تسعيير اوكتافيا 2006 a5

[romiobasha]

ارجوا من خبراء الاوكتافيا اعطائى سعر مناسب لسيارة 2006 فبريكا بالكامل كاملة اوتوماتيك بس مفيش الجنت و لا فتحة سقف فيها تلاجة فى التبلوه و الدريكسيون مالتى لون بترولى ماشية حوالى 75000 بس و فعلا صاحبها راجل كبير فى السن و عامل صيانتها و بيبع عشان مش قادر على السواءة تانى
انا عايز اعرف اخدها بكام عشان ميكونش فى ظلم لأى واحد فينا
و ايه اخبار قطع غيارها مقارنة بالأوبل
و لكم جزيل الشكر

[طارق _عبد السلام]

هى حسب حالتها لو هى فعلا بمواصفاتك ولا يوجد بها دهان ولا دق خبطات من 95 الى 100

[طارق _عبد السلام]

لو مقارنه قطع الغيار بالاوبل ما تقلقش من الاوكتافيا

[romiobasha]

هى حسب حالتها لو هى فعلا بمواصفاتك ولا يوجد بها دهان ولا دق خبطات من 95 الى 100

شكرا لاهتمامك
فيها تجريحا بسبطة جدا فى باب السواق فقط و لا يوجد دهان نهائى

[romiobasha]

لو مقارنه قطع الغيار بالاوبل ما تقلقش من الاوكتافيا

ان شاء الله هخلص فيها يوم الأثنين

[momen_omar]

انا زيك بالظبط عايز اجيب اوكتافيا نفس الموديل ده بس اخبار الصيانة و قطع الغيار ايه؟ لو عندك معلومات ياريت تفيدنا............... هى مشكلة العربية دى التكييف كفائته مش عالية دى اكتر حاجة عليها كلام

[Mado El-Feki]

انا لسه جايب 2007 راشة إكصدام خلفي ورفرف ورا بس كاملة كا حاجة ما عدا فتخة السقف وفيها باركينج سيسورز أصلي والفرش من جوه بيج وعاملة 80 ألف
مخلصها على 112,000
وده عشان حالتها ممتازة
عموماً لحد 110 ألف معقول قوي

[طارق _عبد السلام]

انا زيك بالظبط عايز اجيب اوكتافيا نفس الموديل ده بس اخبار الصيانة و قطع الغيار ايه؟ لو عندك معلومات ياريت تفيدنا............... هى مشكلة العربية دى التكييف كفائته مش عالية دى اكتر حاجة عليها كلام

من ناحيه التكييف حسب تحملك انت للتكييف يعنى انا سمعت الكلام ده قبل مااشتريها وقالوا تكييفها ضعيف
وطبعا الاوروبى معروف ان تكييفه اقل من اليابانى مثلا
لاكن تجربتى مع تكييف الاوكتافيا وفى شهر سبعه كمان انه بالنهار المروحه بخليها على الشرطه التالته وليلا الشرطه الاولى او الثانيه على اقصى تقدير (يعنى التكييف قوى جدا كمان)
اما بخصوص الصيانه وقطعع الغيار مش هتفرق كتير عن السيراتو الكورى وقطع الغيار الالمانى تعمر اكثر

[طارق _عبد السلام]

انا لسه جايب 2007 راشة إكصدام خلفي ورفرف ورا بس كاملة كا حاجة ما عدا فتخة السقف وفيها باركينج سيسورز أصلي والفرش من جوه بيج وعاملة 80 ألف
مخلصها على 112,000
وده عشان حالتها ممتازة
عموماً لحد 110 ألف معقول قوي

مبروك عليك العربيه
ويارب يحفظها لك ويكفيك شرها
انا بعت 2006 من شهر (فى سكره البييع) =:)
والله ماكان فيه نيه بيع من الاصل بس نصيبها كده
فبريكا بمعنى الكلمه بدون دهان نهائى
فرش جلد كراسى وارضيه بطاريه جافه بالضمان خمسه كاوتش جديد رخصه سنتين اللون فضى
كاميرا خلفيه كاسيت دى فى دى اصلى اوكتافيا تلفزيون وبلوتوث وفيديو كارت مومرى وفلاشه(واعطيته الكاسيت الاصلى القديم بتاعها)
عامله 70 الف كيلو صيانه ال60 الف بالفاتوره وعلشان هو صحبى واصطادنى فى سكرات البيع اخدها 103 الف ربنا يبارك له وانا كنت بحلف له انى شارى 105 (وللعلم كنت شاريها من سنه 110 بس معرفش انا حصل لى ايه هى نصيبه بقى وصرفت عليها 8 الاف دلع الفرش والدى فى دى والبطاريه وهكذا وفى الاخر بعت له 103 بيقول لك دى اسعار سوق ربنا يبارك له فى العربيه يارب

[romiobasha]

الحمد لله اشتريت العربية على 100 بالعافية
هى ماشاء الله حالتها حلوة كوتش نظيف فيها حكة بسيطة فى باب السواق فقط ولا يوجد اى خرابيش تانى
2006 فبريكا بالكامل كاملة اوتوماتيك و فرش جلد بس مفيش الجنت و لا فتحة السقف فيها تلاجة فى التبلوه و الدريكسيون مالتى لون بترولى ماشية حوالى 75000
كده السعر كويس؟؟؟؟؟
و محتاج اجيب الجنت الأصلى السبورت و الكاسيت ال gps و هل ممكن اركب سينسور و كاميرا عليه؟

