حملة شكاوى على أرتوك أوتو (أحني نستاهل أكتر من كده)

[unisman]

السلام عليكم و رحمة الله و بركاته
الأخ الفاضل Inspirion
الأخ الفاضل Farahat
اخواتنا الأفاضل

انا بجد فاض بيا و اكيد فاض بينا الكيل جميعا من وكيل سكودا اللي بعد ما الواحد دماغه ورمت

اكتشف انه وكيل فاشل و اكيد الشركة الأم متعرفش هو بيعاملنا ازاي و لا بينصب علينا ازاي

لأن احني مبنشتكيش ولا بنتكلم ولا حتي بنعرفهم وكيلهم النصاب ده علي ايه

كتير مننا عانو معاه و كتير مننا اتعذب بمعني الكلمه علي ما عرف ياخد منهم عقاد نافع سواء في خدمه او صيانه او ضمان او اي حاجه

انا حبيت اكون اول واحد ابعت شكوه لسكودا UK
و ان شاء الله لو الموضوع ده اتفاعلنا فيه كفايه

و كل الناس المتضرره بعتت لنفس الشركة شكاوي هيكون في رد فعل قوي

لأن سكودا مش هبله علشان تجيب وكيل نصاب زي ده و تسيبه يلعب في السوق براحته

و انا اسف لأستخدامي الفاظ مش قد كده لأني محروق دمي

و ادي الصفحه اللي عملت عليها شكوتي

http://www.skoda.co.uk/about-us/.......-us

و اللي عنده استعداد يوجب مع Artoc auto يا ريت يساعدنا

و شكرا

[eng wael]

ممكن نعرف المشكله واسباب الشكوى

[saddam]

صديقي المواطن
عيشنا معاك أصل المشكلة.بالتفصيل عشان نعرف نعيش اللحظة
ودمتم للنضال

[inspiron]

المشكلة إن الوكيل منزل الـ a7 الجديدة بـ 225 ألف جنيه بمواصفات أقل من أقل فئة علي مستوي العالم.ونفس الشئ بالنسبة للإليجانس نازلة بـ 273 ألف بمواصفات أقل من الإليجانس اللي زيها في العالم كله.في حين إن الخليجي الإليجانس نازلة بتقول بابا وماما وجده وتيتة وخالو وعمو كمان.وبعفشة مالتي لينك مش تورشن بيم.وبسعر 275 ألف طبقاً للسيارة اللي اتباعت في معرض من المعارض.
وده معناه ان شفيق جبر ماشي بسياسة إحتكار دنيئة وبيتحكم زي ما هو عاوز.لو عليه هيسعر العربية بـ 300 ألف جنيه ومحدش هيفتح بقه.

[medo2811]

inspiron باشا اخبارك اية
انا اتصلت بمعرض يرستيج و اكدلي انو منزلش منها خليجي
كمان مش حاجة غريبة انو باع منها عربية واحدة بس
اكيد يعني الاوردر مكانش في عربية واحدة
اغلب الظن انو بيتكلم علي حاجة لسة هتنزل والله اعلم

[zangry]

العيب مش على التوكيل العيب على الشركة اللى وافقت من البداية تنزل عربية بـ2 ايرباج وعفشة تورشن بيم وفتيس بايظ !

[طارق _عبد السلام]

السلام عليكم و رحمة الله و بركاته
الأخ الفاضل Inspirion
الأخ الفاضل Farahat
اخواتنا الأفاضل

انا بجد فاض بيا و اكيد فاض بينا الكيل جميعا من وكيل سكودا اللي بعد ما الواحد دماغه ورمت

اكتشف انه وكيل فاشل و اكيد الشركة الأم متعرفش هو بيعاملنا ازاي و لا بينصب علينا ازاي

لأن احني مبنشتكيش ولا بنتكلم ولا حتي بنعرفهم وكيلهم النصاب ده علي ايه

كتير مننا عانو معاه و كتير مننا اتعذب بمعني الكلمه علي ما عرف ياخد منهم عقاد نافع سواء في خدمه او صيانه او ضمان او اي حاجه

