حصرياً..أول تقرير مصور علي أرض الواقع لسكودا أوكتافيا الجديدة

[inspiron]

السلام عليكم..كما وعدت برد لي في موضوع آخر بإني هعمل تقرير مصور لسكودا أوكتافيا الجديدة a7 عشان نستبين النقاط اللي عليها الخلاف من قبل ما نشوف العربية أصلاً.ونبقي قطعنا الشورت في البسين..وأيضاً جمعت معلومات عن فئة الهاي لاين اللي لسه الوكيل موزعهاش من أساسه.

نقول بسم الله..همشي بنظام صورة وتعليق.

1- الشكل الخارجي .. فعلاً شكل العربية علي الواقع مختلف عن ما بنشوفه كده علي شاشة الكمبيوتر..فعلاً تصميم ملوش حل..ومن الوهلة الأولي تحس إن فيها كتير من الـ audi .












2- تأتي السيارة بجنوط سبور مقاس 16" مع كاوتش ميشلان :)




3- السيارة مجهزة بحساسات ركن خلفية..وبها خاصية ممتازة جداً..لو بترجع بالعربية وفي جسم وراها وهي بتنبهك بالصوت التحذيري بتاع الحساسات وإنت بردو كملت..العربية بتفرمل لوحدها عشان متريحش علي الحاجة اللي وارها.وبكده بتفادي تجريح الإكصدام أو خبطه.




4- أنتينا الراديو والملاحة




5- مساحة الشنطة الخلفية ( لا تعليق ) :-








6- الإستبن الموجود مع العربية والعدة ( ميشلان أيضاً ) :-



----------------------------------------------------------

* نيجي بقا للعربية من جوة .. مبدئياً الخامات المستخدمة مش هقول أكتر من ممتازة وفوق الوصف في جودتها.سواء في جلد الطابلوه وقطع البلاستيك مروراً بفرش الأبواب والكراسي والسقف والنواكل والحليات

-







- الشئ المبهر في العربية المساحة الخلفية للكنبة..رغم استفحال مساحة الشنطة لكن الكنبة بقت أوسع من الفانتازيا بشكل ملحوظ ! مع توفير مخدع في المنتصف به حوامل للأكواب




- ناقل الحركة الـ DSG الجيل الرابع الجديد




- مخرجين USB و AUX غير البلوتوث




- وحدة تحكم التكييف اللي بتتكون من 6 سرعات للمروحة مش 4 ولكن للأسف الشديد مش Climatronic مش عارف ليه كده




يتبع ....... ابقوا معنا

[inspiron]

- السقف وباين في الخلف مصابيح القراءة..وخامة السقف فوق الوصف بصراحة






- النظام الصوتي الجديد وكمبيوتر العربية المتكامل الذي يعمل باللمس..والنظام الصوتي بيتكون من 8 سماعات canton وكلمة واحدة بس توصفه بعد التجربة...( نفخ السنين )




- استعراض لبعض وظائف الوحدة









- بعض الأخوة الأفاضل أشاروا إن العربية نازلة من غير esp وقفشوها غلطة علي العربية..وأنا من هذا المزنق بقول..العربية فيها esp :) وواضح من الصورة اللي جاية..





- لوحة العدادات




- المحرك الـ 1400 سي سي الـ 140 حصان :))))))) وداعاً لوصف الأوكتافيا بالبط والوز




وأخيراً رداً علي إشاعة إن السيارة تعمل فقط ببنزين 95




يتبع..ابقوا معنا

[inspiron]

الفروق الجوهرية بين الفئة الأولي اللي سعرها 223000 جنيه وهي اللي في التقرير
والفئة الثانية الهاي لاين اللي سعرها 273000 جنيه ولسه مش باينة في المعارض.
ما يلي سيتم اضافته في الهاي لاين

1- صالون جلد طبيعي بالكامل بلون خياطة مختلف عن الأسود.
2- مصابيح أمامية bi-xenon AFS مع بخاخات.
3- حساسات ركن أمامية وخلفية مع خاصية الـ Park Assistant .
4- طارة متعددة الوظائف.
5- نظام صوتي كلومبس بشاشة أكبر وسوفت ويير أعلي تقنية بوظائف إضافية للسيارة منها اختيار نمط القيادة.
6- أباونس.
7- نفس مقاس الجنوط ويمكن عمل طلب خاص بتغيير المقاس لـ 17 حسب الرغبة.
8- عدد 8 أو 10 وسائد هوائية ( لم يقرر بعد من قِبل الوكيل ولكن ستكون أكثر من 4 ).
9- سخانات للكراسي.
10- مرايات تعتيم.
11- زجاج فاميه.
12- فتحة سقف.

