هعمل كار كير بنفسي للفانتازيا- ولا الحوجه للمراكز والمحطات

[inspiron]

رجالة أخباركم إيه..إن شاء الله أنا عندي أجازة من الشغل يوم الأربعاء القادم..خطر علي بالي إني أنظف العربية زي ما الكتاب بيقول.هقفل علي نفسي الجراج وأعيش معاها.أنا هقول علي الأدوات اللي عندي ولو في حاجة ناقصة يا ريت تقولولي عليها :-

- عدد 4 فوطة ناعمة.
- 3 أكياس قطن.
- علبة بوليش + علبة كومباوند.
- مكنسة كهربية شفط وطرد.
- سبراي تنظيف قماش.
- ليفة سفنج وخرطوم ميه وبريل.
- علبة مزيل صدأ wd-40
- ملمع كاوتش.
- معطر جلييد.

- عاوز بقه أعرف أحسن طريقة لتلميع الفوانيس إيه.وأحسن حاجة تخلي ريحة العربية جميلة.

مستني أرائكم وان شاء الله هعمل موضوع مصور عن الكار كير اللي هعمله.

[ahmed_gman]

متابع بس اعتقد انه هناك شامبوهات خاصة للسيارة افضل من البريل ,
ولكن هل البوليش والكامبوند الى حضرتك محضرهم للعملية ليهم ماركة خاصة ولا عادي الى موجود المصرى العلبة البيج والتانية البرتقالى ؟
وسمعت عن عبوات شمع اعتقد اسمو واكس مش عارف بالضبط انا ببحث معاك لانى من اصحاب اللون الاسود وما ادراك ما الاسود فى النظافة وسرعة التراب عليه
ربنا ييسر الخير الحمد لله
وشكرالك على فتح هذا الموضوع وان شاء الله يكون فيه الافادة من الاخوة الافاضل اصحاب الخبرات فى هذا المجال
وجزاكم الله خيرأ جميعا

[speed_magnum]

سيبك من الكمباوند خالص ده بيستخدم في علاج الخدوش ولازم حد مختص لانه له طريقه
البوليش هيلمع العربيه تمام بس بيشيل طبقه خفيفه من ال clear coat بتاع الدهان
افضل حاجه الواكس وده بيعمل طبقة حمايه علي العربيه وفي نفس الوقت بيدي لمعه مميزة
وفي شامبوهات خاصه بغسيل السياره تركيبتها بتكون مختلفه عن الصابون السايل العادي
وهات ملمع تابلوه stp or armor all
وبالنسبه لتعطير العربيه من جوه فاسهل طريقه هي معطر الجو من اوريون او جليد اللي حظرتك جبته وما تنساش تنضف فلتر التكييف
وتلميع الفوانيس كان في كذا موضوع هنا عنه واللي اعرفه انها ممكن تتلمع بمعجون اسنان كرست :)

[ahmed_gman]

سيبك من الكمباوند خالص ده بيستخدم في علاج الخدوش ولازم حد مختص لانه له طريقه
البوليش هيلمع العربيه تمام بس بيشيل طبقه خفيفه من ال clear coat بتاع الدهان
افضل حاجه الواكس وده بيعمل طبقة حمايه علي العربيه وفي نفس الوقت بيدي لمعه مميزة
وفي شامبوهات خاصه بغسيل السياره تركيبتها بتكون مختلفه عن الصابون السايل العادي
وهات ملمع تابلوه stp or armor all
وبالنسبه لتعطير العربيه من جوه فاسهل طريقه هي معطر الجو من اوريون او جليد اللي حظرتك جبته وما تنساش تنضف فلتر التكييف
وتلميع الفوانيس كان في كذا موضوع هنا عنه واللي اعرفه انها ممكن تتلمع بمعجون اسنان كرست :)

شكرا على الرد السريع بس ممكن نتعرف على الواكس ده ايه ومن اين يشترى وكيفية استعماله بعد الغسيل ام مع الغسيل وياريت انواع الشامبو

[inspiron]

متابع بس اعتقد انه هناك شامبوهات خاصة للسيارة افضل من البريل ,
ولكن هل البوليش والكامبوند الى حضرتك محضرهم للعملية ليهم ماركة خاصة ولا عادي الى موجود المصرى العلبة البيج والتانية البرتقالى ؟
وسمعت عن عبوات شمع اعتقد اسمو واكس مش عارف بالضبط انا ببحث معاك لانى من اصحاب اللون الاسود وما ادراك ما الاسود فى النظافة وسرعة التراب عليه
ربنا ييسر الخير الحمد لله
وشكرالك على فتح هذا الموضوع وان شاء الله يكون فيه الافادة من الاخوة الافاضل اصحاب الخبرات فى هذا المجال
وجزاكم الله خيرأ جميعا

