حملة شكاوى على أرتوك أوتو (أحني نستاهل أكتر من كده)

[sakr_skoda]

ابعث برساله بشكواك على ايميل الشركة الأم مباشرة ودا حتلاقي الأيمل بتاعهم فى الكتالوج عندك واكيد حتسمع الشكوى وانشاء الله ينصلح حال الضمير المصري....

[Ahm662]

ما فيش مشاكل يبقى يعبرونا حتى ويدونا بروشر رسمى من عندهم بالمواصفات اللى ارتوك باشا منزلها عشان حتى نبقى على نور

[islam_gamal50]

تم ارسال شكوى للشركة الام ودي نصها

Dear Skoda;

I Would like to make a complaint against the local agent in Egypt ARTOC Auto for your car New Octavia where it is sold in Egypt with 2 airbags in all categories, according to the site the parent company of any category contains 7 airbags also does not provide a class with a transmission Manuel at the request of a lot and lack of car specifications brochure that beside ill-treatment of customers and ignorance of sales department the specifications of the car and too many problems,
We would like Skoda customers of the parent Skoda company review the local agent in Egypt to avoid Notoriety and lose existing customers.

Skoda customer
Dr. Islam Gamal

[طارق _عبد السلام]

هى المشكله اللى ممكن تتاخد عليه ان العربيه بنسمع فيها مواصفات اجتهاديه
يعنى بروشر رسمى منه لان لو الكلام ان العربيه 1400 سى سى وتطلع 1200 تبقى ورطه له

لكن موضوع ان العربيه فى مصر ناقصه كماليات محدش هيعرف يعمل معاه حاجه لان العربيه نازله له من سكودا كده وهما عارفين هم بعتينلوا عربيات شكلها ايه وناقصه ايه
القصه كلها استخفاف بالمستهلك

[Hany Saad]

أعتقد صعب شوية تبقى العربية ١٢٠٠ سى سى و يبعها على أنها ١٤٠٠ سى سى لأن الموتور مثبت فى الجمارك مع الvin بتاع العربية و الكلام ده كله هيظهر فى الترخيص.....معتقدش يقدر يلعب فى المنطقة دى الصراحة....هو ممكن يلعب فى نوع العفشة أو الكماليات أنما سعة الموتور ميقدرش

[eng wael]

معلش مع احترامى لكل الاعضاء المشاركين هو حضراتكو اشتريتو العربيه واكتشفتو العيوب اللى بتتكلمو عليها
يعنى دايما كل العربيات لما بتنزل فى مصر بيشيلو منها حاجات كتيرة واكيد الوكيل مش بياخد العربيه ويشيل منها حاجه وبعدين يعرضها للبيع
وبعدين لو انتو شايفين انه فى تجاوز من قبل العميل والعربيه ما تستاهلش سعرها محدش يشتريها وهيضطر غصب عنه يظبط الدنيا
وانا معاكم ان فيه ناس كتير ماتفرقش معاها ومش فاهمه فى تفاصيل العربيه وبتشترى بس اعتقد ان العربيه لو ظهر فيها عيوب هتسمع على طول
واخيرا ربنا يوفقكم للصالح
وهيا دى مصر

[unisman]

مع احترامي لكل الناس الأفاضل اللي هنا

بس انا عامل البوست ده علشان الردود تكون كالأتي :

السلام عليكم ... اخوكم فلان انا علمت علي ارتوك أوتو بالشكوي الفلانيه و نصها كده

غير كده يا جماعه معلش مع احترامي يبقي احني بنرغي زي عادة الشعب المصري علي الفاضي

بلاش سلبيه بقي ... هو الشكوي بفلوس يا رجاله ؟؟

امال لو كانت الشكوه بفلوس كنتو هتعملو ايه ؟؟

يا جماعه خلينا مره واحده نعرف نغير سياسة وكيل فاسد في مصر

مره واحده بس بالله عليكو .

صعبه دي .؟؟