أستشارة في الفانتازيا 2012

[elmesallamy_be]

السلام عليكم
طبعا دي أول مشاركة وبأذن الله مش أخر مشاركة
أنا بس عندي أستفسار عن الفانتازيا 2012 إليجانس
أنا معايا لانسر 2008 سوبر أكشن وهدخلها في الفانتازيا الاليجانس ال 2012
أنا عايز أعرف هل الواحد فعلا هيحس بالفرق في ركوبة الاوكتافيا يعني من جهة
عزل الصوت هل أحسن من الانسر
كرسي السائق هل هوة أكثر راحة من الانسر مع العلم اني يمكن بسافر في اليوم أحياننا أكثر من 500 كيلو أثناء وجودي في مصر
التكييف هحس أنة أققل مثلا في البروده
أنا عندي علم أن عفشة الفانتازيا ناشفة بس أنا عندي عفشة السوبر أكشن برده مش ناعمة
عايز أعرف الفرق بين العفشتين من الناحية العملية وأيهما أكثر مدة في العمر
بالنسبة للعزل علي السرعات العالية هل فعلا محترم في الاوكتافيا ولا أية ظروفة
أستهلاك البنزين في الفانتازيا أية ظروفة مع العلم أن الانسر في التفويلة عندي بتعمل 250 كيلو بس في التفويلة مش في الصفيحة خرااااااااب بيوت
البنزين اللي مفروض أحطة في الاوكتافيا أن شاء الله يكون كام
طلب أخير تسعير السيارة ومواصفتها كالأتي
الموديل 2012 إليجانس ماشية 32000 كيلو
اللون أسود كاملة طبعا فل أوبشن برة وجوة شركة مفيهاش خربوش



وكامل الشكر للاخوة أعضاء المنتدي

[ezzeldin]

لا ء طبعا الفانتزيا مستوي تاني خالص اعتماديه ثبات ممتازه جدا في السفريات
استهلاك بنزين اقل بس ياريت توديها التوكيل للفحص وعمل كشف امني عليها من ملف المرور وبخصوص السعر انت حتبدل ولا حتشتري كاش ؟ ياريت تقول طلب كام فرق؟ والله يباركلك مقدما

[elmesallamy_be]

أوﻻ مشكور جدا علي ردك
ثانيا والله انا عارض عربيتي علي 110 وهوة عارض علي 215
بس لو دفعت فرق 110 علي ما أظن يبقي كويس
ومستني بردة رأي الاعضاء

[Ahmed TRAVCO]

الفانتازيا طبعا وخصوصا فئة الاليجانس...

عموما العزل من اسوأ الحاجات في اللانسر فأكيد هتحس بفرق في النقطة دي... ثبات الفانتازيا اعلى ولكن عفشتها قاسية وانشف من السوبر اكشن...

رأيي تتوكل على الله وربنا يوفقك!!

[طارق _عبد السلام]

لو الفانتازيا خليجى هتحس انها نفس نشوفيه الانسر فى العفشه
لو العربيه وكيل هتحس انها انعم من السوبر اكشن
الراحه والركوبه والثبات وكل حاجه لصالح الفانتازيا
استهلاك البنزين طبعا اللى انت كاتبه ده ممكن فى الصفيحه طوالى فى الفانتازيا مع التكييف كمان يعنى استهلاكك فى الاكشن ضعف الفانتازيا بالظبط يعنى التفويله فى حدود 500 كيلو........ والبنزين 92

التكييف اسمع ناس كتير يقولوا ضعيف لكن انا لااتحمله اكثر من شرطتين تخيل ولو بالليل المروحه على شرطه واحده يعنى تكييفها بالنسبه لى اعتبره قوى جدا كمان

[elmesallamy_be]

طبعا مشكورين جدا
هي معروضة علي 215 الف
محدش عندة فكرة عن سعرها كدة كويس ولا اية ظروفة

[elmesallamy_be]

طيب ياريت بردة لوحد يعرف في فتحات موجودة بالسقف هل دي شفاط سجاير ولا اية بالظبط

[طارق _عبد السلام]

طبعا مشكورين جدا
هي معروضة علي 215 الف
محدش عندة فكرة عن سعرها كدة كويس ولا اية ظروفة

هى بتخلص فى الرينج ده بس هى وكيل ولا خليجى
وحاول تشيل اى حاجه لو تقدر

طيب ياريت بردة لوحد يعرف في فتحات موجودة بالسقف هل دي شفاط سجاير ولا اية بالظبط

دى تبع موتور فتحه السقف

[شاهين - بنز]

