حصرياً..أول تقرير مصور علي أرض الواقع لسكودا أوكتافيا الجديدة

[inspiron]

يا جماعة العربية جميلة والله وتحفة فى كل حاجة انا اشتريتها من اسبوع ارجو عدم الاعتماد على كلام الاخوة من على النت شوية العفشة مش عارف مش مالتى وشوية الفتيس وشوية بيلموها من السوق انا اشتريت العربية بعد صلاة استخارة لانى بجد اتجننت من كلام الزملاء العربيى جميلة جدا فى الشكل والعفشة جميلة والسحب رائع وخاصية الاسبورت درايف هايلة انا هحكى على موقف حصل معايا امبارح كنت طالع الدائرى وكان تراب وعفرة وكنت مش مشغل التكييف والله اكتبلى على ىالشاشة اقفل الشبابيك الجو تراب واكتشفت بالصدفة اوبشن فى زرارين بالمسحات يخلو الطارة كانها مالتى تقدر تعمل 15 حاجة من زرارين فى المساحات بجد العربية جميلة ارجو من الزملاء عدم تضيع الوقت فى الكلام من غير رؤية فعلية وانا على فكرة جربت العربية فى اكثر من معرض قبل الشراء واى استفسار انا تحت امركم

يا باشا أنا عاوزك إنت متسمعش لكلام الناس..افرح بعربيتك وعيش بيها ونفض لأي محبطات..يااااااما هتسمع..وأنا زيي زيك .. بقابل ناس كتير يقولي العفشة مش مالتي..أقوله إيه مشكلتك..يقولي مش هتبقي مريحة .. أقوله يا سيدي جربتها الأول ؟؟ يقولي لا !!! طيب مش هتبقي ثابتة..أقوله يا عم مين اللي قالك الكلام ده مهي فيها esp .. يقولي مفيش !!!!!!! وهي بالفعل فيها !!! يقولي تغور في داهية بالفتيس بتاعها..أقوله يا سيدي ده غير اللي فات وحتي الآن مفيش أي شكاوي منه..يقولي اشعرفك وأنا أضمن منين !!!

طيب مهو عندك في الفانتازيا مثلاً..ناس كتير يقولولي عربيتك دي بطة..مش بتاعة جري..وكبيرها الـ 190 وشكراً ( علي أساس إن 190 دي مش سرعة كبيرة ) وأجيبله صورة ( عربيتي ) وهي علي الـ 210 .. يقولي أكيد كنت علي منزل ( واخد بالك إنت 20 كيلو بحالهم عشان منزل علي أساس إنك راكب ريشة ) طيب أقوله إيه ؟؟

فمتتعبش راسك..إحنا كشعب مصري نكتسح العالم في الجدل والتقليل من شأن ممتلكات الغير.بسبب وبدون سبب.غية فينا يعني.

بالنسبة للأوبشن بتاع التراب والعربية تقولك إقفل الشبابيك ده جميل.ولو لعبت شوية في الكمبيوتر هتلاقي أوبشنز تانية تعقيد بجد.بس اللي يفهم بقه ويصبر ويجرب وبعدين يحكم.

آسف علي الإطالة..تحياتي

[Anxs111]

فمتتعبش راسك..إحنا كشعب مصري نكتسح العالم في الجدل والتقليل من شأن ممتلكات الغير.بسبب وبدون سبب.غية فينا يعني.

totally agree....

[unl0veable]

انت حمادة عالى اوى !

[inspiron]

انت حمادة عالى اوى !

وانت حبيبي !

