هعمل كار كير بنفسي للفانتازيا- ولا الحوجه للمراكز والمحطات

[forti]

هو فى الشارع مش احراج ولا حاجه بس طبعا لو فى جراج بتبقى بتعمل الحاجه بروقان اكتر و خصوصا بقى لو محتاج كهرباء ولا ميه بقى و كده ..
ربنا يوفقك يا inspiron و متابع ان شاء الله

[monamize4]

بتتحرج ليه هو عيب ولا حرام ؟ .... أمال لو شفتنى وأنا نايم تحت العربية فى التراب وأيديا مليانة شحم تقول إيه ؟؟

هقول فنان و بتصلح عربيتك بنفسك احسن من اللى يوديها لميكانيكى
,
,
,
,
بالنسبة لتنظيف الموتور
جرب تستخدم ال wd 40 و هتدعيلى و دا ممكن تنظف بيه معظم المكونات اللى تحت الكبوت ( مش كلها ) ,,, كل الحكاية انك ترش شوية على قطنة و تمسح بيها الموتور من بره و تمسح كل الخراطيم و و ممكن تنضف بيه حوض الموتور نفسه (جسم العربية اللى جوة الكبوت ) يعنى نضف بيه كل حاجة تحت الكبوت ماعدا الحاجات اللى هتتأثر

ملحوظة بس قبل ما حد يقول حاجة : استخدام ال wd 40 امان 100% على دهان العربية السليم - امان على الموتور من برة -امان على البلاستك كله ماعدا derivatives ال polycarbonate و ال polystyrene

فعلا المنتج دا مبهر و استخداماته مفيدة اوى
YMMV

[MohammedAladel]

ألف شكر يا باشا :) .... طيب إيه رأيك فى gunk .... عيب ال wd إنه مش مجرد منظف بس ... لأ منظف وبيزيت

أنا محتاج حاجة أرشها تفتت الزيوت وأمسحها بفوطة .... أعتقد gunk هيكوون أفضل هنا صح ؟؟

مفيش داعى نهائى لاستخدام ال wd 40 على جسم العربية ملهوش أى لازمة أساسا

ممنوع استخدامه مع الموصلات الألكترونية لأنه مبنى على قاعدة زيتية بيعمل penetrate وفى نفس الوقت بيسيب مكانه زيت

[inspiron]

ألف شكر يا باشا :) .... طيب إيه رأيك فى gunk .... عيب ال wd إنه مش مجرد منظف بس ... لأ منظف وبيزيت

أنا محتاج حاجة أرشها تفتت الزيوت وأمسحها بفوطة .... أعتقد gunk هيكوون أفضل هنا صح ؟؟

مفيش داعى نهائى لاستخدام ال wd 40 على جسم العربية ملهوش أى لازمة أساسا

ممنوع استخدامه مع الموصلات الألكترونية لأنه مبنى على قاعدة زيتية بيعمل penetrate وفى نفس الوقت بيسيب مكانه زيت

أنا كنت ناوي علي gunk بيتباع سبراي في المحطات ومجربه زمان في المرسيدس وبيخلي الموتور فلة

[monamize4]

ألف شكر يا باشا :) .... طيب إيه رأيك فى gunk .... الصراحة ياباشا مجربتوش بنفسى عشان احكم و كنت قريت الموضوع دا قبل كدة http://www.nilemotors.net/Nile/307876-gunk.html

عيب ال wd إنه مش مجرد منظف بس ... لأ منظف وبيزيت
هو فعلا بينضف و يزيت بس دى مش مشكلة

أنا محتاج حاجة أرشها تفتت الزيوت وأمسحها بفوطة .... أعتقد gunk هيكوون أفضل هنا صح ؟؟

مفيش داعى نهائى لاستخدام ال wd 40 على جسم العربية ملهوش أى لازمة أساسا
بالعكس دا رهيب طالما الدهان عندك سليم , هيحوش اى بقعه مستعصية او شحم بسهولة

