عاوز اظبط العفشة

[YHYAKOTB]

ان شاء الله هجيب مقصين جداد عشان العجل اليمين مفتوح لبرة من تحت
والجمب الشمال اوطى من اليمين فى العربية من قدام
عاوز اعرف اجيب اية تانى واية البطاحات دى واية سبب ميل العربية للجمب الشمال من قدام

المقصات ليهم نوع وصناعة اية
عاوز اعملها بالمرة يعنى لو فى حاجات اغيرها ياريت تقولولى

[sakr_skoda]

احنا نبداء بتغيير المقصات اولا وانا انصحك تشتريهم استيراد افضل باكتير وطبعا حتجيبهم بالجلد بتاعهم والبيض متبرشم فيهم وبعد كدا لو الاتزان متظبطش يبقى نشوف البطاحات او اليايات ....

[aw2100]

ان شاء الله هجيب مقصين جداد عشان العجل اليمين مفتوح لبرة من تحت
والجمب الشمال اوطى من اليمين فى العربية من قدام
عاوز اعرف اجيب اية تانى واية البطاحات دى واية سبب ميل العربية للجمب الشمال من قدام

المقصات ليهم نوع وصناعة اية
عاوز اعملها بالمرة يعنى لو فى حاجات اغيرها ياريت تقولولى

لو المقصات عندك سليمة يبقى حكاية قلب العجل دة بيبقى من المساعدين او الشمعدان معوجين بالنسبة لجنب عالى عن جنب ممكن يكون من البطاحات او من يايات امامى الجنب الواطى الياى ضعيف وده بيسبب حدفة للعربية وعومان والكاوتش بيتاكل بالنسبة للمقصات الأستعمال افضل لو شرية من واحد معرفة وحاول تجيب مقصات محفور عليها صنع فى المانيا بتبقى 10/10 احسن من الجديد وربنا يقويك !!

[I.ABUBAKR]

لو المقصات عندك سليمة يبقى حكاية قلب العجل دة بيبقى من المساعدين او الشمعدان معوجين بالنسبة لجنب عالى عن جنب ممكن يكون من البطاحات او من يايات امامى الجنب الواطى الياى ضعيف وده بيسبب حدفة للعربية وعومان والكاوتش بيتاكل بالنسبة للمقصات الأستعمال افضل لو شرية من واحد معرفة وحاول تجيب مقصات محفور عليها صنع فى المانيا بتبقى 10/10 احسن من الجديد وربنا يقويك !!

+1

يبقي تروح لعفشجي كويس الاول يحل العفشه ويقولك المشكله فين وبعدين تشتري المطلوب ويركب

او لو عايز تنجز ممكن تروح لمركز ضبط زوايا ويكون فاهم يكشف علي العربيه ويقولك المشكله فين

[YHYAKOTB]

احنا نبداء بتغيير المقصات اولا وانا انصحك تشتريهم استيراد افضل باكتير وطبعا حتجيبهم بالجلد بتاعهم والبيض متبرشم فيهم وبعد كدا لو الاتزان متظبطش يبقى نشوف البطاحات او اليايات ....

تمام يااستاذ صبحى بس اعرف منين ان الاستيراد كويس او مش تالف فى واحد صحبى شغال فى الاكسسوار هيجيبلى مقصين تركى جداد الواحد على 160 اية رايك ؟ وكمان بالنسبة للميلان هو باين والعربية واقفة انها مايلة سنة للجمب بس العربية كان اتزانها كويس قبل مالمقصات تبوظ

لو المقصات عندك سليمة يبقى حكاية قلب العجل دة بيبقى من المساعدين او الشمعدان معوجين بالنسبة لجنب عالى عن جنب ممكن يكون من البطاحات او من يايات امامى الجنب الواطى الياى ضعيف وده بيسبب حدفة للعربية وعومان والكاوتش بيتاكل بالنسبة للمقصات الأستعمال افضل لو شرية من واحد معرفة وحاول تجيب مقصات محفور عليها صنع فى المانيا بتبقى 10/10 احسن من الجديد وربنا يقويك !!

