ايهما افضل سكودا فانتازيا اليجانس التوكيل ام الخليجى

[seso100100]

الحمد لله نويت اشترى سكودا فانتازيا اليجانس لكن مش عارف اجيبها توكيل و لا خليجى و عايز اعرف الفرق بينهم بالنسبة للسعر و المواصفات
و هل فرق السعر لا يستحق المغامرة و شراء سيارة بدون ضمان
انا عرفت من النت انى ممكن ادخل الخليجى الضمان و ادفع 7 الاف جنيه بس مش عارف الخليجى بكام
انا عارف ان التوكيل ب 215 الف جنيه
ارجو من مالكى النوعين التوكيل و الخليجى اعطائى معلومات عن السيارتين و اعطائى النصح لأنى قررت الشراء فى اقرب وقت

[inspiron]

وكيل أفضل في الكماليات

[seso100100]

وكيل أفضل في الكماليات

ممكن تحدد لى حضرتك الكماليات الزيادة فى التوكيل

[Land_Cruiser]

وكيل علشان الضمان و المخاطره ان لاقدر الله تطلع مشكله كبيره فى العربيه زى الفتيس او الموتور ساعتها حكايه الضمان على الخليجى دى الله اعلم هيعملوا ايه معاك. فى ناس بتاخد المخاطره علشان فرق السعر بس ان وجهه نظرى المتواضعه ان الموضوع مش محتاج مخاطره و خاصه. اذا كانت التوكيلات نفسها بتستهبل احيانا و العربيات مستوردة بمعرفتهم فما بالك بضمان حضرتك مشتريه لعربيه مش جايه عن طريق الوكيل؟ الموضوع يقلق بصراحه و خاصه ان المبدأ انك لما تشترى حاجه انت المسئول عنها

[seso100100]

وكيل علشان الضمان و المخاطره ان لاقدر الله تطلع مشكله كبيره فى العربيه زى الفتيس او الموتور ساعتها حكايه الضمان على الخليجى دى الله اعلم هيعملوا ايه معاك. فى ناس بتاخد المخاطره علشان فرق السعر بس ان وجهه نظرى المتواضعه ان الموضوع مش محتاج مخاطره و خاصه. اذا كانت التوكيلات نفسها بتستهبل احيانا و العربيات مستوردة بمعرفتهم فما بالك بضمان حضرتك مشتريه لعربيه مش جايه عن طريق الوكيل؟ الموضوع يقلق بصراحه و خاصه ان المبدأ انك لما تشترى حاجه انت المسئول عنها :copy of m-s5:

و الله عندك حق لو الفرق بسيط لكن لو الخليجى ب 187 الف و التوكيل ب 212 الف و كماليات التوكيل بتزيد الفرش جلد و مطعمة بخشب الابانوس و مفهاش حساسات امامية بتلاقى الواحد بيفكر كويس و يستشير و بعد كده يقرر

[mazher_m]

بسم الله الرحمن الرحيم
خلاصه القول
اولا احييك علي اختيارك للفانتازيا
رائي الشخصي انها افضل سياره في مصر علي الاطلاق من حيث الامكانيات والكماليات والسعر
والاكثر ملائمه للطرق والجو في مصر
ثانيا طالما انك بتفكر في الاليجانس يبقي انت ناوي تقني مش تبيع بعد سنه او اتنين لان سعر اعاده البيع للاليجانس مقارب جدا للسبورت لان الزياده في الكماليات
ثالثا الفرق بين الخليجي والوكيل في الاليجانس مش في الاساسيات بمعني ان العفشه ووسائل الامان والمتور واحد
الفرق في
1- الوكيل اعلي من الارض
2-الوكيل جنط 16 وده مناسب للطرق في مصر الخليجي جنط 17
3-الضمان
4-الالوان في الخليجي اكتر من الوكيل
5- اعتقد ان الخليجي مفهوش زينون بس مش متاكد........ الوكيل فيه زينون
6- الخليجي بيقل عن الوكيل من7 الي 10 الاف جنيه حسب المعرض اللي بتشتري منه
7-الخليجي بيزيد سنسور امامي
شخصيا افضل الوكيل عن الخليجي
لاتنس صلاه الاستخاره