انا حبيت اكون اول واحد ابعت شكوه لسكودا UK
و ان شاء الله لو الموضوع ده اتفاعلنا فيه كفايه

و كل الناس المتضرره بعتت لنفس الشركة شكاوي هيكون في رد فعل قوي

لأن سكودا مش هبله علشان تجيب وكيل نصاب زي ده و تسيبه يلعب في السوق براحته

و انا اسف لأستخدامي الفاظ مش قد كده لأني محروق دمي

و ادي الصفحه اللي عملت عليها شكوتي

http://www.skoda.co.uk/about-us/.......-us

و اللي عنده استعداد يوجب مع Artoc auto يا ريت يساعدنا

و شكرا

من حقك تعمل كده واكتر
والمفروض للحفاظ على احترامهم وكيانهم يحصل اى رد رسمى
المنتدى ده يعتبر اكبر منتدى سيارات فى مصر وواجب منهم على الاقل المتابعه او اى طريقه للتواصل (ده احنا بنضرب الودع علشان نعرف مواصفات العربيه )
هو احنا بنلاقى فلوسنا ....... ارتوك بيقلد غبور وبيعمل مواصفات لمزاجه الخاص

[hanipal]

الشئ المستفز ليا بصراحة انه عربية الوكيل الاقبال عليها بيزيد. لدرجة انه كان بيسلم في خلال خمسة ايام في يوليو اللي فات. دلوقتي بتحجز وتستلم خلال 3 اسابيع. . ده معناه ان الوكيل ده عارف كويس انه هيبيع كويس لان الشريحه الاكبر من المستهلكين اللي هوا مستنيها عكسنا تماما. الوكيل مستني الحاج حميد والحاج ابو زيد اللي هيقولك العربية صاروخ وشنتطها وااااسعه يابا. ومدام صافيناز وناريمان وجولفدان هانم اللي هيقولو العربيه شكلها من بره تررري تررري جونتي يااااي.

الوكيل مش مستنيني ولا مستنيكم ولا مستني .unisman. ولا inspiron. الناس دي بالنسبه لارتوك وجع دماغ وزباين رخمه وفاهمه. وتقعد تقولك تورشن بيم وتجهيزات اساسيه ودوشه.

[zangry]

الشئ المستفز ليا بصراحة انه عربية الوكيل الاقبال عليها بيزيد. لدرجة انه كان بيسلم في خلال خمسة ايام في يوليو اللي فات. دلوقتي بتحجز وتستلم خلال 3 اسابيع. . ده معناه ان الوكيل ده عارف كويس انه هيبيع كويس لان الشريحه الاكبر من المستهلكين اللي هوا مستنيها عكسنا تماما. الوكيل مستني الحاج حميد والحاج ابو زيد اللي هيقولك العربية صاروخ وشنتطها وااااسعه يابا. ومدام صافيناز وناريمان وجولفدان هانم اللي هيقولو العربيه شكلها من بره تررري تررري جونتي يااااي.

الوكيل مش مستنيني ولا مستنيكم ولا مستني .unisman. ولا inspiron. الناس دي بالنسبه لارتوك وجع دماغ وزباين رخمه وفاهمه. وتقعد تقولك تورشن بيم وتجهيزات اساسيه ودوشه.

بالظبط هما مش مستيينا وعشان كده انا رأيي ملوش لازمة الشكوى ووجع القلب اللى مش هيفيد بحاجة لان الزباين كتير وهتشتري العربية ماهو لما تقعد مع السيلز يقولك الجيل الرابع والجيل السادس عشر :D وطبعا الزبون مش فاهم حاجة ويقوله تورشن بيم وشلنا الكبالن والعيوب بتاعة الفانتازيا والـA5 .. طبعا الزبون هينشكح جدا

[mohamed hussei]

ارتوك = غبور بس علي نضيف شوية

[unisman]

