برجاء المساعده ضروري حاسس اني هتورط وهشتري بكرا..

[عمرو عبدالله]

السلام عليكم ورحمه الله وبركاته
أنا معروض عليا سكودا فنتازيا موديل 2013 (ع حسب كلامه) وحاسس اني هتورط فأرجوكم ساعدوني
أنا شفت موضوع هنا عن سكودا 2013

http://www.nilemotors.net/Nile/364152-new-skoda-octavia-2013-a.html

والعربيه مش شبه اللي ف الموضوع دا
كمان عداد العربيه بيقول انها ماشيه 24000 كم بس الكاوتش متبهدل أووي وفيها كام خربوش كدا وراشه اكصدام ورا وكمان ف كسر ف فانوس مرايه بس كل دا مش مشكله _ اللي مقلقني موضوع الكاوتش دا وخايف ليكون ملعوب ف العدادا
هي فنتازيا أول فئه أتوماتيك وعاوز 177 ألف
أنا هحط صور للعربيه وانتو احكمو وأنا هاخد برأيكو ان شاء الله
وياريت لو حد يعرف يسعرهالي ويقولي تمنها كدا كويس ولا غالي؟؟
وياريت كمان تقولولي ازاي اعرف اذا كان العداد ملعوب فيه ولا لا ؟؟
رجاء ردو عليا بسرعه عشان المفروض اني هشتري بكرا
أخوكم :- عمرو

<
<

http://im38.gulfup.com/YT15a.jpg

http://im38.gulfup.com/mYdyT.jpg

http://im38.gulfup.com/W6jJG.jpg

http://im38.gulfup.com/mGF8b.jpg

http://im38.gulfup.com/b0mdp.jpg

http://im38.gulfup.com/pzk1Y.jpg

http://im38.gulfup.com/Z5wbh.jpg

[Hunting_Eagle]

النصيحة الوحيدة اللي اقدر افيدك بيها اوعى تشتري وانت مش مقتنع مليون الميه و اوعى تتسرع ابدا ابدا ابدا

خد وقتك و اسال كويس و اتاكد من كل حاجة

وانا لو منك ما اشتريش بكرة اعتذر وخدلك كام يوم تفكر ولو راحت منك ان شاء الله ربنا هيعوضك احسن منها انت بتدفع مبلغ كبير

اسف على الاطالة وان شاء الله اصحاب الفنتازيا يفيدوك

[عمرو عبدالله]

النصيحة الوحيدة اللي اقدر افيدك بيها اوعى تشتري وانت مش مقتنع مليون الميه و اوعى تتسرع ابدا ابدا ابدا

خد وقتك و اسال كويس و اتاكد من كل حاجة

وانا لو منك ما اشتريش بكرة اعتذر وخدلك كام يوم تفكر ولو راحت منك ان شاء الله ربنا هيعوضك احسن منها انت بتدفع مبلغ كبير

اسف على الاطالة وان شاء الله اصحاب الفنتازيا يفيدوك

أنا مقتنع بالعربيه كعربيه يعني _ بس مسأله الكاوتش مخوفاني ان العداد يكون مقلوب
ياتري عند حضرتك طريقه تعرفني اذا كان فعلا مقلوب ولا لا؟؟
والسؤال التاني هي كدا غاليه ولا لا؟؟

[Hunting_Eagle]

أنا مقتنع بالعربيه كعربيه يعني _ بس مسأله الكاوتش مخوفاني ان العداد يكون مقلوب
ياتري عند حضرتك طريقه تعرفني اذا كان فعلا مقلوب ولا لا؟؟
والسؤال التاني هي كدا غاليه ولا لا؟؟

انا اسف والله معنديش خبرة بالامور دي ولا بالتسعير

انا بس علشان اتسرعت قبل كده في الشراء فحبيت انصحك

انتظر ردود الخبراء هيفيدوك ان شاء الله

بالتوفيق

[طارق _عبد السلام]

هى العربيه من الصور مفيش مشكله والموجود بها عادى بس 2013 ومشيت 24 الف كيلو امتى ده هى لو بدايه 2013 يعنى مشت 7 شهور كتير قوى بس عادى فيه ناس سفرياتهم كتير
وبالنسبه للكاوتش مع الكيلو المقطوع بردوا عادى هما لو عايزين يقلبوا العداد هيقربوا شويه يعنى هتبقى 10 الاف مثلا لان 24 كتير على الموديل
ولو عايز تتأكد من الكيلوات اكيد العربيه بتعمل صيانه فى التوكيل شوف الفواتير وشوف اخر صيانه لها كان العداد كم كيلو
بس دى مش اول واخر العربيات
يعنى عايز فانتازيا فيه كتير ان شاء الله مش من اول عربيه هتحس انك بيتنصب عليك خد وقتك وشوف اللى انت مقتنع بيه

[Mostafa.Mahran]

بلاش منها طالما انت مش مستريح ليها

والعربية كده ماشية كتير يعنى بالمعدل ده على اخر السنة المفروض تعدى 50 الف

[طارق _عبد السلام]

وعلى فكره بردوا الاكصدام الامامى مع ان شكله متبهدل بس معفر بويه بردوا لاحظتها من الاجناب بعد تكبير الصوره
وعند فوانيس الشبوره

[عمرو عبدالله]

