الفتيس ال dsg !!!

[MohammedAladel]

إيه اللى جاب القلعة جنب البحر !
على فكرة البوجاتى ألمانى مش فرنساوى

لا لا البوجاتى مصرى إسرائيلى

[Ahmed Amin]

إيه اللى جاب القلعة جنب البحر !
على فكرة البوجاتى ألمانى مش فرنساوى

مكنتش أتخيل أنها تيجي منك يا محمد,,
وأنت واحد بتعمل كل شغل عربيتك بأيديك, وعربيتك فرنساوي وبتقرأ والمفرووض تبقي عارف.!

البوجاتي شركة فرنسية الأصل,,,
وأسم فيرون جيه تكريم لمهندس التطوير بيير فيرون في شركة بوجاتي, وهوا نفس ال test driver بتاعهم ومهندس التطوير للعربية وكان بيسابق في سباقات Le mans بعربية بوجاتي زمان.


مجموعة فولكس VW الألمانية أشترت العلامة التجارية بتاعت بوجاتي أه في 1998, زي ما أشترت علامات تجارية لشركات عربيات كتير تانية,,
بس هل خلي دا الشركة ألمانية ؟؟
هل البوجاتي أساس شركتها في ألمانيا أو بتتصنع في ألمانيا ؟؟

عندك شركة زي Lamborghini كمثال تاني مملوكة من مجموعة VW برضه وAudi,
وداخل فيها أجزاء قطع ألماني زي التكيف والراديو, هل دا خلي العربية ألماني وهيا مواتيرها وشاسيها وتصنيعها في أيطاليا,,

عندك مثال تاني أقووي دلوقتي شركة TATA الهندية أشترت شركة Jaguar و Land Rover,
هل دا خلي شركة جاجوار بقت شركة هندية ولا أتصنعت في الهند.!!



دي معلومات مو موقع بوجاتي نفسه عن الفيروون.
bugatti.com - The Birthplace of the Veyron 16.4

The Bugatti Veyron 16.4*) is masterfully manufactured in the new Atelier in Molsheim, Alsace.

وأدي البلد اللي أتصنعت فيها العربية في فرنسا,
Molsheim - Wikipedia, the free encyclopedia

Molsheim is notable as the home of the Bugatti automotive industry factory. Production of the Bugatti Veyron by Bugatti Automobiles S.A.S. restarted in Dorlisheim near Molsheim in 2005.

ودي من ويكيبيديا, وأبقي شوف ال Assembly بتاعها فين.
Bugatti Veyron - Wikipedia, the free encyclopedia




وهل بقي لما أستاذ موحة بيقول,

البوجاتي ايطالي والفيتيس dsg الماني بتاع فولكس .. ايه اللي جاب القلعة جنب البحر؟؟

هل البوجاتي ليها علاقة بأيطاليا ولا جات جمبها حتي.!!
وأنت داخل تكرر نفس الجملة وتقول البوجاتي الماني.!!!
لأ تعليق بصراحة.

[MohammedAladel]

aljda;fj

[MohammedAladel]

يا راجل بهزر معاك

مش عارف ايه حكاية الأكويزيشنش للشركات العملاقة دى

يعنى ينفع برضه شركة جيلى تبقى مالكة لجاجوار ! دلوقتى الشركات العملاقة بتشترى منافسيها عشان تقلل المنافسة وتاخد الأبحاث العلمية عشان تحطها فى عربياتها

[Hany Saad]

تعليقا على موضوع الdsg للأسف مفيش حاجة أسمها الجيل الرابع من هذا الفتيس و طبعا لو عملنا سيرش مش هنلاقى أى أثر لحاجة أسمها جيل رابع....من الأخر كله هرى و كلام مبيعات علشان يغيروا فكرة الناس عن مشاكل الفتيس.....الفتيس لسه بيتعمله recall على مستوى العالم و حتى إنتاج ٢٠١٣ و كمان أبتدى يؤدى لحوادث قاتلة و ده حصل مؤخراً فى أستراليا لأن العربية هنجت و مبقتش تسحب لما الفتيس باظ ولسه عاملين recall مؤخراً

[mo7a_mo7a]

علي فكرة يا باشا بوجاتي تحت سيطرة vw
و بورش موخرا تحت سيطرة كاملة من vw

فولكس فعلا ليها حصة حاكمة في بوجاتي بس مش منطقي ابدا انهم يحطولها الفتيس بتاع الاسطول الكومرشيال بتاعهم

بورشا برضو مملوكة بحصة حاكمة لفولكس ودي ليها قصة : اثناء الازمة العالمية الاولى وقبلها حاولت بورش تشتري اسهم في فولكس ودفعت فلوس كتير لحد اما ده سببلها مشكلة مالية ادت الي ان فولكس اشترت حصة حاكمة فيها

مجموعة فولكس بتستفيد من التكنولوجيا بتاعة العربيات الرياضية دي وبتطبق بعضها في اسطولها التجاري لكن مش العكس يعني مثلا حتلاقي كتير من تكنولوجيا الكهربا والالكترونكس بتاعة بورشا موجودة في فولكس وسكودا لكن تلاقي فتيس سكودا في بورشا !!!!! اشك
وملوش مبرر اصلا

علي الفكرة البوجاتي فرنساوي مش أيطالي !!!!
أيه اللي جاب القلعة جنب البحر فعلاً,,

فعلا عندك حق انا غلط في دي هو صاحب الشركة اللي ايطالي (إيتور بوجاتي) والمصممين بتوعها طلاينة في البدايات لكن المصنع في فرنسا والشركة من الناحية القانونية فرنسية

ارجو تقبل اعتذاري عن الخطا غير المقصود

لكن نرجع مرجوعنا
هل يعقل ان فولكس تحط الدي اس جي في بوجاتي؟؟؟


تحياتي