بالظبط هما مش مستيينا وعشان كده انا رأيي ملوش لازمة الشكوى ووجع القلب اللى مش هيفيد بحاجة لان الزباين كتير وهتشتري العربية ماهو لما تقعد مع السيلز يقولك الجيل الرابع والجيل السادس عشر :d وطبعا الزبون مش فاهم حاجة ويقوله تورشن بيم وشلنا الكبالن والعيوب بتاعة الفانتازيا والـa5 .. طبعا الزبون هينشكح جدا

مع احترامي لكلام حضرتك

بس انا شايف ان دي سلبية

و مش قاعده نهائي

اعمل اللي عليك و ابعت شكوتك و الضرر اللي حصلك و سببه

و سيب الباقي علي الشركه

علي الأقل تبقي عملت اللي عليك و ضميرك مرتاح و اللي يحصل يصحل


و لا ايه يا رجاله ؟؟؟؟؟

[hanipal]

كل المطلوب من الوكيل ارتوك انه يتكرم ويعمل زي الناس وينزل بورشور بالعربيه اللي منزلها واللي مختارهالنا ويعرفنا هوا اختار فيها ايه وايه تجهيزتها او حكايتها.
الفطيم بينزل بورشور شيك لكل عربية بينزلها بيشرح فيها هوا استورد ايه ونزل ايه، انا كنت في فرع تويوتا على الدائري في التجمع وخدت بورشور وانا ماشي . وماسبش في البورشور حاجه الا شارحها عشان العميل مايبقاش فيه سؤال جواه عن حاجه قبل ما يشتري.
وكذلك شركة cdcm وكيل بيجو الجديد. وممكن تنزل البورشور من موقع الوكيل الالكتروني.
مافيش وكيل مبهدلنا معاه غيرك يا ارتوك. كلمتهم سالتهم على البورشور قالولي اتفضل زورنا والمندوب يشرحلك كل حاجه. قلتله المندوب مش هيعرف يقول كل حاجه. قاللي هوا لازمة البورشور ايه قدام مندوب المبيعات . قولتله وهوا كل شركات السيارات في العالم بتنزل بورشورز للعملاء حتى سكودا نفسها ليه. هل دول مجانين .
انا لما روحت فرع القطاميه 3 مرات كنت بسال فيها بتوع المبيعات هيا فعلا تورشن بيم ولا مالتي لينك ، كان يقولي انتا بتتكلم على ايه حضرتك. !!

[aminyassien]

معاكم يا باشوات

[Ahmed TRAVCO]

بالظبط هما مش مستيينا وعشان كده انا رأيي ملوش لازمة الشكوى ووجع القلب اللى مش هيفيد بحاجة لان الزباين كتير وهتشتري العربية ماهو لما تقعد مع السيلز يقولك الجيل الرابع والجيل السادس عشر :d وطبعا الزبون مش فاهم حاجة ويقوله تورشن بيم وشلنا الكبالن والعيوب بتاعة الفانتازيا والـa5 .. طبعا الزبون هينشكح جدا

غير متفق معاك خالص... لازم طبعا تتم الشكوى وياريت لو يتم التنسيق بين المتضررين قبلها ويتم ارسال شكاوى متلاحقة للشركة الأم... وخلينا نشوف يمكن يهتموا بالشكاوى دي... وعلى فكرة مصر من انجح اسواق سكودا في الميدل إيست لأن العربية دي مش واكلة عيش خاااالص في الخليج... فربما ده يبقى سبب لاهتمام اسكودا الأم بالشكاوى المتكررة من وكيلها المحلي!!

[m7mdwagih]

اصلا هي عربية محتزمة جدا بس موضوع 2 ايرباج دة يزعل اصلا الريفيو علي المواقع الجنبية بيشكروا فيها بس طبعا الجولف بيفضلوها اكتر و الجولف تعتبر الي حدا ما فئة اعلي بسيط و كمان فية فرق في السعر احنا عندنا العكس الاوكتافيا هنا اغلي و تجهيزات اقل و ده موضوع غريب الايرباجز المتشالة دية مفروض تنزل من تمنها عن كدا كتير