خبراتكم في إصلاح بدي فلف فنيس a5

[Moratoz]

ده موضوع قديم كان بيتكلم فى نفس المشكلة و فى ناس بتصلحه ممكن يفيد
http://www.nilemotors.net/nile/15379...enttttt-2.html

متشكل جداً يا عمور. علشان أنتا بعد ما ما أطمنت علي عربيتك لسه بتخش ومتابع ومهتم بمشكلتي اما الموضوع فهو في اثنين بيصلحوا احمد زاهر في المعادي وايمن الصاوي في مدينه نصر وان شاء الله هحاول الي ايمن الصاوي في مدينه نصر شكله فاهم من الكلام ئل تم زكرة بالموضوع
متشكر لحضرتك جداً جداً جداً

[Omar.Shawki]

متشكل جداً يا عمور. علشان أنتا بعد ما ما أطمنت علي عربيتك لسه بتخش ومتابع ومهتم بمشكلتي اما الموضوع فهو في اثنين بيصلحوا احمد زاهر في المعادي وايمن الصاوي في مدينه نصر وان شاء الله هحاول الي ايمن الصاوي في مدينه نصر شكله فاهم من الكلام ئل تم زكرة بالموضوع
متشكر لحضرتك جداً جداً جداً

لاشكر على واجب ياعمرو
المهم المشكلة تتحل بأقل التكاليف وان شاء الله خير

[ahmed hilal]

سمعت كمان عن عمرو الجبروني في صقر قريش بس معرفش بصراحة شغله عامل ايه

[Moratoz]

انا بصراحه مجربتش شغله بس مرة روحتله كنت عايز أشوف شفرة ريموت العرييه علشان مرة واحدة مباشر شغال المهم كشف علي الكود وجرب الريموت وقلي الريموت بايظ هات ٥٠ جم ثمن الكشف والشغل
المهم انسان معاملته وحشه وتحس انو طماع علشان كدة انا مش هروحله

[forti]

انا اعرف ان احمد زاهر تقريبا متخصص اكتر فى الفتيس انا فاكر انه قالى كده مرة

[Moratoz]

انا اعرف ان احمد زاهر تقريبا متخصص اكتر فى الفتيس انا فاكر انه قالى كده مرة

اه مش قصدك احمد زاهر بتاع الاسكودا ئل في اول صقر قريش قريب علي الاوتوستراد مباشرة هو كويس بس تقريبا تلكلفة الاصلاح بتبقي ٥٥٠٠ جم علي شان مرة كنت بشتري عربيه وكشفت عندة وقالي تكلفه إصلاحه في حدودو ٥٥٠٠ جم
ربنا المستعان
وتشكراتي واحتراماتي لمداخلتك

[EngAhmedSayed]

انا بصراحه مجربتش شغله بس مرة روحتله كنت عايز أشوف شفرة ريموت العرييه علشان مرة واحدة مباشر شغال المهم كشف علي الكود وجرب الريموت وقلي الريموت بايظ هات ٥٠ جم ثمن الكشف والشغل
المهم انسان معاملته وحشه وتحس انو طماع علشان كدة انا مش هروحله

طيب ليه مشرحتش القصه دى فى موضوع
علشان الناس تاخد بالها من الانسان ده
ربك المستعان

[Moratoz]

طيب ليه مشرحتش القصه دى فى موضوع
علشان الناس تاخد بالها من الانسان ده
ربك المستعان

انا مشرحتش الموضوع دا علشان لم القي تنويهات عن هذا الرجل في المنتدي غير موضوع واحد في قسم الفولكس عن فولكس جيتا مش زي باقي المهندسين المشهورين علي المنتدي مثل أصلان وخالد وهاني ومحمد سمير
وان شاء الله قريبا قربت أوصل لحل لموضوعي وأول ما يخلص سوف أضع الرد في الموضوع حتي تعم الاستفادة وان كنت أتمني تثبيت هذا الموضوع لمعاناة كثر من مالكي a5 من هذه المشكله
ولكن منا تحياتي واحتراماتي

[forti]

