إلانترا 2012 ولا أوكتافيا a4 2008 ؟؟

[mody3on]

طبعا لو تقدر تجيب فوكاس هيكون احسن بكتير ، ال a4 شكلها وحش قوي وتابلوه قديم جدا ، لو عايز اوكتافيا هات a5 او فانتازيا

[khaledelsakaty]

أنا فعلاً دلوقتي بافكر في ال a5 بجدية .
تفتكر 110 ألف جنيه تجيب حاجة كويسة ؟؟

[usama_ra]

استاذ خالد .
شكرا على رد حضرتك المفصل . انا مش فارق معايا الشنطه لأني دي هاتكون عربيه تانيه غير الأكتافيا .
بالنسبه لعربيتي هيا عامله 80000 كيلو . وكل الصيانه بتاعتها بعمله في مركز وهدان في 6 اكتوبر و بصراحه معنديش معاهم مشاكل ناس محترمه . بالنسبه لقطع غيار ال a4 هي معمره و ماتعتبرش غاليه
يعني الحاجات اللي انا فاكرها
ترومستات دوره تبريد مواصفات اوروبي 622 جنيه . دا كان نتيجه مطب جامد
صيانه ال 80 الف 800 جنيه شامل المصنعيه و الضريبه
صيانه ال 60 الف حوالي 1950 شامل المصنعيه و الضريبه ودي اغلي صيانه
تيل فرامل امامي 410
اكصدام امامي 900 جنيه .
دا اللي انا فاكره لو عايز حاجه معينه تسئل عنها انا تحت امرك

[ashouhdy]

bmw 523i model 1999

[osha966]

حرام يا اخى نقارن الأوكتافيا بالهونداى النترا ...بالتوفيق

[osha966]

أنا فعلاً دلوقتي بافكر في ال a5 بجدية .
تفتكر 110 ألف جنيه تجيب حاجة كويسة ؟؟

- اعتقد ال 110 تجيب واحدة 2007 .نضيفة وركز على نضيفة لأن المستعمل فيه تجار بتغش .بالتوفيق

[TOOLA]

بص انا هنقلك تجربتى بشكل عام و انتا تشوف اليناسبك:

انا كنت راكب بورا من سنتين (ماتور و عفشة و شاسيه الأوكتافيا 4, تعتبر نسخة معدلة بسيط عن الأوكتافيا), المهم ملحقتش استمتع بيها كتير و عملت حادثة Total loss بعد 4 شهور و كنت مقتنع بيها جدا. المهم بعديها ركبت النترا 2005 الكاملة و قعدت بيها سنة, و بعدين ركبت بورا تانى الحمد لله.

طيب ميزات و عيوب (و طبعا لما اتكلم عن البورا يبقى تقريبا بتكلم عن الأوكتافيا):

ثبات: طبعا فى صالح البورا بنسبة محترمة و ان كنت اعتقد ان النسبة ديه هتقل كتير لما نتكلم عن الانترا 2012.

فرامل:طبعا فى صالح البورا و ان كنت بردواعتقد الانترا الجديدة هتقلل نسبة الفرق ديه.

صالون و عزل و اصوات مزعجة: البورا تمتاز عن الالنترا 2005 و عن الأوكتافيا كمان بجمال الوان نور التابلوه و التكييف التاتش, ولكن لو دخلت الالنترا 2012 فتنهى النقطة ديه لصالحها. بالنسبة للراحة داخل السيارة و العزل فالالنترا تتفوق عن البورا و اعتقد عن الأوكتافيا كمان فى العزل الداخلى و راحتك فى القيادة و الجلوس, و بالطبع فى راحة الركاب الخلفيين, لأن البورا و الأوكتافيا 4 مساحة امام الكنبة الخلفية ضيقة جدا. و طبعا من قرائتى لمواضيع التقييم هنا و سؤال اصدقاء لى, فالالنترا 2012 هتتفوق عليهم جميعا فى النقط ديه, و خصوصا فى الوسع و العزل.

كمان البورا يعيبها اصوات بتظهر من العفشة و التابلوه و الأبواب و ده بردو موجود فى الأوكتافيا 4 بنسب أقل, و ده مش هتحسه او تلاقيه فى الالنترا.

صوت الموتور فى الأوتماتيك عالى على السرعات و ده لأن البورا و الأوكتافيا 4 نقلات اوتو و كمان مفيش التريحة البتحصل بعد أخر نقلة, طب يعنى ايه الكلام ده, خد عندك:

البورا على 100 ك\س ال RPM بيكون 3200 لفة, و على 160 بيكون 5000 لفة, و على 180 بيكون داخل على 6000 لفة

النترا 2005 اوتو:لى 100 ك\س ال RPM بيكون 2300 او 2500 لفة, و على 160 بيكون 4000 لفة, و على 180 بيكون يا دوبك على 5000 لفة تقريبا.

