برجاء المساعده ضروري حاسس اني هتورط وهشتري بكرا..

[Moratoz]

في حاجات تانيه ممكن تكون مؤشر غلي الكيلو متر يعني خد بالك من مستوي فرش كرسي السائق فيه قطع او هبوط في السفنج مثلا ، شوف الطارة أخبارها ممسوحه ولا ايه كمان شوف بكرة النور ممسوحه ولا لأ بس علي مكان الأستبن ومدي بهدلته وشوف تاريخ انتاج الكاوتش علي الأربع فرد + الأستبن ونوعهم واحد ولا لأ وافصل في الحكم بين شكل الكاوتش مش نضيف او معقر وبين انه مستوي او مشي كتير
وطبعا زي ما الأخوة الأفاضل قالوا شوف فواتير الصيانه وبص بقي كويس علي الحنه دي شوف أخر تاريخ صيانه لو لقيته مثلا في شهر 3 او 4 مثلا ولقيت العداد عامل 20000 ك يبقي أكيد العربيه دي ملعوب في عداها علشان مش هيبقي في نسبه وتناسب بين عمر العربيه ومتوسط الكيلوات علي شهور الأستخدام
وربنا يوفقك الي الصالح والخير

[mero100]

ملاحظه مهمه : في الصوره التانيه بتاعت الكاوتش ..الكارتيره اللي تحت الرفرف فين ؟؟؟

و ليا نصيحه لصاحب الموضوع :
177 ألف ممكن تشتري بيهم أوبل أسترا الجديده زيرو و تريح دماغك و عربيه تحفه ...

[medori]

انا شايف الكاوتش عادى على الكيلومتر، رغم ان الكيلومتر كتير شوية، بس هو ممكن يكون مستلم من اكتر من سنة. انا عربيتى ال301 كانت بتتسلم فى شهر 4 و مرخصة موديل 2014 فهو مش لازم يكون مستلم فى اول السنة مثلا

عامة زى ما الاعضاء نصحوا حضرتك، فواتير الصيانة، و اهم من كدة الكشف فى التوكيل او مكان محترم يفصص العربية حتة حتة عشان اظن ان صاحبها مش مهتم بيها و بيخبطها كتير

بلاش برضة الاستعجال فى الشراء عشان ممعكش عربية، استحمل البهدلة شوية لحد ما تلاقى عربية محترمة تناسب احتياجات حضرتك و تكون مستريحلها و متأكد من كل حاجة فيها أحسن ما تدفع مبلغ كبير زى كدة و بعد كدة ترجع تندم

عامة هى بتبقى حيرة و قلق دايما ساعة الشراء، فربنا ييسرلك اللى فية الخير و يديك خير العربية اللى هتشتريها و يكفيك شرها يا رب

[M.sheashaa]

العربيه لسه معملتش 30000 كيلو يعنى فى الضمان شوف الفواتير وتاريخ واخر صيانة اتعملت ليها والاحسن انك تكشف عليها فى التوكيل

[mbisar]

ألعربيه دى و اقفه فى شارع العيسوى تقريبا و انا روحت و اتفرجت عليها .. من الأخر العربيه واخده خبطه من ورا و الشنطه فيها شطله و العربيه كانت بتتركن فى الشارع ولو بصيت على البربريز اللى قدام هتلاقى فيه شرخ بسيط مش باين . نصيحتى بلاش انا قلقت منها

[Mzeid]

لو عايز العربية دي بالذات ممكن تطلب من صاحبها فواتير الصيانات
و ممكن تاخدها التوكيل علشان تكشف عليها و في نفس الوقت تطلب انك تعرف تاريخ صيانة العربية و التوكيل بيسجل الكيلومتر في الصيانة فتعرف اخر صيانة كانت امتى و الكيلومتر فيها كام

[mo7a_mo7a]

الكوتش ده اظن مش بناعها انا اعرف ان الاصلي كونتنينتال او مشلان مش جوديير