أول تقرير تفصيلي للـ a7 هاي لاين ( وكيل + خليجي ) من أرض الواقع

[mo7a_mo7a]

the octavia is more fast cause of the more torque ( 250 n.m ) and more reliable Gear box ( 7 speeds

regards ... :)

Concerning reliability, If you believe that DSG is more reliable than S60 Gearbox could you please mention any scientific evidence

[inspiron]

Concerning reliability, If you believe that DSG is more reliable than S60 Gearbox could you please mention any scientific evidence

i don't mean the reliability as you mean sir :)..i mean that it is more fast in changing gears...may be there is miss-understanding :)
regards

[mo7a_mo7a]

i don't mean the reliability as you mean sir :)..i mean that it is more fast in changing gears...may be there is miss-understanding :)
regards

[Khaled Lanos]

هو ده مربط الفرس..كلنا مستنيين تأكيد علي موضوع الفتيس.أنا متفائل خير يكون إتحل ياااااا رب.وحالياً أنا بشمشم علي أي عربية فانتازيا 1400 اللي نزلت بـ dsg وأعرف حصلتلها مشاكل ولا لا..مع العلم إن كل موزع لسكودا له حصة 25 عربية..وحالياً مفيش ولا موزع واحد عنده منها كله إتباع.

طبعا دي أهم مشكلة وعيب جوهري في العربية مينفعش تتغاضا عنه..فلو فعلا حلو المشكلة دي حل نهائي الموضوع هيختلف تمام بالنسبة لمبيعاتها وهتبدأ تنتشر زي عربيات كتير.
ياريت والله إن شاء الله يكونو حلو المشكلة دي.

[medo2811]

السلام عليكم جميعاً

النهاردة كنت قاعد علي قهوة في العجوزة جنبها معرض برستيج للسيارات..ولقيت عنده حوالي 6 عربيات a7 الفئتين..مكدبتش خبر وجريت علي الهاي لاين أبص عليها وأدقق في كل تفاصيلها..العربية روعة في الجمال بجد..بإختصار علشان مطولش علي حضراتكم..