السلام عليكم
طبعا دي أول مشاركة وبأذن الله مش أخر مشاركة
أنا بس عندي أستفسار عن الفانتازيا 2012 إليجانس
أنا معايا لانسر 2008 سوبر أكشن وهدخلها في الفانتازيا الاليجانس ال 2012
أنا عايز أعرف هل الواحد فعلا هيحس بالفرق في ركوبة الاوكتافيا يعني من جهة
عزل الصوت هل أحسن من الانسر
كرسي السائق هل هوة أكثر راحة من الانسر مع العلم اني يمكن بسافر في اليوم أحياننا أكثر من 500 كيلو أثناء وجودي في مصر
التكييف هحس أنة أققل مثلا في البروده
أنا عندي علم أن عفشة الفانتازيا ناشفة بس أنا عندي عفشة السوبر أكشن برده مش ناعمة
عايز أعرف الفرق بين العفشتين من الناحية العملية وأيهما أكثر مدة في العمر
بالنسبة للعزل علي السرعات العالية هل فعلا محترم في الاوكتافيا ولا أية ظروفة
أستهلاك البنزين في الفانتازيا أية ظروفة مع العلم أن الانسر في التفويلة عندي بتعمل 250 كيلو بس في التفويلة مش في الصفيحة خرااااااااب بيوت
البنزين اللي مفروض أحطة في الاوكتافيا أن شاء الله يكون كام
طلب أخير تسعير السيارة ومواصفتها كالأتي
الموديل 2012 إليجانس ماشية 32000 كيلو
اللون أسود كاملة طبعا فل أوبشن برة وجوة شركة مفيهاش خربوش



وكامل الشكر للاخوة أعضاء المنتدي

إحنا عندنا العربيتين لانسر هاف سبورت 2007 وفانتازيا 2013 بيزلاين
وأحب أقول لحضرتك إن الفانتازيا ركوبة مختلفة تماما ومفيش مقارنة نهائيا بين العربيتين إلا بس في استهلاك البنزين
طبعا ثبات الفنتازيا وفراملها فوق الخيال وبعد أما تسوقها حتستغرب إن ممكن يكون في ثبات وفرامل بالمنظر الرهيييب ده ولاتقارن بللانسر إللي متعرفش يعني إيه ثبات أصلا وفرامل مفيش

نفس الكلام في كرسي الفانتازيا مريح جدا في قعتده ومبتحسش بأي إرهاق عند القيادة لساعات طويلة. أنا مرة سقت العربية 12 ساعة ونزلت ولاكأني سقت ساعتين


ومش عارف ليه في اعتقاد إن عفشة الa5 ناشفة !!!! أنا شايف إن الفانتازيا عفشتها ناعمة وبطريقة ملفتة يعني مش بنعومة الكورلا 2005 مثلا لكن تعتبر ناعمة مع العلم إن الكوتشات عندي مقاس 15

وعفشة الفانتازيا أكيد معمرة أكتر بكتير من البوما عندنا عضو كريم إسمه inspiron كسر ال 100 ألف كم بالعربية ومغيرش مسمار في العفشة
حضرتك شوف حجم المقصات في ال a5 ضخم إزاي وحتفهم قصدي

وعزل الصوت في الفانتازيا متوسط لكن أحسن أكيد من البوما

وتكييف الa5 أقل حاجة بسيطة من اللانسر لكن يظل جيد خصوصا لو فيمت العربية حتبقى حرارة الجو 40 بره وإنت قاعد بتتجمد جوه مثلا إنهارده كنات مسافر لمسافة 150 في عز الضهر مكنتش قادر أعلى المروح عن درجتين للبرودة مع العلم أنها 7 درجات

وصرف البنزين يعتمد على طريقة سواقتك لو حتسحتمل تقل العربية وتسايسها عند التسارع حتوفر في البنزين لكن لو رجلك تقيلة زي أنا مثلا العربية حتوريك وشها التاني وحتلاقي استهلاك 8 سلندر مش 4 وعموما مش حخدعك العربية مش من العربيات الموفرة للبنزين قوي
وصوت المتور أنعم بكتير طبعا من اللانسر
والعربية بتاخد 92 زيها زي اللانسر

وسعرها ده كان يبقى معقول لو الأوكتافيا الجديدة مكنتش نزلت لكن حاليا أعتقد إن 205 كفاية عليها

وفي موضوع أنا كنت عامله عن تجربيتي للفنتازيا لو حضرتك تحب تقراه
وحتلاقي تعليق ليا في العيوب عن المتور إنه خشن فأنا بسحب النقطة دي ومبروك مقدما وأحسنت الإختيار

http://www.nilemotors.net/Nile/354108-8.html

[elmesallamy_be]

والله ياباشا أوجزت فأنجزت
كلامك جامع وشامل شكرا ليك

[elmesallamy_be]

بس انا ليا سؤال في فتحات بجانب نور السقف الامامي وبعدين انت كاتب 6 فتحات تكيف خلفي فين هما

[طارق _عبد السلام]

بس انا ليا سؤال في فتحات بجانب نور السقف الامامي وبعدين انت كاتب 6 فتحات تكيف خلفي فين هما

انا قلت لحضرتك فى رد السابق انه المكان المخصص لموتور فتحه السقف

وبالنسبه لفتحات التكييف

[شاهين - بنز]

والله ياباشا أوجزت فأنجزت
كلامك جامع وشامل شكرا ليك

العفو وتحت أمرك في أي استفسار

بس انا ليا سؤال في فتحات بجانب نور السقف الامامي وبعدين انت كاتب 6 فتحات تكيف خلفي فين هما

زي ماأستاذ طارق أوضح في الصورة فتحتين في الكونسول الوسطى وفتحتين تحت كل كرسي أمامي