اه مش قصدك احمد زاهر بتاع الاسكودا ئل في اول صقر قريش قريب علي الاوتوستراد مباشرة هو كويس بس تقريبا تلكلفة الاصلاح بتبقي ٥٥٠٠ جم علي شان مرة كنت بشتري عربيه وكشفت عندة وقالي تكلفه إصلاحه في حدودو ٥٥٠٠ جم
ربنا المستعان
وتشكراتي واحتراماتي لمداخلتك

أيوة الى على الاوتوستوراد .. اصل بما انى ساكن فى 15 مايو فهو اقرب حاجه ليا على الاتوستوراد .. و اتعاملت معاه فترة كويسة بس اخر مرة كانت العربية فيها مشكلة وش سلندر بس ده كان تالت مرة تحصل و يمكن انا قولت الكلام ده فى المنتدى تمام و قولتله هل كده العربية تبقى عايزة موتور ولا ايه مش معقول ده تالت وش هغيره و كل مرة الموضوع بيخش فى 700 جنيه على الاقل فقالى طيب سيبلى العربية تمام سبتهاله لعل و عسى نخلص من الموضوع ده على الرغم من ان والدى معاق و كنا اى حاجه نعملها فى العربية بنستنى حتى لو هنقعد اليوم كله مع الميكانيكى لان طبعا العربية بالنسبة لبابا اعتمادية جدا و مينفعش الخروج من غيرها .. المهم قولنا فعلا لعل و عسى عشان يشوفها براحته و تتظبط .. هو طبعا قال عشان يكشف براحته اذا كانت هتحتاج جوان وش زى المرتين الى قبل كده ولا هتعوز موتور .. كلمناه بعدها المهم قال عايزة جوان وش بس رغم طبعا انا توقعت ساعتها انها هتعوز موتور .. قلنا خلاص هو الى قال عمل الجوان و غير كمان الراديتير الاصلى و ركب واحد صينى ! .. عشان دورة المياه كانت مليانة طحينة و سدته خالص .. تمام تمام طيب خدنا العربية مكملتش 200 كيلو و نفس اللخبطة حصلت اثار طحينة على غطا الموتور و كذلك طحينة فظيعة فى دورة المياه الاتنين طبعا روحناله هنتجنن .. راح قايل ساعتها يبقى عايزة موتور .. كده فى حاجات من جوه مش باينه بالعين لما كشف ساعتها ( بيبرر يعنى ) المهم قالنا موتور و حتى تحس انه مكنش عايز يعمل الموضوع ده قفل الكبوت .. العربية عايزة موتور ربنا يصيرك يا حاج و الله انا عارف العربية دوختك .. و كأن هيقولنا ربنا يعوض عليكوا .. مش مثلا لو هنعمل الموضوع ده انا فاضى فى كذا و هنروح فين و نعمل ايه لا مفيش الكلام ده كله .. قلنا طيب خلاص مش هنعمل الموضوع ده عنه .. بس كده

غير كده بقى فترة التعامل الى قبل كده كلن مفضل جدا لوالدى عشان قريب .. المكان نظيف جدا بصراحة و واسع و هو كمان منظم .. قطع الغيار بتبقى عنده سواء موتور يفك منه اى حاجه .. او حاجات جديدة باستثناء لو حاجه مش عنده بيقول هاتوها من الهاشميه

[Moratoz]

الغريب ان اكثر الصنانعيه اصبحو يتعاملوا مع الزبون بمبدأ طور ونحلبه يعني لو هوا من الأول كشف كويس كان ثمن الثلاث مرات الخاصين بوش السلندر كانو دخلوا في ثمن الموتور ونشتريه وخلاص بس هما عايزين يريحوا دماغهم والزبونكل شويه يجي تاني وتالت
والمهم الواحد مبقاش عارف يروح فين ولمين والتصليح هيبقي كويس ولا اشتغاله
ربنا المستعان وبتبادل خبراتنا في المنتدي علي الأقل بيكون عندنا فكرة نالموضوع والحلول االمقترحه لأقرب للتنفيذ لأن احيانا كثيرة بيكون احد الأعضاء مر بنفس التجربه ويعرض خلاصة ما توصل اليه.
ولكم منا تحياتي

[forti]