1- 1400 سي سي 140 حصان عزم 250 نيوتن
2- فتيس dsg
3- led في الفوانيس الأمامية والخلفية شكلهم وهم فعلاً.والفوانيس لونها إسود
4- الزينون بتاع العربية جبار أول ما تشغله العدسة تفضل تلف في جميع الإتجاهات لحد ما تظبط إتجاه الإضاءة المناسب.ولما تلف الطارة العدسة تلف مع إتجاهها.
5- لما تعدي عربية قصادها النور بينزل بسرعة لتحت مستوي نظر المقابل أوتوماتيكياً..ولما تقابلها عربية من إحدي الجانبين العدسة اللي في الجهة المقابلة بس هي اللي بتنزل وتم إختبار الأوبشن ده.
6- الزينون بتاعها عالي وواطي مش واطي بس.
7- فيها daytime light led وفيها corner light .
8- فتحة السقف بانوراما ( أيوة بانوراما مش عادية ) واللي مش مصدق يروح هناك يشوف بعينه.
9- طارة مالتي.
10- العربية فيها حساسات ركن وpark pilot ولما بيشتغل يظهر علي شاشة الكاسيت شكل العربية وحواليها مجال الركن وتقدر تتحكم في صوت الجرس بتاع السينسور وتختار أكتر من نغمة.
11- العربية نازلة 2 إيرباج فقط.
12- شاشة الـ iso fix اللي في العدادات خرافية والجرافيك بتاعها جميل.
13- التكييف بتاعها climatronic quad zone ومحتاج موضوع لوحده عشان شرح إمكانياته الجبارة اللي مكنتش متوقعها.يعني علي سبيل المثال بيرسم صالون العربية علي شاشة الكاسيت وتتحكم في قوة إندفاع الهواء من كل فتحة تهوية لوحدها.وتتحكم في درجة حرارة كل فتحة لوحدها.والمفاجأة إن داخل الفتحتين اللي في المنتصف في swing الهواء يطلع لفوق وينزل لتحت لوحده.ودرجة التبريد لحد 15 مش 18.والتبريد بتاعه الجدع اللي يستحمله.
14- النظام الصوتي لا يوصف من حيث النقاء وضخامة الصوت والكاسيت فيه DSP effects للصوت.
15- مفتاح smart key والسنتر بتاع العربية بيقفل touch علي كالون الباب مش تدوس علي زرار..مجرد تحسس علي الأوكرة من برة.
16- فرش جلد مع جلد مقلوب في المنتصف.
17- وحدة مالتي ميديا في الطابلوه تشمل Cd changer 6 إسطوانات ومكان للميموري كارت.
18- aux و usb و bluetooth
19- كرسي السائق كهربة وفيه lumber support
20- طابلوه وأبواب مطعمة أبانوس ( في اللون الموكا والأسود فقط )
21- كمبيوتر كامل متكامل للعربية في شاشة الكاسيت التاتش بيعرض جميع وظائف العربية وحالتها وفي إفتكاسات جميلة علي سبيل المثال لما التانك يكون فاضي بيرسم العربية وظاهر التانك بلون أحمر ويديك جرس تنبيه جميل.
22- إمكانية التحكم في حساس إنذار ضغط الكاوتش من 1-4 psi حسب رغبتك.
23- نظام الثبات الإلكتروني esp
24- حساس مطر و light assist للفوانيس الأمامية وإمكانية التحكم في قوة الإضاءة الأمامية وكمان الخلفية ( جديدة دي ).
25- مرايات جانبية كهربة وضم كهربة مع سخانات وكلهم فيهم تعتيم ذاتي.
26- لما تجيب الفتيس علي الـ R المرايا اليمين بتقلب لتحت عشان تشوف الرصيف.
27 - بخاخات فوانيس أمامية.
28 - فتحات تكييف خلفية.
29- 3 مخارج 12 فولت لأغراض الكهربة.
30- الطارة وفرامل اليد جلد طبيعي ومخدتش بالي الطابلوه زيهم ولا لا بس الجلد بتاعه طري زي الفانتازيا.
31- العربية وهي دايرة وقافل الزجاج ومشغل التكييف إبقي تعالي قولي إنت مبتفهمش لو سمعت حاجة برة أو حسيت إنها دايرة أساساً...فعلاً العزل جبار.
32- العربية نازلة بكاوتش ميشلان والإستبن ميشلان والجنط 16
33- الطابلوه لونين إسود X بيج أو إسود X رمادي فاتح حسب لون العربية.
34- أنظمة الفراملABS, ASR, ESP, EPC, MBA, EDL
35- العفشة الخلفية تورشن بيم ونزلت تحت العربية شوفتها.....

ولكن

- العربية من تحت صحيح تورشن بيم..لكن مش زي التورشن بيم اللي شوفته في السيراتو واللانسر والإلنترا مثلاً...في شغل جامد معمول فيه ومش هيفهم كلامي غير اللي يشوف بعينه.

36- درج الطابلوه والكنسول فيهم تلاجة وفي الأمام بها 2 حامل أكواب والكنبة الخلفية فيها مسند في المنتصف وبه 2 حامل أكواب.

37- شاشة الكاسيت لما يكون مش شغال بيقلب ساعة ANALOG شكلها تحفة.

38- لما الجو يمطر أو يقلب تراب يكتب علي شاشة الكاسيت Please close windows أو تظبطها إنهم يقفلوا لوحدهم.

السعر من المعرض تسليم فوري 280 ألف جنيه
----------------------------------------------------

الإختلافات اللي هتنزل في الخليجي :-

- نظام صوتي مختلف بيتكون من شاشة أكبر ( columbus ) وسماعات canton
- فرش جلد بالكامل أو بجلد مقلوب زي الوكيل.
- فئة بـ 4 إيرباج وفئة بـ 7 إيرباج
- العفشة الخلفية مالتي لينك والجنط 17 والعربية إرتفاعها هيقل عن الوكيل.

السعر لم يحدد بعد.

