خبراء الفتيس الاوتوماتيك a4 2003

[mo3tazanas]

نصيحة مش اي حد يقولك حاجة تاخد كلامه مسلم بيه ....انا لما جبت العربية كانت تمام معايا وزي الفل لمدة اسبوع وفجأة كنت على طريق الواحات وهوووب حسيت العربية كان حاجة فيها قفشت ...ادوس بنزين القي العربية ال rpm يعلى ويوصل ل 5000 والعربية مبتنقلش ولا حتى تسرع ركنت على جنب وكلمت واحد صاحبي قالي الفتيس فيه مشكلة سيبها تريح شوية ممكن يكون الزيت سخن ولا حاجة وبالفعل سبتها ربع ساعة وشغلته رجعت زي الاول بتنقل وطبيعية ولا كان حاجة حصلت ...روحت بيها وتاني يوم رحت انا وصاحبي لاكتر من ميكانيكي وكله اول ما تحكيله يقولك عقل الفتيس عايز يتغير من غير ما يبص على العربية حتى ...انا الحمد لله لما بدخل حاجة في دماغي مبسيبهاش غير وهي تمام ...قمت دخلت على المواقع الاوروبية وقعت ادور على نفس المشكلة اللي عندي...والحمد لله عرفت سببها اللي كان حساس في الفتيس رقمه g38 ولما الحساس ده بيبوظ العربية بتخش في حاجة اسمها limp mode علشان الفتيس ميبوظش ..وغيرت الحساس ده ب 150 استيراد والحمد لله العربية معملتش معايا الحركة دي تاني غير من اسبوع بس كنت مشغل التكييف لمده فوق الساعيتين في الزحمة واول لما قفلت التكيف راحت المشكلة على طول


وحتة النتشة اللي بيقولك عليها دي على 60 عندي بس خفيفة بس مبررة في وجهة نظري لان العربية لما بتجيب 60 بتنقل على الغيار الرابع ( وهو الاخير لو الفتيس عندك اربع سرعات زي اللي عندي والغيار ده هو اللي بتمشي عليه من 60 لغاية 260 )

عايز تتطمن جرب في مرة تحرق بالعربية بس مش لدرجة انك نجيب اخر الدواسة يعني مش حتحس ان العربية جابت الرابع اساسا لان ال rpm بيكون عالي اساسا فلما بتيجي تنقل على الرابع ال rpm مبيزلش جامد فمبتحسش بالنتشة اياها

اسف على الاطالة ولو عايز اي معلومات تانية قولي

انا عاندى الناتشة دى بردو على الـ 60 بس مستفزة بالنسبالى القى العربية كانيت لورا وبعدين تقوم ناقلة وتفتح ودة فى الرابع فقط جميع الغيرات ناعمة وزى الفل فا منرفزانى النتشة دى ومش عارف سببها

[mahmoudfawzypr]

[QUOTE=erp;3874872799]

هي مش محتاجة خطوات ولا حاجة ...كل اللي عليك انك تخلي حد كويس يشوف مستوى الزيت بتاع الفتيس وفي الغالب الزيت ناقص عندك ... انا اكتشفت ان الزيت تاقص بالصدفة البحتة انا عندي كرتيرة الزيت بتاع الفتيس بتسرب زيت من عند الجوان ومازالت حتى بعد الجوان الجديد فلما غيرت الجوان زوت نص لتر زيت ومن ساعتها النتشة راااحت من الغيار التاني ومبقتش احس بيها خالص

اما المواقع فاحسنهم الموقع ده [url=http://jettajunkie.com/cmps_index.php]VW JETTA Forum


تسلم ايدك ياباشاااااااااااااااااااااااا

العفو على ايه

[mahmoudfawzypr]

انا عاندى الناتشة دى بردو على الـ 60 بس مستفزة بالنسبالى القى العربية كانيت لورا وبعدين تقوم ناقلة وتفتح ودة فى الرابع فقط جميع الغيرات ناعمة وزى الفل فا منرفزانى النتشة دى ومش عارف سببها

والله انا بيتكيف معاها و وتفسيري الوحيد ليها ان العربية لما بتجيب الرابع (وده على سرعة 60 لو مش بتحرق ولو بسيط) ال rpm بيكون على 2000 ويقوم نازل على 1500 لما ينقل فالفرق كبير نسبيا خصوصا ان الغيارات التانية ال rpm بينزل من 2000 ل 1800 فمبحتسش بالنتشة السخيفة دي