[monamize4]

انا دورت كتير على المواقع المشهورة للسيارات ملقتش منها 140 حصان
انا خايف تكون دعايه زى موضوع الهوندا السبفك لما قالوا 140 حصان و هيه 124 فقط

لا يا باشا ,, هى فعلا 140 حصان
و ادى الموقع الرسمى
ŠKODA -[A7]&WebID=66079c3d-1242-4318-be53-5e6089148452&Page=technology&view=TechnologyMotor

103KW = 138hp

التورشن بيم فى الاوكتافيا ممتاز واحسن من عربيات كتير جدا تعليق منفصل
العبرة دايما بالاداء

بعيدا عن السكودا عشان محدش من ملاكها يضايق ,,
انا مش متفق معاك ياباشا ف المبدأ دا

ياريت تقولى امثلة لعربيات تورشن بيم ادائها افضل من عربيات مالتى لنك
و طبعا هنستثنى الالنترا ال HD لانها مخدتش من المالتى لنك حاجة الا العفشة اللى بتهبط جامد مع التحميل

م الاخر ,,,, انا مش بقتنع باى عربية تورشن مافيهاش ESP
لكن فى استثناءات بسيطة بتعجبنى

هى فعلا غريبه ان احساسها كان اكتر من الفولفو فى التسارع مع ان العربيه محمله اكتر
جايز احساس وهمى مش اكتر لان اظن الفانتازيا من 0 الى 100 فى 9 و كسور من الثانيه و الفولفو فى 8.9 او حلجه كده و فعلا ال a7 المفروض فى 8.4 ثانيه

هى الفولفو كان العداد بيجمع بسرعه اوى قدامى بس عادى مافيش احساس جرى جامد ممكن بردوا علشان الفولفو كانت جنوط 17 و الفانتازيا 15 و الله اعلم

الجملتين دول يا باشا اللى بالاحمر بيوضحوا حاجات كيييير

عايز اقولك ان فى فرق بين انك تبقى حاسس ان العربية بتجرى و ان العربية تكون بتجرى فعلا
انت لو ماشى ع 100 و فاتح الازاز هتفتكر انك ماشى ع سرعة اعلى بكتييير

و الموضوع دا واضح اوى ف ,,,,,,,,,,,,, مرسيدس
لو انت ركبت مرسيدس و خصوصا ال E و قفلت الازاز مش هتحس بالدنيا بره خااااااااااالص
عربية ماشاء الله مريحة و عزل فوق الممتاز
و مع ذلك ,, سحبها 10/10 تعلم على 90% من العربيات اللى ع الطريق

[lanos2004]

حد ركب فيرنا تحس انك 150 تبص فى العداد تلاقيه 90

[inspiron]

حد ركب فيرنا تحس انك 150 تبص فى العداد تلاقيه 90

أه والله النهاردة سيبت عربيتي في الشركة وركبت عربية واحد زميلي وهو اللي سايق سافرنا السويس.حاسس إننا ماشيين علي سرعة نفخ..بصيت علي العداد ألاقيه ياخويا ماشي 120 !!!!!.

[islam_gamal50]

السلام عليكم بصراحة عربية فوق الممتازه وكل التقارير العالمية بتشكر فيها جامد وان شاء الله انا نواي اشتريها بس عندى سؤال هو الوكيل منزل منها او هينزل منها فول اوبشن مانيوال؟؟؟ بصراحه موضوع الفتيس dsg عامل لي قلق جامد

[islam_gamal50]

نظام التعليق تورشن بيم ياريس اي خدمة

[K.Ossama]

في حين إن كللللل الدنيا عارفة موضوع الجيل الرابع ده.

سؤال بقى على جنب كده
أنا عارف ان الإقتباس ده من موضوع تانى. بس الناس هناك ماسكة فى بعضها.

انا قلبت الدنيا على موضوع الجيل الرابع ده ومش لاقى
يا ريت اى معلومات موثقة عنه من مواقع رسمية لمجموعة فولكس علشان أخدها للتوكيل لأن الباسات غلست على الوالد كذا مرة فى القصة دى.
فياريت يبقى ليها حل جذرى

[A.Adel]

وانا بضم صوتي لصوتك
وسبق وطلبت ده أكتر من مرة ومحدش رد

[inspiron]

سؤال بقى على جنب كده
أنا عارف ان الإقتباس ده من موضوع تانى. بس الناس هناك ماسكة فى بعضها.

