أسعار الأوكتافيا الشكل الجديد نزلت رسميا في مصر ودي تفاصيلها!!

[شاهين - بنز]

كنت معدي عند فرع السندباد فشدت إنتباهي الرابيد فقلت أنزل أسئل عليها فلقيت عندهم أسعار الأكتافيا الجديدة مع العلم إنها حتنزل في آخر شهر 6 إن شاء الله وأعذروني لو الأسعار مش دقيقة أوي لإني سألت على عجالة
المانيوال فئتين واحدة ب 200 ألف والتانية ب 217 أو ب 227 مش فاكر بالضبط
الأوتو البيز لاين ب 241 ألف والهاي لاين ب 290 ألف جنيه
وبيقولي الالبيزلاين حتبقى مواصفتها شبيه بالجيتا p2 (الفئة اتانية)

وبحمد ربنا وبشكره إني لحقت الأوكتافيا شهر 9 إللي فات ب 172ألف مع إني كنت خايف وأنما بجيب الشكل القديم لا الجديد ينزل بنفس السعر وحسيت إني بجازف بموديل بقاله 8 سنين في السوق بس قلت عصفور في الإيد ولا 10 عالشجرة والحمد لله كان اختيار موفق

[horas3000]

290 الف !!!!!!!
يا نهار ابيض
دي قربت لل c و ال 3 series و عدت الباسات

[hossam_elwani]

هاى لاين بــ 290 الف !!!!!!!!!!!!!!!!

ده Superb بــ 215

والجيتا بــ 215

وال سى سى 335

على حسب علمى

عدت كل الحسابات المنطقيه وكل التكهنات الى الاخوه كانو بيقولو عليها وبيتوقعوها

وفى الاخر فتيس dsg

هو ده عنوان الفشل القادم

الى اشترى الفانتازيا كسب من الاخر

[Falcon.Crest]

290 الف !!!!!!!
يا نهار ابيض
دي قربت لل c و ال 3 series و عدت الباسات

و الفرق بينها و بين Passat CC اعلي فئه 45K EGP

[youssef_u]

اوكتافيا ب 290 الف ؟ ليييييييييييييه ؟ لييييييييييييه ؟ ( احمد شوبير ستايل )

[Mohab.Nabil]

عادى يعنى

ما هو شايف كيا و هيونداى بياكلوا بعقل الناس حلاوة و الناس لسه بتشترى برضه

قالك ليه معملش كده انا كمان

[Falcon.Crest]

عادى يعنى

ما هو شايف كيا و هيونداى بياكلوا بعقل الناس حلاوة و الناس لسه بتشترى برضه

قالك ليه معملش كده انا كمان

بس خلي بالك مش فيهم dsg
ومش محتاجين ron 95

[Mohab.Nabil]

بس خلي بالك مش فيهم dsg
ومش محتاجين ron 95

انا قصدى ان هو استغل ان كل الناس طالعة بالاوكتافيا السما و ان سوقها ماشى فى مصر و حتى معدية الجيتا اللى هى مفروض الاصل فقالك اعمل زى هيونداى و كيا برضه و اضرب اسعار فى السما و الناس كده كده بتشترى بالسمعة

بس عندك حق الناس هتفكر فى العربية كتير عشان موضوع الفتيس و الـ 95

[Falcon.Crest]

انا قصدى ان هو استغل ان كل الناس طالعة بالاوكتافيا السما و ان سوقها ماشى فى مصر و حتى معدية الجيتا اللى هى مفروض الاصل فقالك اعمل زى هيونداى و كيا برضه و اضرب اسعار فى السما و الناس كده كده بتشترى بالسمعة

بس عندك حق الناس هتفكر فى العربية كتير عشان موضوع الفتيس و الـ 95

هي كده دخلت شريحه مش بتاعتها خالص لان السعر ده فيه مناقسين كتير و مش وحشين بالعكس اعتماديه اعلي كتير بعد استخدام dsg

[Ahmed_Adham]

انتو مستغربين ليه يا جماعه؟ ماهو الاوكتافيا الجديده غير القديمه خالص. دي عربيه تانيه في فئه تانيه أصلا زي ما السيراتو دخلت في فه تانيه بالاوبشن الجديد برضه اوكتافيا الجديده دخلت في فئه أعلى باوبشن أعلى ده طبعا لو الهاي لاين نزلت بكامل المواصفات اللي في البروشور بتاع الشركه الأم.

[monamize4]

مبدأيا العربية هينزل فيها اوبشنز جميل (driving mode selection - auto parking - gear change recommendation - adaptive cruise control و دا عبارة عن مثبت سرعة بس بيحافظ على مسافة بينك و بين اللى قدامك - سقف بانوراما - hill holder - traffic sign recognition و دا نظام بيقرا اشارات المرور ع لطريق اللى انت ماشى عليه - lane assist و دا نظام بيساعدك انك ما تتطلعش عن مسارك - kessy system - TSA - ASR - EDL ESC - front assistant and automatic braking - crew protect assistant ودا نظام جميل اوى لو حس انك هتعمل حادثة بيبدأ يشد حزام الامان كويس و يقفل الازاز و فتحة السقف - fog light with corner function ,,,,,,,
لسه فى تانى بس عشان ما تزهقوش منى
عامة كل اللى فوق دى مواصفات اوروبى , لو هتنزلنا مواصفات قريبة اوى من المواصفات دى يبقى تسوى ال 290 , رغم انها compact car او C - Segment حسب الاوروبين يعنى المفروض تتقارن بالفوكس و الكروز و الجيتا و السيفيك و الالنترا ,, الصراحة المواصفات اللى فوق دى معظمها و خصوصا عوامل الامان بتاعتها بتنزل ف الفولفو الجديد اللى هى اعلى امان ف شركات السيارات
the point is : لو هتنزل بالمواصفات اللى فوق يبقى فعلا تستحق ف زمن السيراتو الهاى لاين فيه قربت ت hit ال 200 الف جندى