[erp]

الموضوع منشتر ومهم جدا وارجو تدعيم الموضوع بفهم اعمق واكتر بمشاركات المشرفين

وشكرا للاستاذ محمود فوزى على الردود المحترمه والجميله دى

[صعيدي]

ممكن يا باشا تقولي الصيانه كلفت كام وأسعار قطع الغيار ألي غيرتها
عشان عندنا الاسعار في اسيوط نااااااااااااااااااااااااااار

[EngAhmedSayed]

ايه اخبار بطارية العربيه حالتها ايه
لان اكتشفو انى هى تعتبر سبب من ضمن اسباب تنتسش الفتيس فا رجاء حاولو تجربو ببطاريه تانيه للقطع الشك باليقين
ده بخصوص الفتيس الاتوماتيك

[mahmoudfawzypr]

انا البطارية عندي لسه جديده من شهر 10 والنتشة اللي في الرابع من ساعة ما جبت العربية وان كانت خفت جدا لما زودت الزيت

[forti]

احمد زاهر فى الفتيس زى ما الناس قالوا

[amrelsaqqa]

احسن حاجة في حوار الفتيس ده الواحد يشتري دماغه ويركب عربية مانيوال والله :d

[Moratoz]

كل فتيس وليه متعته سوار منوال او اوتو

[طارق _عبد السلام]

من كلامك فى الموضوع ان معندكش رزعه فى الفتيس وهى دى المشكله
ولعلمك ممكن تكون قواعد فتيسمقطوعه
كل ماعندك هو شعور بالنقله وده مش عيب كبير ولا حاجه انت عربيتك 4 غيار لازم تحس بالنقله
الفتيس الوحيد اللى ماتشعر بنقلته dsg
ماتخليك موسوس ده موضع انت ماحسيت بيه اصلا فلا تشغل بالك الا لو اجمع اكثر من فنى عنده ضمير
ولو عايز تعرف المشكله مش من السرعات العاليه امشى بالعربيه وهى بطيئه وخليها تاخد غيراتها وشوف كده عندك رزعه ولا لا

[amrelsaqqa]

كل فتيس وليه متعته سوار منوال او اوتو

فعلا ، انا في مرة جه في بالى فكرة مش عارف ليه مفيش عربية عملتها :D
يتعمل مانيوال واتوماتيك 2*1 بمعنى الكلمة ، يعنى مش dsg ولا ستيب ترونيك ولا حتى ايزى ترونيك ...

لا فتيس مانيوال عادى جدا باسطوانة ودسك عاديين جدا وبعدين في نقلة زيادة مثلا زي ما نقلة المرشدير لها ترس زيادة ، يتعمل نقلة فيها محول عزم بحيث لو جبتها تدخل وضع الاوتوماتيك ويكون عبارة عن فتيس اوتوماتيك صغير وكفاية حتى يكون فيه غيارين فقط لحد سرعة 100 ولا حاجة اخره ، ومفيهوش تحكم بالنقلات بتاعته مجرد نقلة زيادة هى الـ D وبس ( عشان يكون صغير ومبسط واستخدامه في الزحمة فقط )

والمارشدير ممكن يتساب بتاع المانيوال زي ماهو او يتعمل تبع الاوتوماتيك ، حسب الوضع الافضل هيبقى ايه


بحيث لو عايز مانيوال تجيب الاول والتانى والتالت عادى والدبرياج معاك عادى جدا ، تجيب الـ D العربية تبقى اوتوماتيك لحد سرعة 100 وبعدها لازم تدي التالت او الرابع او الخامس بتوع المانيوال عشان تكمل

الفكرة ان الفتيس الاوتوماتيك الصغير ده يتعمل بأصغر حجم ممكن بحيث يندمج جوة الفتيس المانيوال والتكلفة الاجمالية ما تبقاش كبيرة اوى

ايه رأيكم في الافتكاساات دى ، اقوم انام احسن مش كدة :D

[Moratoz]

فعلا ، انا في مرة جه في بالى فكرة مش عارف ليه مفيش عربية عملتها :d
يتعمل مانيوال واتوماتيك 2*1 بمعنى الكلمة ، يعنى مش dsg ولا ستيب ترونيك ولا حتى ايزى ترونيك ...