انا اسف والله معنديش خبرة بالامور دي ولا بالتسعير

انا بس علشان اتسرعت قبل كده في الشراء فحبيت انصحك

انتظر ردود الخبراء هيفيدوك ان شاء الله

بالتوفيق

ألف شكر ليك والله المستعان

[mohamed_e36]

انا شايف العربيه ما شاء الله عليها ولو على حكه المرايا فدي ولا حاجه انت وانت ماشي في الشارع ممكن تلاقي عيل بتكتك داخل مزنق عليك ويعمل حاجه زي دي فمتدققش في الحاجات الصغيره دي والكوتش شايفه معقول بس اكشف عليها في مكان محترم وشوف الفواتير بتاعه الصيانه زي ما استاذ طارق قال والعربيه بيبان عليها لو ماشيه كتير او لأ وحاول تاخد معاك حد بيفهم
اتوكل على الله وامشي في الموضوع ولو كانت من نصيبك ربنا هيسرلك فيها ولو ملكش نصيب فهي مش اخر عربيه يا اما تشتري زيرو وتريح نفسك

[عمرو عبدالله]

هى العربيه من الصور مفيش مشكله والموجود بها عادى بس 2013 ومشيت 24 الف كيلو امتى ده هى لو بدايه 2013 يعنى مشت 7 شهور كتير قوى بس عادى فيه ناس سفرياتهم كتير
وبالنسبه للكاوتش مع الكيلو المقطوع بردوا عادى هما لو عايزين يقلبوا العداد هيقربوا شويه يعنى هتبقى 10 الاف مثلا لان 24 كتير على الموديل
ولو عايز تتأكد من الكيلوات اكيد العربيه بتعمل صيانه فى التوكيل شوف الفواتير وشوف اخر صيانه لها كان العداد كم كيلو
بس دى مش اول واخر العربيات
يعنى عايز فانتازيا فيه كتير ان شاء الله مش من اول عربيه هتحس انك بيتنصب عليك خد وقتك وشوف اللى انت مقتنع بيه

يعني انت شايف ان موضوع الكاوتش والعداد دا ما أقلقش منه؟؟
اللي مخليني متمسك بيها الي حد ما اني للاسف بعت عربيتي قبل ما اجيب واحده تانيه وللأسف بقالي تقريبا شهر ونص متبهدل ع الاخر من غير عربيه وكل الاسعار للفنتازيا غاليه أووووووي أو مخبوطه أو موديل قديم دي الوحيده اللي مناسبه ليا الي حد ما .. والله المستعان وألف شكر لحضرتك

[عمرو عبدالله]

بلاش منها طالما انت مش مستريح ليها

والعربية كده ماشية كتير يعنى بالمعدل ده على اخر السنة المفروض تعدى 50 الف

والله العربيه بحالتها يعني موضوع ال24000 كم دا مش مشكله عشان صاحبها اصلا راجل كبير وانا متأكد انه مش بيبهدلها بس هو موضوع الكاوتش دا بس اللي مقلقني عشان كدا بستفسر

[عمرو عبدالله]

وعلى فكره بردوا الاكصدام الامامى مع ان شكله متبهدل بس معفر بويه بردوا لاحظتها من الاجناب بعد تكبير الصوره
وعند فوانيس الشبوره

يعني اي؟؟؟ معلش مش فاهم دي

[عمرو عبدالله]

انا شايف العربيه ما شاء الله عليها ولو على حكه المرايا فدي ولا حاجه انت وانت ماشي في الشارع ممكن تلاقي عيل بتكتك داخل مزنق عليك ويعمل حاجه زي دي فمتدققش في الحاجات الصغيره دي والكوتش شايفه معقول بس اكشف عليها في مكان محترم وشوف الفواتير بتاعه الصيانه زي ما استاذ طارق قال والعربيه بيبان عليها لو ماشيه كتير او لأ وحاول تاخد معاك حد بيفهم
اتوكل على الله وامشي في الموضوع ولو كانت من نصيبك ربنا هيسرلك فيها ولو ملكش نصيب فهي مش اخر عربيه يا اما تشتري زيرو وتريح نفسك

انا هشوف مواضيع الفواتير دا والله المستعان
متشكر جدا

[egyptiandiver]

صيانه فى التوكيل + شوف الفواتير

[EngAhmedSayed]

بص يا صديقى
هقولك على حاجة
الاول عاوزك تصلى صلاة استخارة
مخدش الرد صلى تانى لحد ما ربنا يكرمك بالرد بالموافقة او من عدمه

العربية كا شكل خارجى ممكن نقول اه مع العلم يوجد بعض التحافظات زى الاكصدام ممكت يكون فى تحتيه ختطة فى الصاج او ما شابه ذلك

ثانيا موديل 2013 يعنى لسة ضمان صيانة توكيل اطلب ورق الصيانات
و اعمل فحص فى التوكيل بتقرير ممكن تدفع بس هتدفع جزء بسيط مش هتزعل عليه لو لاقدر الله ملكش نصيب
و متستعجلش علشان لو لليك نصيب فيها ثق تماما بتاعتك
لو ملكش يبقى دى حاجة من عند ربنا

ثالثا عاوزك تقرا الموضوع ده كويس جداااااااااااااا

http://www.nilemotors.net/Nile/357935-a.html

ربك المستعان