انا قلبت الدنيا على موضوع الجيل الرابع ده ومش لاقى
يا ريت اى معلومات موثقة عنه من مواقع رسمية لمجموعة فولكس علشان أخدها للتوكيل لأن الباسات غلست على الوالد كذا مرة فى القصة دى.
فياريت يبقى ليها حل جذرى

شوف يا باشا..بالنسبة لموضوع الجيل الرابع اللي مزعل ناس كتير..هوضح لحضرتك الموضوع..فتيس DSG ده أو كما يطلق عليه في كل الشركات DCT ( Dual clutch transmission (
أُنتج لأول مرة في فولكس فاجن عام 2006 وكان يحمل كود DQ250 وكان ساعتها optional بجانب فتيس tiptronic اللي هو الـ 6 سرعات العادي اللي كلنا عارفينه في الأوكتافيا.

وتم استخدام الفتيس ده في سيارات Polo, Golf/Rabbit/Golf Plus, Scirocco, Jetta, Eos, Passat Touran

وسيارات Ibiza, León, Altea Toledo

وسيارات Octavia Superb

وساعتها واجهوا شكاوي من بوظان الفتيس ده بعد عدد كيلو متر معين في العربيات دي.فعملوا عليه تعديلات في موديلات 2007 حتي 2009 والتعديل كان عبارة عن تغيير نظام تبريد الفتيس.وبردو ساعتها جالهم شكاوي من الناس إنه فيه نفس العيب للجيل اللي قبله بتاع 2006

فوقفوا انتاجه واستبدلوه بفتيس آخر يحمل نفس الاسم ولكن بكود جديد وهو DQ200 وتم استخدامه في كل سيارات المجموعة وشركة Audi استبدلت اسمه باسم آخر وهو S-Tronic.

حصلت الشكاوي مرة تانية واللي فيها تم استدعاء معظم السيارات علي مستوي العالم ( ما عدا مصر طبعاً ) واستبدلوا الفتيس كله بآخر يحمل كود DL501 مع تعديلات في لوحة الـ Mechatronic بتاعة الفتيس .. جاتلهم الشكاوي تاني من عربيات قليلة علي عدد كيلو متر عالي.

استدعوا العربيات دي وعملوا تعديل علي نظام التبريد في الفتيس من DRY لـ WET

وتم توفير الفتيس ده في كل سيارات الـ vag الجديدة ( مش متأكد من وجوده في الفانتازيا الـ TSI من عدمه ) ومن ساعة ما نزلوه في 2013 حتي هذه اللحظة مفيش منه شكاوي لسه.

وعشان الموال ده تم حزمه علي 4 مراحل فالناس أطلقوا عليه صفة الجيل الرابع.


بس يا سيدي :)

[horas3000]

انا علي حد علمي ال dl510 مبينزلش علي عربيات غير الاودي و مش كلها كمان لانه بيستحمل عزم لغايه 600 نيوتن
و هو الوحيد اللي wet clutch
و لا اعتقد انه نازل في الاوكتافيا الجديده

ال dq250 و تطويره ال dq200 هما اللي بينزلوا في العربيات اللي بالمواتير الصغيره لان اخرهم عزم 350 نيوتن
و هما الاتنين dry clutch و ده سبب المشاكل اصلا لان الزحمه و المطالع بتقصف عمره بسبب الحراره

و في واحد جديد ال dq500 هينزل للعربيات اللي عزمها لغايه 500 نيوتن بس معرفش اذا كان dry ولا wet

و ممكن تتاكدوا من الكلام ده من هنا

Direct-Shift Gearbox - Wikipedia, the free encyclopedia

فالمطلوب التاكد بشكل قاطع الاوكتافيا نازله بانهي فيهم بالظبط

فالموضوع مش موضوع اجيال
و في معلومات ان تم استدعاء موديلات جديده من السكودا و الاودي بسبب الفتيس برضه في الصين و فرنسا

[unisman]

شوف يا باشا..بالنسبة لموضوع الجيل الرابع اللي مزعل ناس كتير..هوضح لحضرتك الموضوع..فتيس dsg ده أو كما يطلق عليه في كل الشركات dct ( dual clutch transmission (
أُنتج لأول مرة في فولكس فاجن عام 2006 وكان يحمل كود dq250 وكان ساعتها optional بجانب فتيس tiptronic اللي هو الـ 6 سرعات العادي اللي كلنا عارفينه في الأوكتافيا.