لا فتيس مانيوال عادى جدا باسطوانة ودسك عاديين جدا وبعدين في نقلة زيادة مثلا زي ما نقلة المرشدير لها ترس زيادة ، يتعمل نقلة فيها محول عزم بحيث لو جبتها تدخل وضع الاوتوماتيك ويكون عبارة عن فتيس اوتوماتيك صغير وكفاية حتى يكون فيه غيارين فقط لحد سرعة 100 ولا حاجة اخره ، ومفيهوش تحكم بالنقلات بتاعته مجرد نقلة زيادة هى الـ d وبس ( عشان يكون صغير ومبسط واستخدامه في الزحمة فقط )

والمارشدير ممكن يتساب بتاع المانيوال زي ماهو او يتعمل تبع الاوتوماتيك ، حسب الوضع الافضل هيبقى ايه


بحيث لو عايز مانيوال تجيب الاول والتانى والتالت عادى والدبرياج معاك عادى جدا ، تجيب الـ d العربية تبقى اوتوماتيك لحد سرعة 100 وبعدها لازم تدي التالت او الرابع او الخامس بتوع المانيوال عشان تكمل

الفكرة ان الفتيس الاوتوماتيك الصغير ده يتعمل بأصغر حجم ممكن بحيث يندمج جوة الفتيس المانيوال والتكلفة الاجمالية ما تبقاش كبيرة اوى

ايه رأيكم في الافتكاساات دى ، اقوم انام احسن مش كدة :d

لو قمت بلاش يجئ في بالك حاجة تاني هههههههههههه وعلي فكرة اي اختراع بيبدأ بفكرة مجنونه

[dr.hazem]

فعلا ، انا في مرة جه في بالى فكرة مش عارف ليه مفيش عربية عملتها :D
يتعمل مانيوال واتوماتيك 2*1 بمعنى الكلمة ، يعنى مش dsg ولا ستيب ترونيك ولا حتى ايزى ترونيك ...

لا فتيس مانيوال عادى جدا باسطوانة ودسك عاديين جدا وبعدين في نقلة زيادة مثلا زي ما نقلة المرشدير لها ترس زيادة ، يتعمل نقلة فيها محول عزم بحيث لو جبتها تدخل وضع الاوتوماتيك ويكون عبارة عن فتيس اوتوماتيك صغير وكفاية حتى يكون فيه غيارين فقط لحد سرعة 100 ولا حاجة اخره ، ومفيهوش تحكم بالنقلات بتاعته مجرد نقلة زيادة هى الـ D وبس ( عشان يكون صغير ومبسط واستخدامه في الزحمة فقط )

والمارشدير ممكن يتساب بتاع المانيوال زي ماهو او يتعمل تبع الاوتوماتيك ، حسب الوضع الافضل هيبقى ايه

بحيث لو عايز مانيوال تجيب الاول والتانى والتالت عادى والدبرياج معاك عادى جدا ، تجيب الـ D العربية تبقى اوتوماتيك لحد سرعة 100 وبعدها لازم تدي التالت او الرابع او الخامس بتوع المانيوال عشان تكمل

الفكرة ان الفتيس الاوتوماتيك الصغير ده يتعمل بأصغر حجم ممكن بحيث يندمج جوة الفتيس المانيوال والتكلفة الاجمالية ما تبقاش كبيرة اوى

ايه رأيكم في الافتكاساات دى ، اقوم انام احسن مش كدة :D

كل الفتيسات الAMT شغالة باسطوانه ودسك عادي خالص...
عربيتي بضغطة زر بخش المانوال مود واتحكم انا في الفتيس(ستب ترونك) وبضغطة تانية اخش الاوتو...
تحياتي

Sent from my SE Arc S using Forum Runner

[amrelsaqqa]

كل الفتيسات الamt شغالة باسطوانه ودسك عادي خالص...
عربيتي بضغطة زر بخش المانوال مود واتحكم انا في الفتيس(ستب ترونك) وبضغطة تانية اخش الاوتو...
تحياتي

sent from my se arc s using forum runner

معلومات اول مرة اعرفها الصراحة ودخلت قريت شوية على ويكيبيديا ، بس هى عربية حضرتك ايه اللى فيها الفتيس ده ؟