[KHALED AYMAN]

الوكيل 213 الف الخليجى 202 -203
1-حاليا كل العربيات وكيل و خليجى بقت نفس الارتفاع مفيش عالى وواطى زى زمان
2-الوكيل فيه ابنوس الخليجى لا _____الخليجى جنط 17 الوكيل 16
3-الوكيل فرش جلد كامل______الخليجى الكرسى الحوض بتاعه قماش و الباقى جلد
4-الوكيل فيه سخانات كراسى و دى قليله فى الخليجى______الخليجى فيه حساسات اماميه
5-بعض العربيات الخليجى مفيهاش سماعات فى الابواب الى ورا

كان زمان مفيش ابيض عند التوكيل دلوقتى بقى موجود بس غالبا بيكون زياده 2000 جنيه
هات وكيل

[seso100100]

فرق 10 الاف جنيه بس يبقى اكيد الوكيل افضل كفاية فرش الجلد الطبيعى للكراسى و الابواب لا يقل عن 6000 ج و تطعيم الابنوس تحفة عامل شكل جميل جدا و طبعا الضمان يفرق كتير
ان شاء الله حتوكل على الله و اشترى من الوكيل و الف شكر لكل من ساعد فى اتخاذى القرار و انا مطمئن لنصيحتكم الغالية انها الرأى الصحيح

[topzaher]

شكرا لكل من شارك في الرد علي الموضوع

[topzaher]

يس انا سمعت ان الخليجي 207 و الوكيل 220 و من غير جي بي اسهل هذا صحيح ام لا ارجو الافاده و شكرا

[seso100100]

انا سألت على الخليجى ب 205 الف و الوكيل السعر الرسمى 215 الف بس ممكن تجيبها ب 212 الف من عند سمير ريان يعنى الفرق 7 الاف جنيه يبقى الوكيل افضل لان بيزيد فرش جلد فخم جدا للكراسى و الابواب و التابلوه مطعم بالابنوس و ضمان سنتين

[Ahmed.Fahmy]

انا لما سألت من 4 شهور كان الخليجى 210 والوكيل 215 وانت هتدفع 7000 عشان تدخل الضمان يبقى انت الخسران

معلومة كدا على الماشى، العربية بتدخل الضمان دلوقتى ب3000 مش 7000 لكن.......... فى مراكز الخدمة المعتمدة وليس ارتوك يعنى مثلا مركز "كار تك" العبور واللى انا كنت بصلح فيه ممتاز واحسن من ارتوك فى التصليح والوقت والشغل لكن..... ما عندهمش قطع غيار يعنى لو فى حاجة هتتغير فى الضمان هتركن العربية لغاية الحاجة ما تيجى وابقى قابلنى... تبقى دافع تحويشة عمر ولا تقعد تقسط ومتعكنن

فى الاخر انصحك بالوكيل، موضوع الخليجى دا كان زمان قبل ما الحج محمد جبر "صاحب ارتوك اوتو" يشتكى من اغراق السوق بالخليجى واللى خلى الخليجى يتزل بمواصفات اقل من زمان وبسعر اقل بسيييييييط جدا عن الوكيل وبدون ضمان

[Ahmed.Fahmy]

[seso100100]

فعلا التوكيل افضل لأن العربية دى لازم زيت الفتيس يتغير كل 60 الف كيلو فى التوكيل عشان تحافظ عليه و الا ممكن تغير فتيس فى حدود 18000 جنيه

[olver]

و الله انا رائى و لا ده و لاده فورد فوكاس هاى لاين ب 193 و شكل و موتور و فتيس جديد و اوبشنز اكتر من الفنتازيا الى موجوده من 2009
و ده مجرد راى