وتم استخدام الفتيس ده في سيارات polo, golf/rabbit/golf plus, scirocco, jetta, eos, passat touran

وسيارات ibiza, león, altea toledo

وسيارات octavia superb

وساعتها واجهوا شكاوي من بوظان الفتيس ده بعد عدد كيلو متر معين في العربيات دي.فعملوا عليه تعديلات في موديلات 2007 حتي 2009 والتعديل كان عبارة عن تغيير نظام تبريد الفتيس.وبردو ساعتها جالهم شكاوي من الناس إنه فيه نفس العيب للجيل اللي قبله بتاع 2006

فوقفوا انتاجه واستبدلوه بفتيس آخر يحمل نفس الاسم ولكن بكود جديد وهو dq200 وتم استخدامه في كل سيارات المجموعة وشركة audi استبدلت اسمه باسم آخر وهو s-tronic.

حصلت الشكاوي مرة تانية واللي فيها تم استدعاء معظم السيارات علي مستوي العالم ( ما عدا مصر طبعاً ) واستبدلوا الفتيس كله بآخر يحمل كود dl501 مع تعديلات في لوحة الـ mechatronic بتاعة الفتيس .. جاتلهم الشكاوي تاني من عربيات قليلة علي عدد كيلو متر عالي.

استدعوا العربيات دي وعملوا تعديل علي نظام التبريد في الفتيس من dry لـ wet

وتم توفير الفتيس ده في كل سيارات الـ vag الجديدة ( مش متأكد من وجوده في الفانتازيا الـ tsi من عدمه ) ومن ساعة ما نزلوه في 2013 حتي هذه اللحظة مفيش منه شكاوي لسه.

وعشان الموال ده تم حزمه علي 4 مراحل فالناس أطلقوا عليه صفة الجيل الرابع.


بس يا سيدي :)

حضرتك كلامك مظبوط بس انا مختلف معاك في نقطه

الفتيس بقي dry بعد ما كان wet و مش العكس

لأن زمان كان وحده الميكاترونيك و الفتيس بكل حاجه كان كله زيت واحد و كان بيسخن

دلوقت عملو ال dry clutches علشان تبقي منفصله تماما عن دوره زيت الفتيس

و هي دي اللي مستنيين نشوف مشاكلها دلوقت

[horas3000]

انا علي حد علمي ال dl510 مبينزلش علي عربيات غير الاودي و مش كلها كمان لانه بيستحمل عزم لغايه 600 نيوتن
و هو الوحيد اللي wet clutch
و لا اعتقد انه نازل في الاوكتافيا الجديده

ال dq250 و تطويره ال dq200 هما اللي بينزلوا في العربيات اللي بالمواتير الصغيره لان اخرهم عزم 350 نيوتن
و هما الاتنين dry clutch و ده سبب المشاكل اصلا لان الزحمه و المطالع بتقصف عمره بسبب الحراره


معلش انا غلطت
ال dq250 كان wet مش dry بس كان بيسخن برضه
و نظام التبريد مختلف عن ال dl510 اللي نال نظام تبريد اكتر تعقيدا و كلفه طبعا


و في واحد جديد ال dq500 هينزل للعربيات اللي عزمها لغايه 500 نيوتن بس معرفش اذا كان dry ولا wet

و ممكن تتاكدوا من الكلام ده من هنا

Direct-Shift Gearbox - Wikipedia, the free encyclopedia

فالمطلوب التاكد بشكل قاطع الاوكتافيا نازله بانهي فيهم بالظبط

فالموضوع مش موضوع اجيال
و في معلومات ان تم استدعاء موديلات جديده من السكودا و الاودي بسبب الفتيس برضه في الصين و فرنسا