و ده ان كنت اشك انه يأثر اوى على موتور البورا و الأوكتافيا, لكن بيفرق فى علو صوت الموتور خصوصا لو انتا قافل و مشغل تكييف و طبعا استهلاك بنزين على السرعات.

طبعا لو هتتكلم على الالنترا 2012 الموضوع ده هيفرق تماما مع فتيس 5 او 6 سرعات تقريبا.

الأمان: طبعا بعد تجربة الحادثة بتاعتى فطبعا الالمانى هيكتسح الكورى فى النقطة ديه, خصوصا لو انتا بتتكلم فى اول فئة فى الانترا المن غير وسائد هوائية و فرامل ABS.

مختصر الكلام ده ايه: لو انا مكانك, و عندى عائلة بردو و عاوز عربية مريحة فى الركوب و العزل و التكييف فى السفر و داخل المدينة, و بردو ماسكة نفسها فى الجرى العادى (يعنى مش غرز و شد), فبالطبع هتجه للالنترا 2012 بس هحاول اعلى الميزانية و اجيب الفئة البوسائد هوائية و فرامل ABS عشان الأمان, و تبقى انتا كده مسكت الخيط من النص ,و مش هخبى عليك احتمال العربية ديه تكون اختيارى القادم ان شاء الله, لما ازهق من البورا (ربنا يحفظهالى) خصوصا انها معايا بقالها 6 شهور بس.

لو نفسك رايحة للامانى بأه و تقلل من العيوب الذكرناها فى البورا و ال A4, يبقى سيبك من ال A4 و حاول تدور على A5 موديلات 2008 او 2009 (ابعد عن موديلات 2005 الى 2007 نصيحى اتقالتلى من هانى سمير و انا كنت هخلص فى a5 2006 فى عيوب بتظهر فى عقل الفتيس حتى مع تغيير زيت الفتيس بس مش كلو اشتكى منها, فى كتير محصلهمش حاجة بردو), بس لازم تكشف كويس جدا و خصوصا على الفتيس و تتأكد من مواعيد تغيير الزيت بتاعو.

و أخيرا فكر بردو فى السيفيك ,السعر المعاك يجيب واحدة مستريح و مش متهانة ده لو هتوصل لل 110و هتجمع بين ثبات و امان قريبا من الالمانى, و قوة موتور و سحب و عزل افضل من الكورى, و يعيبها بس وطيان العربية و حكها فى المطبات لو مسقتهاش بحرص.

[magedkahla]

بص انا معاية اوكتافيا a4 2007 جميل العربية ده اشتريتها بقالها 4 شهور وللعلم انا كنت عايش في السعودية وركب عربيات يعني فظيعة لدرجة ان العربية إل اتعلمت عليها السواقة كانت مازدا 6 2400 سي سي وركيبت كرولا وكامري والنترا بس الصراحة الشكل القديم الجديد مر كبتهاش انما الباقي ده كلو ركبتو وسوقتو بس رجعت مصر جبت اوكتافيا نضيفة a4 عايز اقولك عربية تحفة ثباااااااااااااااااات ملوش حل تقيلة جد انا جبت بيها 190 على المحور والله العظيم العربية الناس إل كانو معاية محسوش بحاجة خالص وبيخافو من السرعة حبيت اهزر معاه وقولتلهم يلا بقى انا هشيد شوية كلهم صوتو قولتلهم يعني انت مختوش بالكم اني جايب 190 من شوية وعلشان كبست جامد على البنزين وطلعت صوت ختو بالكم بجد انصحك بيها تجيبها وانت مغمض عنيك بس اهم حاجة تكون حالة كويسة وإل يقولك التبلوه بتاعها مش حلو بص هي بقى ازواق انا بح الحجات الكلاسيك الهادية ده وكمان انت ممكن تظبطها لما تجيبها بفرش جديد ممكن سينسور جهاز انزار تجيب كاسيت وشاشة الكلام ده كلو وكمان نظام الكومبيوتر بتعها فوق الروعة بيقولك امتى تحتاج تعمل سيرفس انا مرة كنت سايق العربية واللمبة إل ورة بتاعت الفرامل محروقة راح ظاهرلي على الكومبيوتر بتعها فيه إيرور في اللمبة إل ورة انا رأي اوكتافيا بلا منازع