- المصدر..وكيل سكودا أرتوك أوتو..ومن الممكن إضافة كماليات أخري ونزول فئة ثالثة بسقف بانوراما

أتمني التقرير يكون عجب سيادتكم..وفي إنتظار الردود

[Silent~Dream]

السكودا ال a7 طبعا حكايه و منافس شرس جدا فى الفئه دى و شكرا على التقرير

[Haitham Basha]

بسم الله ما شاء الله ... العربية رائعة و التقرير أروع بصراحة تسلم الأيادي يا باشا على المجهود و السرد الرائعين ...

[Moratoz]

والله الكبير كبير سواء للأشخاص زي حضرتك او للعربيه اسلوب وسرد رائع من شخصيه متعمقة في حب الاوكتافيا
تحياتي لشخصكم الكريم

[mastr_n]

تسلم على التقرير بجد رائع:018a1d~146:
بصراحة فى عربيات تشدك كدة من اول نظرة وانا اول ماشوفت صورها على الكمبيوتر شدتنى
عربية ولا كلمة وسعرها معقول بالنسبة للسوق

[فبريكا]

تسلم الأيادي

حاجة شغل فنادق كدة .... تقرير متعوب علية :018a1d~146:

[KABOKY_2010]

بجد مجهود رائع ودة الى متعودين علية منك

[Samir_Adel]

ألف شكر لمجهودك.

[master-007]

اخيرا a7 فى المنتدى عندنا ..ألف شكر على تقريرك الرائع .. لكن فرق الفلوس بين الفئه الاوله والتانيه رهييب اوى بالنسبه للكماليات مش للدرجه دى يعنى .

[inspiron]

بسم الله ما شاء الله ... العربية رائعة و التقرير أروع بصراحة تسلم الأيادي يا باشا على المجهود و السرد الرائعين ...

الشكر لله يا فندم الله يسلمك وتحياتي لك.

والله الكبير كبير سواء للأشخاص زي حضرتك او للعربيه اسلوب وسرد رائع من شخصيه متعمقة في حب الاوكتافيا
تحياتي لشخصكم الكريم

كتير عليا يا عمرو بيه الكلام الجامد ده والله..ربنا يبارك لك ويديم المعروف :)
تحياتي لك

تسلم على التقرير بجد رائع:018a1d~146:
بصراحة فى عربيات تشدك كدة من اول نظرة وانا اول ماشوفت صورها على الكمبيوتر شدتنى
عربية ولا كلمة وسعرها معقول بالنسبة للسوق

الله يسلمك يا باشا..والله أنا كمحب لسكودا انبهرت بيها لأنها في الواقع غير الكمبيوتر.وبالنسبة لسعرها.شايف إن صعب تكون أقل من كده بالنسبة لظروف السوق علي مواصفاتها.

حاجة شغل فنادق كدة .... تقرير متعوب علية :018a1d~146:

هههههه ربنا يباركلك يا باشا تسلم علي ردك :)

بجد مجهود رائع ودة الى متعودين علية منك

متشكر لذوق حضرتك وربنا يخليك

ألف شكر لمجهودك.

الشكر لله يا فندم :)

اخيرا a7 فى المنتدى عندنا ..ألف شكر على تقريرك الرائع .. لكن فرق الفلوس بين الفئه الاوله والتانيه رهييب اوى بالنسبه للكماليات مش للدرجه دى يعنى .

الشكر لله يا فندم ربنا يبارك لك..أستأذنك تبص تاني علي فرق التجهيزات كده وتراجع رأيك.أعتقد مجرد رأي شخصي..يستاهل :)

[Omar.Shawki]

بسم الله ماشاء الله عربية روعة
تسلم ايدك على التقرير الرائع والمجهود
سؤال بقه بصيت على التعليق الخلفى تورشن بيم ولا مالتى لينك؟

[inspiron]

بسم الله ماشاء الله عربية روعة
تسلم ايدك على التقرير الرائع والمجهود
سؤال بقه بصيت على التعليق الخلفى تورشن بيم ولا مالتى لينك؟

الله يسلمك يا باشا..الحقيقة مبصتش علي التعليق ورا..الزيارة الجاية إن شاء الله.

[Ahm662]

والله كنت مستنيك بالتقرير ده وبصراحة ........................تسلم الايادى