الله يخليك ياباشا كنت مغير شمعدان مكان الى فات عشان البلى بتاعة كان بيصفر وقلبة العجل دى كانت بسبب خبطة فى العجل على الطريق الدولى عوجت الجنط غيرتة بس العجل فضل مقلوب وغيرت المساعد وبرضة محصلش حاجة الميكانيكى كان قايلى جلب المقصات بايظة ومرضاش يركبلى الى بيتباعو لوحدهم وقالى هات مقصين جداد احسن وانا مش لاقى غير التركى

+1

يبقي تروح لعفشجي كويس الاول يحل العفشه ويقولك المشكله فين وبعدين تشتري المطلوب ويركب

او لو عايز تنجز ممكن تروح لمركز ضبط زوايا ويكون فاهم يكشف علي العربيه ويقولك المشكله فين

مركز ظبط الزوايا قالى ان الاسكاترا معووجة ومتكلمش على المقصات بس الى قالى عليها الميكانيكى قالى العربية هتعوم وفعلا عامت منى اول مظبط زوايا بس دلوقت لا عشان تقريبا الزوايا باظت تانى

[sakr_skoda]

بص ياعم يحيى المقصات مش حكاية يعنى هى عبارة عن ايه؟؟؟ فانتا تروح لبتاع الاستيراد دور على مقصين اصليين المانى وعلشان تعرفه صالحين ام الا حتشوف استقامة المقص وسلامة البيض وحاتجيب طقم جلد وتكبسهم فى المخرطة وتتوكل على الله ....

على فكرة ما دام انتا بتقول الاتزان كان مظبوط قبل تلف المقصات فمتهيئلى كدا ان الموضوع دا مسؤل عنه جلد المقص....

[aw2100]

طالما اتزان العربية كويس وفيه ميل خفيف يبقى المشكلة عندك فى السوست الخلفية هى اللى بتميل العربية دون تاثير على اتزان العربية ؟؟؟

[YHYAKOTB]

بص ياعم يحيى المقصات مش حكاية يعنى هى عبارة عن ايه؟؟؟ فانتا تروح لبتاع الاستيراد دور على مقصين اصليين المانى وعلشان تعرفه صالحين ام الا حتشوف استقامة المقص وسلامة البيض وحاتجيب طقم جلد وتكبسهم فى المخرطة وتتوكل على الله ....

على فكرة ما دام انتا بتقول الاتزان كان مظبوط قبل تلف المقصات فمتهيئلى كدا ان الموضوع دا مسؤل عنه جلد المقص....

يعنى اكبس جلد مقصات للمقص الى فيها ؟ اصل الميكانيكى قالى هتكبسها وهتبوظ تانى وبتاع فعشان كدة فكرت اغيرهم لو كدة اكبسلها جلد واتوكل على الله اية رايك ؟

طالما اتزان العربية كويس وفيه ميل خفيف يبقى المشكلة عندك فى السوست الخلفية هى اللى بتميل العربية دون تاثير على اتزان العربية ؟؟؟

يعنى السوستة الخلفية الشمال هى الى ممكن تكون مميلة العربية كدة من قدام للشمال ؟ العربية لما ابص عليها من ورا مش مايلة سوا واحد انما من قدام مايلة شمال سنة كأن العجل مش منفوخ على الاخر مثلا

ودى صورة العجلة الى قالبة مش عارف باينة ولا لا


[IMG][IMG=http://img4.imageshack.us/img4/7479/image1362750457428v.jpg][/IMG] Uploaded with ImageShack.us[/IMG]

[YHYAKOTB]

كنت كمان عاوز اسألك ياعم صبحى فى موضوع الكبالن الى جلدتها مقطوعة هل انضفها بجاز من الشحم الى فيها واحطلها شحم جديد ولا اركب الجلدة على طول اصلى بفكر اشحم نفسى شوية واعملها انا ؟ وعلى فكرة الجلدة المقطوعة ورا العجلة الى فى الجمب الى فى الصورة

[sakr_skoda]

كنت كمان عاوز اسألك ياعم صبحى فى موضوع الكبالن الى جلدتها مقطوعة هل انضفها بجاز من الشحم الى فيها واحطلها شحم جديد ولا اركب الجلدة على طول اصلى بفكر اشحم نفسى شوية واعملها انا ؟ وعلى فكرة الجلدة المقطوعة ورا العجلة الى فى الجمب الى فى الصورة

بص ياعم يحى جلد المقصات دى بتتغير بصفة دورية تقريبا كل لما بتآكلو بيتغيرو حاجة عادية يعنى زى كدا ما بنغير فلتر البنزين او فلتر الزيت خلاص اتوكل على الله واكبس جلد جديد وإن شاء الله المشكلة تزول....


اما بالنسبة للكبالن انا عامل درس فى المكتبة الدرس ال15 اقراه وانتا حتعرف كل حاجة....