ممنوع استخدامه مع الموصلات الألكترونية لأنه مبنى على قاعدة زيتية بيعمل penetrate وفى نفس الوقت بيسيب مكانه زيت
تمام كدة و ممنوع كمان ع الازاز و الكاسيت و علامة العربية و الفوانيس و شبكة التهوية و اغطية ال airbag و السيديهات و شوية حاجات تانى

جرب مرة تنضف الموتور بال wd 40 و لو ما عجبكش مترميهوش , نضف بيه الجنوط و قولى ع النتيجة و جرب تزيت سير فتحة السقف هتلاقى نتيجة حلوة و استخدامات كتير تانى و زى ما قلتلك YMMV

[MohammedAladel]

على فكرة أنا مش أقصد gunk اللى فى الموضوع ... أنا أقصد التانى اللى بنستخدمه لما نيجى نغير بوجيه نرش حوالين الكويل مثلا عشان يطير الأتربة والأوساخ

وحتى اللى فى الموضوع العيب من المستخدم نفسه مهو أنا مش هرش المادة دى على البلاستيك أنا أرش على جسم الموتور نفسه لو عليه زيت شحم أى أتربة هو دا المطلوب البلاستيك دا بفوطة ونفضه
لسة واخد بالى أنى أول واحد رديت فى الموضوع بتاع التحذير من استعمال الجانك ودا كان ردى
(إشمعن بريحة البرتقال إيه الرخامة دى هو إحنا هنلمع بيه الموتور ولا هنلمع بيه التابلوه ؟

المفروض حاجة زى دى تبقى بدون رائحة حتى عشان يقللوا من المواد الكيميائية اللى فيه

بالنسبة لحكاية الفبر ممكن يكون استعماله على الحديد فقط الألومنيوم بتاع الموتور وهو ملهوش لازمة تلميع الموتور أهم حاجة ننضفه من الأتربة والشحوم والزيوت)
يعنى إيه ymmv

[sakr_skoda]

البوليش العلبة الصفراء انا مداوم على التلميع بيها على طول بس عاوز اقولك خلى بالك ان البوليش يجى على جلد الباب او اى جلد فى السيارة يعنى خليك حزر وانتا بتشتغل بيه....*

[monamize4]

على فكرة أنا مش أقصد gunk اللى فى الموضوع ... أنا أقصد التانى اللى بنستخدمه لما نيجى نغير بوجيه نرش حوالين الكويل مثلا عشان يطير الأتربة والأوساخ

وحتى اللى فى الموضوع العيب من المستخدم نفسه مهو أنا مش هرش المادة دى على البلاستيك أنا أرش على جسم الموتور نفسه لو عليه زيت شحم أى أتربة هو دا المطلوب البلاستيك دا بفوطة ونفضه
لسة واخد بالى أنى أول واحد رديت فى الموضوع بتاع التحذير من استعمال الجانك ودا كان ردى
(إشمعن بريحة البرتقال إيه الرخامة دى هو إحنا هنلمع بيه الموتور ولا هنلمع بيه التابلوه ؟

المفروض حاجة زى دى تبقى بدون رائحة حتى عشان يقللوا من المواد الكيميائية اللى فيه

بالنسبة لحكاية الفبر ممكن يكون استعماله على الحديد فقط الألومنيوم بتاع الموتور وهو ملهوش لازمة تلميع الموتور أهم حاجة ننضفه من الأتربة والشحوم والزيوت)
يعنى إيه ymmv

و الله يا باشا انا سألت نفسى نفس السؤال ,, ليه ملمع الموتور يبقى بريحة البرتقال او حتى اى ريحة تانى ؟


ymmv يعنى الموضوع ممكن يجيب نتيجة معايا و مايجبش نتيجة معاك

[mohamed878]

ربنا معاك

[i_Am_Legend]

انا كمان نفسي اغسل عربيتتى بنفسي :)