أسعار الأوكتافيا الشكل الجديد نزلت رسميا في مصر ودي تفاصيلها!!

[Ahmed_Adham]

انتو مستغربين ليه يا جماعه؟ ماهو الاوكتافيا الجديده غير القديمه خالص. دي عربيه تانيه في فئه تانيه أصلا زي ما السيراتو دخلت في فه تانيه بالاوبشن الجديد برضه اوكتافيا الجديده دخلت في فئه أعلى باوبشن أعلى ده طبعا لو الهاي لاين نزلت بكامل المواصفات اللي في البروشور بتاع الشركه الأم.

عشان أوضح وجهة نظري.

سيراتو القديمه الهاي لاين ب 142 والجديده ب 196 بزياده 38%
أوكتافيا القديمه هاي لاين 215 والجديده 291 بزياده 35%

الاتنين دخلو في فئات تانيه غير فئاتهم الاصليه بس مين اللي زادت اكتر؟

[dr_darsh]

يا نهااااااااااااار ابيض
ايه الأسعار دى بس اشمعنا الأوكتافيا هى جت عليها ما السيراتو عدت ال 180 الف
لا حول ولا قوه الا بالله

[my3fox]

كلمة السر هو الفتيس dsg ..... اللي سمعته زي الزفت و قتل بحثاً في المنتدي
لو الفتيس ده ما نزلوش ضمان منفصل 10 أو 15 سنة..... يبقي خليك مستعد تدفع 60 ألف جنيه في أي وقت بعد ال 15 ألف كم ...... السعر ده قبل الدولار ما ينط فوق ال 7 جنيه

أنا شايف إن vw بتغامر بسوقها في مصر بالكامل بالفيتيس ال dsg
باي باي أوكتافيا...... نفس مصير ال جيتا و الباسات بعد تركيب ال dsg

[rafeee2]

طبعاً 295 ديه أنا شايفه سعر هرتلة علي سكودا

بس الحق يقال الهرتلة من سكودا الأم مش من توكيل مصر

تقريباً نفس السعر في انجلترا بعد ازالة ال 20% vat و اضافة الجمرك المصري و التحويل للجنيه:

New Skoda Octavia 1.4 TSI Elegance 5d DSG Cars For Sale in UK | Parkers

[rafeee2]

اتصلت بـ artoc auto دلوقتي حالاً

العربية هتنزل في شهر 8 القادم..فئتين منوال..3 فئات أوتوماتيك

الفئة الأولي منوال :- سعرها 200 ألف جنيه مصري

محرك 1400 سي سي 122 حصان تيربو ( بيز لاين ) تشمل :-

- فرش قماش.
- abs/ebd/esp/mpa
- تكييف تاتش
- كاسيت سوينج شاشة عريضة زي الفانتازيا.
- بدون فوانيس شبورة.
- مرايات ضم كهربة.


الفئة الثانية منوال :- سعرها 215 ألف جنيه مصري

تختلف تختلف عن الأولي بتوفر :-

- فوانيس شبورة.
- جنط مقاس 16".
- حساسات ركن خلفية.
- مراية الصالون ذاتية التعتيم.
- مالتي فنكشن.
- فتحات تكييف خلفية.

------------------------------

الفئة الأولي أوتوماتيك بموتور 1400 سي سي 122 حصان dsg :(
" بيزلاين " وتشمل نفس كماليات الفئة الثانية منوال ما عدا الجنوط مع اضافة :-


- خاصية follow me .
- مرايات ذاتية التعتيم.( صالون وجانبين )
- مالتي فنكشن.
- مثبت سرعة.

سعرها 230000 جنيه مصري


الفئة الثانية أوتوماتيك بموتور 1400 سي سي 122 حصان dsg
" sport " نفس مواصفات الفئة الأولي أوتوماتيك بإضافة :-

- فتحة سقف كهربة.
- زجاج فاميه.
- جنوط 16".
- حساسات أمامية وخلفية.
- كاسيت bolero شاشة تاتش.
- مخرج usb / aux / ipod
- فرش قماش/جلد مع بعض.
- smart key

سعرها 241 ألف جنيه مصري

------------------------------------------------

الفئة الثالثة أوتوماتيك ( مصيبة ) 1400 سي سي 140 حصان dsg :-

- كاسيت columbus شاشة تاتش مع نظام ملاحة ونظام صوتي مكون من عدد 9 سماعات وصب ووفر.

- كمبيوتر كامل للسيارة مدمج مع الكاسيت.

- lane assist
- front assist
- park assist
- multi collision brake
- crew protect assist

- adaptive cruise

- adaptive xenon

- بخاخات فوانيس.

- فرش جلد بالكامل.

- جنوط 17".

- سخانات الكراسي الأمامية فقط.

- تحكم كهربي في الكرسيين الأماميين مع lumber support

- أبانوس للأبواب والطابلوه والكونسول.

- smart key

- driving mode selection

- panorama sunroof

وسعرها 291000 جنيه مصري

فترة الضمان 3 سنوات علي السيارة بدون حد أقصي للكيلو متر.

وسألته علي ضمان الفتيس قاللي لسه مش عارفين إذا كان المشكلة تم حلها ولا لسه..وفي حالة حلها مش هيعملوا ضمان منفصل للفتيس.

يعني كده الفئة الثانية منيوال نفس سعر الجيتا أوتو تاني فئة؟ طب ازاي