[inspiron]

اتصلت بـ artoc auto دلوقتي حالاً

العربية هتنزل في شهر 8 القادم..فئتين منوال..3 فئات أوتوماتيك

الفئة الأولي منوال :- سعرها 200 ألف جنيه مصري

محرك 1400 سي سي 122 حصان تيربو ( بيز لاين ) تشمل :-

- فرش قماش.
- abs/ebd/esp/mpa
- تكييف تاتش
- كاسيت سوينج شاشة عريضة زي الفانتازيا.
- بدون فوانيس شبورة.
- مرايات ضم كهربة.


الفئة الثانية منوال :- سعرها 215 ألف جنيه مصري

تختلف تختلف عن الأولي بتوفر :-

- فوانيس شبورة.
- جنط مقاس 16".
- حساسات ركن خلفية.
- مراية الصالون ذاتية التعتيم.
- مالتي فنكشن.
- فتحات تكييف خلفية.

------------------------------

الفئة الأولي أوتوماتيك بموتور 1400 سي سي 122 حصان DSG :(
" بيزلاين " وتشمل نفس كماليات الفئة الثانية منوال ما عدا الجنوط مع اضافة :-


- خاصية Follow me .
- مرايات ذاتية التعتيم.( صالون وجانبين )
- مالتي فنكشن.
- مثبت سرعة.

سعرها 230000 جنيه مصري


الفئة الثانية أوتوماتيك بموتور 1400 سي سي 122 حصان dsg
" sport " نفس مواصفات الفئة الأولي أوتوماتيك بإضافة :-

- فتحة سقف كهربة.
- زجاج فاميه.
- جنوط 16".
- حساسات أمامية وخلفية.
- كاسيت bolero شاشة تاتش.
- مخرج USB / AUX / IPOD
- فرش قماش/جلد مع بعض.
- smart key

سعرها 241 ألف جنيه مصري

------------------------------------------------

الفئة الثالثة أوتوماتيك ( مصيبة ) 1400 سي سي 140 حصان DSG :-

- كاسيت columbus شاشة تاتش مع نظام ملاحة ونظام صوتي مكون من عدد 9 سماعات وصب ووفر.

- كمبيوتر كامل للسيارة مدمج مع الكاسيت.

- lane assist
- front assist
- park assist
- multi collision brake
- crew protect assist

- adaptive cruise

- adaptive xenon

- بخاخات فوانيس.

- فرش جلد بالكامل.

- جنوط 17".

- سخانات الكراسي الأمامية فقط.

- تحكم كهربي في الكرسيين الأماميين مع lumber support

- أبانوس للأبواب والطابلوه والكونسول.

- smart key

- driving mode selection

- panorama sunroof

وسعرها 291000 جنيه مصري

فترة الضمان 3 سنوات علي السيارة بدون حد أقصي للكيلو متر.

وسألته علي ضمان الفتيس قاللي لسه مش عارفين إذا كان المشكلة تم حلها ولا لسه..وفي حالة حلها مش هيعملوا ضمان منفصل للفتيس.

[S O P H O S]

الاسعار رفعت اوي بصراحة

[monamize4]

مبدأيا العربية هينزل فيها اوبشنز جميل (driving mode selection - auto parking - gear change recommendation - adaptive cruise control و دا عبارة عن مثبت سرعة بس بيحافظ على مسافة بينك و بين اللى قدامك - سقف بانوراما - hill holder - traffic sign recognition و دا نظام بيقرا اشارات المرور ع لطريق اللى انت ماشى عليه - lane assist و دا نظام بيساعدك انك ما تتطلعش عن مسارك - kessy system - TSA - ASR - EDL ESC - front assistant and automatic braking - crew protect assistant ودا نظام جميل اوى لو حس انك هتعمل حادثة بيبدأ يشد حزام الامان كويس و يقفل الازاز و فتحة السقف - fog light with corner function ,,,,,,,
لسه فى تانى بس عشان ما تزهقوش منى
عامة كل اللى فوق دى مواصفات اوروبى , لو هتنزلنا مواصفات قريبة اوى من المواصفات دى يبقى تسوى ال 290 , رغم انها compact car او C - Segment حسب الاوروبين يعنى المفروض تتقارن بالفوكس و الكروز و الجيتا و السيفيك و الالنترا ,, الصراحة المواصفات اللى فوق دى معظمها و خصوصا عوامل الامان بتاعتها بتنزل ف الفولفو الجديد اللى هى اعلى امان ف شركات السيارات
the point is : لو هتنزل بالمواصفات اللى فوق يبقى فعلا تستحق ف زمن السيراتو الهاى لاين فيه قربت ت hit ال 200 الف جندى

معلش يا جماعة فى شويه مشاكل ف الكتابه عندى
وصف الاوبشنز مش زى ما انا اقصد يعنى مثلا ال adaptive cruise control دا اللى بيحافظ على مسافه بينك و بين اللى قدامك حتى لو مشغل مثبت السرعة مش ال driving mode selection

[A.Adel]

هو الحجز بدأ ؟؟