ايهما افضل سكودا فانتازيا اليجانس التوكيل ام الخليجى

[seso100100]

رأى محترم لكن انا من اسكندرية و الاسكندرانية بيعشقوا حاجة اسمها فانتازيا و الفورد مالهاش سوق فعلشان كده بشترى الفانتازيا , عشان انا بحب اغير كل حوالى 3 سنين او اربع سنين فأنا عايز عربية كويسة و سوقها المستعمل كويس
يعنى لما اكون عايز ابيع ما أخسرش كتير مع انى عارف ان العربيات العالية فى السعر خسارتها كبيرة و الفانتازيا بتكون اكتر واحدة ماسكة سعر بالاضافة الى اننى معجب جدا بالاليجانس و خاصة عندما نزل التابلوه مطعم بالابانوس و فرش الجلد الفاخر الاسود

[seso100100]

الحمد لله حجزت الفانتازيا الاليجانس النهارده من عند اباظة اللى فى سابا باشا على البحر و قالى على يوم الاحد القادم الاستلام ان شاء الله
عايز بقى نصايحكم عند الاستلام مع انى مش اول مرة اشترى زيرو , و اهم حاجة اتأكد ازاى ان العربية موديل 2013 ؟

[seso100100]

الحمد لله استلمت العربية من اسبوع و رخصت كمان و العربية ما شاء الله جميلة جدا و سلسة فى سواقتها و البور بتاعها جميل و فراملها ممتازة و عفشتها روعة و ثباتها ممتاز جدا
اكتر حاجة عاجبانى الثبات و متعة القيادة و فرش الجلد الطبيعى و التابلوه المحلى بالابنوس حاجة تانية خالص تحسسك انك راكب عربية المانى فئة عالية

[Eslam.Elrefaey]

مبروك عليك و ربنا يحفظهالك ان شاء الله

[أبو صلاح]

الحمد لله استلمت العربية من اسبوع و رخصت كمان و العربية ما شاء الله جميلة جدا و سلسة فى سواقتها و البور بتاعها جميل و فراملها ممتازة و عفشتها روعة و ثباتها ممتاز جدا
اكتر حاجة عاجبانى الثبات و متعة القيادة و فرش الجلد الطبيعى و التابلوه المحلى بالابنوس حاجة تانية خالص تحسسك انك راكب عربية المانى فئة عالية

مبرووووووووووووك
ربنا يباركلك فيها ويكفيك شرها

[seso100100]

الله يبارك فيكم و كل عام و حضراتكم بخير

[seso100100]

انا لاحظت ان الفوجات فيها لمبة مش بتنور يعنى كل فوج فيه لمبتين لما بولع الفوجات بينور لمبة واحدة فى الفوج ممكن واحد يقولى اللمبة التانية بتاعة ايه و بتنور ازاى ؟

[Mohyeldin1974]

هو ابانوس التابلوه فى اعلى فئه بس؟

[osha966]

تحذير ...يوجد كثير من الفنتازيا الخليجى مجهزة بنزين 95 فقط ...وطبعا احنا عارفين ان بنزين 95 بقى ب5.85 جنيه