[طارق _عبد السلام]

الحمد لله اشتريت العربية على 100 بالعافية
هى ماشاء الله حالتها حلوة كوتش نظيف فيها حكة بسيطة فى باب السواق فقط ولا يوجد اى خرابيش تانى
2006 فبريكا بالكامل كاملة اوتوماتيك و فرش جلد بس مفيش الجنت و لا فتحة السقف فيها تلاجة فى التبلوه و الدريكسيون مالتى لون بترولى ماشية حوالى 75000
كده السعر كويس؟؟؟؟؟
و محتاج اجيب الجنت الأصلى السبورت و الكاسيت ال gps و هل ممكن اركب سينسور و كاميرا عليه؟

الف مبروك العربيه
ربنا يبارك لك
من ناحيه الجنوط ركبها اصلى وكاله وتكون نفس الموديل
ومن ناحيه الدى فى دى موجود بتاعها بيكب فى مكانه وشكله رائع وركبه عند واحد فاهم
ومن ناحيه السينسور انت مش هتحتاجه لو ركبت الكاميرا الخلفيه والكاميرا بتاع الاوكتافيا موجوده 150 جنيه وهى تحفه
والف مبروك عليك العربيه

[romiobasha]

الف مبروك العربيه
ربنا يبارك لك
من ناحيه الجنوط ركبها اصلى وكاله وتكون نفس الموديل
ومن ناحيه الدى فى دى موجود بتاعها بيكب فى مكانه وشكله رائع وركبه عند واحد فاهم
ومن ناحيه السينسور انت مش هتحتاجه لو ركبت الكاميرا الخلفيه والكاميرا بتاع الاوكتافيا موجوده 150 جنيه وهى تحفه
والف مبروك عليك العربيه

الله يبارك فى حضرتك
انا عايز اعرف الأسعار و اماكن التركيب للجنت و دى فى دى و الكاميرا
و شكرا للافادة

[طارق _عبد السلام]

الله يبارك فى حضرتك
انا عايز اعرف الأسعار و اماكن التركيب للجنت و دى فى دى و الكاميرا
و شكرا للافادة

هوالمفروض حضرتك تجيب جنوط اوكتافيا اصلى وموديل 2006 كمان علشان ما تعيب عربيتك
وده يجى من بتوع الاستعمال وهنا فيه اخ فى المنتدى كان بيبيع أو بيبدل جنوط اوكتافيا ممكن تتصل بيه وتتفق معاه أو تنزل الحرفيين وتشترى الجنوط ولا انصحك تركب لها جنوط عاديه او رسمه غير رسمه الاوكتافيا والاسعار حسب البائع يعنى لف وهات اقل سعر وانضف حاله
اما بخصوص الدى فى دى هو بيبدأ من 2700 وفيه انواع واغلبهم صينى بس شغال وكويس لاكن الاصلى افضل وممكن بردوا من بتوع الاستعمال الاستيراد
والتركيب طبعا انا من المحله مش هقدر افيدك انا اعرف الموجودين عندنا
ولعلمك اللى هتشترى منه الدى فى دى هيرشحلك افضل واحد يركبه لك وهيبعتك له
حضرتك لو من المحله كنت خدمتك اكثر
تقديرى لحضرتك

[romiobasha]

هوالمفروض حضرتك تجيب جنوط اوكتافيا اصلى وموديل 2006 كمان علشان ما تعيب عربيتك
وده يجى من بتوع الاستعمال وهنا فيه اخ فى المنتدى كان بيبيع أو بيبدل جنوط اوكتافيا ممكن تتصل بيه وتتفق معاه أو تنزل الحرفيين وتشترى الجنوط ولا انصحك تركب لها جنوط عاديه او رسمه غير رسمه الاوكتافيا والاسعار حسب البائع يعنى لف وهات اقل سعر وانضف حاله
اما بخصوص الدى فى دى هو بيبدأ من 2700 وفيه انواع واغلبهم صينى بس شغال وكويس لاكن الاصلى افضل وممكن بردوا من بتوع الاستعمال الاستيراد
والتركيب طبعا انا من المحله مش هقدر افيدك انا اعرف الموجودين عندنا
ولعلمك اللى هتشترى منه الدى فى دى هيرشحلك افضل واحد يركبه لك وهيبعتك له
حضرتك لو من المحله كنت خدمتك اكثر
تقديرى لحضرتك

شكرا لذوق حضرتك
انا عملت صيانة ال 80000 فى التوكيل " فلاتر و سيور " بس قالو لى هتحتاج اسكترا كاملة و نصحونى بالستراد لو حد يعرف تعمل كام اكون شاكر جدا
موجودة فى التوكيل عاملة 5000 بالتركيب اسبانى

[medhatr]

ربنا يباركلك فيها ويديك خيرها ويكفيك شرها
انا معايا 2008 اعلى فئه فبريكه بالكامل فتحه ومثبت سرعه وجنط وفتيس ستيبترونيك عاوز اعرف تعمل كام علشان بفكر ابيعها