الغريب ان اكثر الصنانعيه اصبحو يتعاملوا مع الزبون بمبدأ طور ونحلبه يعني لو هوا من الأول كشف كويس كان ثمن الثلاث مرات الخاصين بوش السلندر كانو دخلوا في ثمن الموتور ونشتريه وخلاص بس هما عايزين يريحوا دماغهم والزبونكل شويه يجي تاني وتالت
والمهم الواحد مبقاش عارف يروح فين ولمين والتصليح هيبقي كويس ولا اشتغاله
ربنا المستعان وبتبادل خبراتنا في المنتدي علي الأقل بيكون عندنا فكرة نالموضوع والحلول االمقترحه لأقرب للتنفيذ لأن احيانا كثيرة بيكون احد الأعضاء مر بنفس التجربه ويعرض خلاصة ما توصل اليه.
ولكم منا تحياتي

هو كتير فعلا كده بس شوف رغم الى حصل مع استاذ احمد زاهر بس ممكن ارشحه بردو للناس زى ما رشحته لحضرتك فى الفتيس .. و ممكن الشغل الى قبل كده يغفرله حاجه زى دى بالنسبالى و الله اعلم هو فعلا مكنش يعرف هتحتاج موتور ولا كان عارف .. (( و ملحوظة صغيره المرتين بتوع وش السلندر فى الاول مكنوش عندو هو عمل فقط المرة التالتة )) .. و انا عن نفسى ممكن ارجع اكمل معاه بعد موضوع الموتور ده ده لو والدى وافق بقى لانه بصراحة اضايق منه

[asm2me]

شغلهم بايظ ومافيش ضمان

انا مشرحتش الموضوع دا علشان لم القي تنويهات عن هذا الرجل في المنتدي غير موضوع واحد في قسم الفولكس عن فولكس جيتا مش زي باقي المهندسين المشهورين علي المنتدي مثل أصلان وخالد وهاني ومحمد سمير
وان شاء الله قريبا قربت أوصل لحل لموضوعي وأول ما يخلص سوف أضع الرد في الموضوع حتي تعم الاستفادة وان كنت أتمني تثبيت هذا الموضوع لمعاناة كثر من مالكي a5 من هذه المشكله
ولكن منا تحياتي واحتراماتي

أنا جربتهم في فتيس سكودا فالف بودي ..كلفوني 1800 جنيه تنضيف وزيت
مشيت بالعربية 300 كيلو زي الفل..بعد كده رجعت تنتش زي الأول
رجعتلهم مرتين بعد كده أكلمهم ان العربية لسه بايظة قالولي لازم تغير عقل فتيس
رغم إني سألت عمرو قبل ما يشتغل فيها وقال لي ان العيب حيروح خالص مش احتمال
مش بيدوا أي ضمان على شغلهم واشرب من البحر ..رغم اني معايا فاتورة منهم لكن مش حعرف أعمل حاجة بيها

[Esam Elsayed]

روح لاحمد زاهر فى صقر قريش

[Moratoz]

أنا جربتهم في فتيس سكودا فالف بودي ..كلفوني 1800 جنيه تنضيف وزيت
مشيت بالعربية 300 كيلو زي الفل..بعد كده رجعت تنتش زي الأول
رجعتلهم مرتين بعد كده أكلمهم ان العربية لسه بايظة قالولي لازم تغير عقل فتيس
رغم إني سألت عمرو قبل ما يشتغل فيها وقال لي ان العيب حيروح خالص مش احتمال
مش بيدوا أي ضمان على شغلهم واشرب من البحر ..رغم اني معايا فاتورة منهم لكن مش حعرف أعمل حاجة بيها

انا كنت عملته عن واحد اسمه الشيخ في الحرفيين والحمد لله شغال معايا كويس من ساعتها ولكن في ناس برده مشكرتش فيه علشان كدة انا محبتش اعملة زكر في الموضوع

[lord_adel]

مين اللى هيعمل التعديل ده؟ واتعمل قبل كده ونفع
برجاء الافادة وشكرا.

التعديل ده اتعمل قبل كده كتير ونفع لان البدى فلف بتاع الفانتازيا هوة هوة بتاع ال a5 مع اختلاف مكان المسامير فالتعديل الى بيعمله انه بيعمله قواعد عالشان يعرف يثبته ودمتم ...
انما انه يحل المشكله مدى الحياه اشك في كده , لازم برده تغيير الزيت كل 60 الف بالزيت الاصلى ....