هنااااااااااااااااااااااااااااااا

[YHYAKOTB]

الكوبلن الى كان جلدتة مقطوعة باظ وبيطقطق فى الملفات
جبت الكوبلن دة مكتوب تايوانى سعرة ب 115 والجلدة ب 15 معرفش لية من غير الجلدة جاى بس اهو الى حصل
وصورتة اهى






حد عندو فكرة عن النوع دة

[YHYAKOTB]

وبعد الذهاب لصنايعى ظبط الزوايا قالى هتغير الاتى

حشو اسكاترا
كاوتشة اسكاترا يمين
4 جلب مقصات
2 مساعدين امامى
تشحيم بطاحات مساعدين

وهقولكم التفاصيل بعد اما تخلص العمرة بس عاوز مساعدة فى انواع الحاجات دى لانى مش لاقى المساعدين الى قالى عليها استاذ صبحى مونرو ريفلكس ولا لاقى مساعدين حلوة

[sakr_skoda]

وبعد الذهاب لصنايعى ظبط الزوايا قالى هتغير الاتى

حشو اسكاترا
كاوتشة اسكاترا يمين
4 جلب مقصات
2 مساعدين امامى
تشحيم بطاحات مساعدين

وهقولكم التفاصيل بعد اما تخلص العمرة بس عاوز مساعدة فى انواع الحاجات دى لانى مش لاقى المساعدين الى قالى عليها استاذ صبحى مونرو ريفلكس ولا لاقى مساعدين حلوة

حشوة الاسكترا دا بعتبر مسكن مش علاج....

جلب المقصات دى ب100 الجلدتين العراض والبلحتين....

مساعدين مش لا قى اللى انا قللك عليهم طيب ما تشوف المايللى الألمانى ملقتش توكل على الله وهات الصينى واهى ايام وبنعديها لما تفرج وينصلح حال البلد....

[aw2100]

لو عاوز جديد فية محل اسمه مودرن اوتو فى خالد بن الوليد بعد رمادا عندة مساعدين صينى اسمهم كايلى ب 380 جنية وهو راجل محترم وباشترى من عنده قطع غيار العربية وبيبع منهم بقالة سنتين ومفيش اى مشكلة منهم لو تحب ادورلك على تليفونه ولو تحب استعمال فية هشام عدس فى شارع العيسوى بس خدهم على التجربة وهو صراحة بيبدل اى حاجة مش مضبطة وانا اشتريت مساعد كامل المانى من عندة بالياى بالبطاحة متقفل كان ب 150 وبقالة سنه 10/10 وغيرتة علشان الياى عندى كان ضعيف والعربية كانت مميلة يمين شوية ؟؟

[YHYAKOTB]

حشوة الاسكترا دا بعتبر مسكن مش علاج....
انا مش عارف اصلا الاسكاترا فيها اية عندى هى سليمة بس لما اجى اكسر يمين مثلا تيجى للاخر بسرعة ومتردش والشمال نفس الموضوع

جلب المقصات دى ب100 الجلدتين العراض والبلحتين....

مساعدين مش لا قى اللى انا قللك عليهم طيب ما تشوف المايللى الألمانى ملقتش توكل على الله وهات الصينى واهى ايام وبنعديها لما تفرج وينصلح حال البلد....

هدور يارب الاقى عشان زهقت والله ومش عاوز اجيب الصينى اذا كان الالمانى الى كانت معايا كانت مضروبة مكملتش 12 الف كيلو

لو عاوز جديد فية محل اسمه مودرن اوتو فى خالد بن الوليد بعد رمادا عندة مساعدين صينى اسمهم كايلى ب 380 جنية وهو راجل محترم وباشترى من عنده قطع غيار العربية وبيبع منهم بقالة سنتين ومفيش اى مشكلة منهم لو تحب ادورلك على تليفونه ولو تحب استعمال فية هشام عدس فى شارع العيسوى بس خدهم على التجربة وهو صراحة بيبدل اى حاجة مش مضبطة وانا اشتريت مساعد كامل المانى من عندة بالياى بالبطاحة متقفل كان ب 150 وبقالة سنه 10/10 وغيرتة علشان الياى عندى كان ضعيف والعربية كانت مميلة يمين شوية ؟؟

ممكن افكر فى موضوع الاستعمال الالمانى دة هبقى اروح اسأل عند عدس بس عاوز اعرف هو بيتباع لية الاستعمال طالما شغال ؟
مهو المساعدين الى عندى اما اخلعهم هيعتبرو استعمال !!!!
والله المستعان