سيبك من الكمباوند خالص ده بيستخدم في علاج الخدوش ولازم حد مختص لانه له طريقه
البوليش هيلمع العربيه تمام بس بيشيل طبقه خفيفه من ال clear coat بتاع الدهان
افضل حاجه الواكس وده بيعمل طبقة حمايه علي العربيه وفي نفس الوقت بيدي لمعه مميزة
وفي شامبوهات خاصه بغسيل السياره تركيبتها بتكون مختلفه عن الصابون السايل العادي
وهات ملمع تابلوه stp or armor all
وبالنسبه لتعطير العربيه من جوه فاسهل طريقه هي معطر الجو من اوريون او جليد اللي حظرتك جبته وما تنساش تنضف فلتر التكييف
وتلميع الفوانيس كان في كذا موضوع هنا عنه واللي اعرفه انها ممكن تتلمع بمعجون اسنان كرست :)

متشكر ليكم جداً علي الردود..هو أنا عندي كام خدش كده ضريبة الإستعمال وعاوز أعملهم بكمباوند.إيه هي الطريقة اللي المفروض أعملها..
بالنسبة للون الأسود فعلاً كان الله في العون لملاك اللون الأسود في أجواء مصر.
بالنسبة للكومباوند والبوليش جايبهم العادي العلبة الصفراء والذهبي

[omar-saad]

http://www.nilemotors.net/Nile/95922-a.html

الحاجات دى هاترجعلك العربية زيرو
جرب مش هاتخسر حاجة

[Karim Ibiza]

يا ريت حضرتك تبقى تعملنا تقرير مصور والخطوات والاسعار
ده موضوع عم تلميع الفوانيس
تلميع وتنظيف الفوانيس الأمامية للأبيزاPolishing and cleaning lanterns front of Ibiza

[MohammedAladel]

قطن مين بس يا باشا أنت هتعمل عملية جراحية

بس نفسى أعرف أزاى تغسل الموتور بنفسك وإيه المواد اللى ممكن نستخدمها

[أحمد عبدالله]

متابع

[inspiron]

http://www.nilemotors.net/nile/95922-a.html
الحاجات دى هاترجعلك العربية زيرو
جرب مش هاتخسر حاجة

أنا قريت الموضوع ده واللهم صلي علي النبي العربية هتنطق بسم الله ما شاء الله

يا ريت حضرتك تبقى تعملنا تقرير مصور والخطوات والاسعار
ده موضوع عم تلميع الفوانيس
تلميع وتنظيف الفوانيس الأمامية للأبيزاpolishing and cleaning lanterns front of ibiza

أشكرك يا زعيم وإن شاء الله هيكون موضوع تفصيلي ومصور

قطن مين بس يا باشا أنت هتعمل عملية جراحية

بس نفسى أعرف أزاى تغسل الموتور بنفسك وإيه المواد اللى ممكن نستخدمها

القطن يا كبير لزوم التلميع..بالنسبة للموتور هنفخه هوا ببلاور قوي وهستخدم علبة فوم بتتباع في المحطات .. هرشه علي الموتور وأمسحه بفوطة خشنة.

[المنسي]

ربنا يقويك ولو عايز مساعدة انا موجود ولو انى عايز اعمل الشغل ده فالعربية عندى بس معنديش جراج بس ساعات مش بيهمنى وبنزل فالشارع واخلص كل حاجة

[lanos2004]

متابع

[ayman20100]

بصراحة انا بحب اغسل العربية جداً بنفسي وببقى مضايق جداً وانا بغسلها بره ، بس بضطر لو عاوز اغسلها اعسلها في الشارع وما كانش بيهمني بس دلوقتى بقيت بتحرج من غسيل العربية في الشارع

[MohammedAladel]

بتتحرج ليه هو عيب ولا حرام ؟ .... أمال لو شفتنى وأنا نايم تحت العربية فى التراب وأيديا مليانة شحم تقول إيه ؟؟

[inspiron]

ربنا يقويك ولو عايز مساعدة انا موجود ولو انى عايز اعمل الشغل ده فالعربية عندى بس معنديش جراج بس ساعات مش بيهمنى وبنزل فالشارع واخلص كل حاجة

الله يخليك يا كبير..والله سواء جراج أو شارع الهدف واحد والنتيجة واحدة.المهم طول بالك

بصراحة انا بحب اغسل العربية جداً بنفسي وببقى مضايق جداً وانا بغسلها بره ، بس بضطر لو عاوز اغسلها اعسلها في الشارع وما كانش بيهمني بس دلوقتى بقيت بتحرج من غسيل العربية في الشارع

يا باشا مفيش حاجة تستدعي الإحراج..بالعكس انت اسمك بتحافظ علي حاجتك وبتعتني بيها ومحدش له حاجة عندك