونستنى ونمسكة ونموتة ضرب وقررت وأنا وصحابى هنعمل دا يوم الجمعة الجاية لأن واحد صحبى أتسرقت منه فى نفس المكان

[Land_Cruiser]

السر أن المريات غالية جدا الكفتين ب 5300 جنية
أنا عندى حل علشان نمسك الحرامى الى بيسرق المرايات من مصر الجديدة عند ماكدونالد الميرلند ويبعها فى شارع دمشق ب 1000 جنية فى المحلات على انها أستيراد
واحد يقف بعربيتة أمام ماكدونالد ونراقب العربية من بعيد ويكون معاه حد من صحابة ونستنى ونمسكة ونموتة ضرب وقررت وأنا وصحابى هنعمل دا يوم الجمعة الجاية لأن واحد صحبى أتسرقت منه فى نفس المكان

الاامن كمان تنسق مع الشرطه او الشرطه العسكريه علشان يتمسك و يتعملوا قضيه لانه خللى بالك لما يضرب مش هيتوب و اخره هيدور على منطقه تانيه و كمان ممكن يبقى معاه اله حاده او يكون معاه ناس تانيه معاهم سلاح

[tam77]

الاامن كمان تنسق مع الشرطه او الشرطه العسكريه علشان يتمسك و يتعملوا قضيه لانه خللى بالك لما يضرب مش هيتوب و اخره هيدور على منطقه تانيه و كمان ممكن يبقى معاه اله حاده او يكون معاه ناس تانيه معاهم سلاح

بين ماكدونلد ومكان قاعد فية كشك شرطة 500متر تخيل بس لمانمسكة مش هنسيبة غير لما يقلنا المحل الى بيديلو المرايات علشان يبعها وبعدين أقل واحد فى صحابى طولة مترين وعرض مترين هاهاهاها

[kok200]

اهلا بيك في نادي مسروقين المرايات

انا مسروق برضو مني

ومن الاخر عشان تريح دماغك

هتنزل تجيب الكفتين صيني بي 650 جنية

مفيش استيراد

استيراد شارع دمشق (مسروق )

الاصلي الشمال 2400 جنية والشمال 1300

[Mahmode]

يا رب تمسكو الحرامي وتعدموه العافيه. والله أنا نفسي أبقى موجود في مسكة حرامي عشان آخد حقي من الأشكال دي.

[Land_Cruiser]

خبر. هام !!!!!!!!

فى اخ جزاه الله كل خير حاطط موضوع انه مسك الحراميه اللى بيسرقوا المرايات و اقترح تتواصلوا معاه علشان تعرفوا الحراميه ودوا المسروقات لمين علشان تحاولوا تستردوها بمساعده الشرطه و هو كمان عملهم محضر

الرابط بتاع المشاركه اهه

نايل موتورز - NileMotors.net (القبض على لصوص المرايات فى مصر الجديدة)

[Mahmode]

فعلا الناس اللي مراياتها اتسرقت في مصر الجديدة لازم ما تسكوتش. تاخد رقم المحضر من الأبطال اللي مسكو الحرامية وتروح القسم وان شاء الله في أمل المرايات ترجع.

[lord0000]

أنا اتسرقت مني المرايات 4 مرات 2 يمين و2 شمال والضمان غيرهم مرتين بس وبعدين أصلا مرضيش يجدد وفي الاخر جبتهم صيني من شارع دمشق الوحدة بحوالي 350 جنيه ....