إسم المعرض برستيج أوتو..المدير المسئول اسمه / عمر ناصر

ورقم تليفونهم 33463337

تم بحمد الله

ازيك يا باشا يا رب تكون بخير كنت بتفرج علي عربية اليجانس و ملاقيتش فيها غير cd واحد بس مش 6
كمان قلبت شوية في اوبشنز التكيف ملقيتش موضوع التحكم في كل فتحة لوحدها ولا air swing
ممكن حضرتك توضحلي اكتر و شكرا مقدما يا زعيم

[inspiron]

ازيك يا باشا يا رب تكون بخير كنت بتفرج علي عربية اليجانس و ملاقيتش فيها غير cd واحد بس مش 6
كمان قلبت شوية في اوبشنز التكيف ملقيتش موضوع التحكم في كل فتحة لوحدها ولا air swing
ممكن حضرتك توضحلي اكتر و شكرا مقدما يا زعيم

الحمد لله .. اللي شوفتها لقيت مفيش أصلاً مكان للـ cd عند الشاشة.وفتحت الطابلوه لقيت وحدة كده مكتوب عليها skoda multimedia وبتاخد 6 إسطوانات وفيها مكان للـ Memory card
بالنسبة للتكيف لما تدخل علي الـ air conditioner menu دور جواه هتلاقي حاجة إسمها air flow tuner لما تدوس عليها هيجبلك كذا scroll bar كده كل واحدة خاصة بكل فتحة تهوية علي حدي.

[medo2811]

تسلم يا باشا
هو الcd في الدرج فعلا و مفيش فاتحة في الشاشة
بس هي فاتحة بتاخد cd 1
و بالنسبة للتكيف هجرب و اقلك

[osaka]

تسلم ايدك يا كبيرنا

اولا احب اشكر الاخ المحترم inspiron على مجهوده الرائع .. و كتر الف خيرك بجد

ثانيا حبيت اشارك معاكو بعض المعلومات لأنى بفكر فعلا فى الاوكتافيا ال A7

مبدأيا الموتور اللى عليها هو هو نفس الموتور و الفيتيس بتوع الجولف ال 1.4 و الفتيس السبع سرعات ال DSG اللى هو فتيس Dry مش wet زى الست سرعات و اللى بينزل مع الجولف ال 1.2 اللى الهورس باور بتاعها و العزم اقل

بالنسبة بقى للخليجى انا حاليا فى قطر و لسه شايف الاوكتافيا امبارح و الحمد لله العربيه كشكل و فخامه تحفة جدا و سعرها يعتبر معقول بالنسبة للسوق هنا.

مبدأيا نازله بخمس فئات و كلهم فيهم 7 او 6 ايرباج مش فاكر صراحه :)

تلات فئات امبيشن و اتنين اليجينس (مافيش اى فرق فى الشكل او الوسع او الموتور او الفيتيس الفرق فى الكماليات بس .. انا ماكنتش مركز مع موضوع العفشة المالتى لينك ده فممكن اسأل و ارد عليكو النهارده)

المهم نبدأ بالامبيشن:

1- اول فئة جنوط 15 و شاكلها وحش شبه الطاسات كده و دى عامله حوالى 75000 الف ريال قطرى
2- تانى فئة جنوط 16 شاكلها معقول. و دى عامله حوالى 79000 ريال قطرى تقريبا
3- تالت فئة نفس الجنوط ال 16. مثبت سرعة. CD changer. فتحة سقف بانوراما (شاكلها جامد فحت) فرش حلد فى قماش تابلوه جلد و الابواب فيها نيكل مش ابانوس كشافات زينون.شاشة الكاسيت الكبيرة مش الصغيرة. الطاره للاسف مش مالتي و دى عامله 88000 ريال

الاليجنس:
1- جنوط 16 شاكلها احلى بكتير من الامبيشن جميع الفئات. فرش قماش. طارة مالتى. مثبت سرعه دى بحوالى 83000
2- نفس الجنوط ال 16 اللى شاكلها حلو زى اختها. فتحة سقف بانوراما. زينون و مثبت سرعه و مساحه خلفيه :) مطعمه بخشب ابانوس. الكاسيت الشاشه الكبيرة. مثبت سرعه و طارة مالتى و فيها تقريبا كل حاجه فى كل الموديلات التانيه و فرش جلد فى جلد و دى بحوالى 92000

هعمل حسبة سريعه كده تساعدنا نعرف سعر الخليجى ان شاء الله او السعر المتوقع ليه فى مصر:
هناخد اعلى فئة خالص اللى ب 92000 ريال مع العلم ان السعر ده فيه مكسب الوكيل بس مش مشكله نسامح فيه:
لو حسبنا السعر بالمصرى هيبقى حوالى 175000 .. طبعا ده بدون الجمارك ... الجمارك ممكن تعمل فى حدود 80 الف = 255

مع العلم ان الفئة اللى بتكلم عليها دى اعلى فئة نزلت هنا .. اسعار العربيات زيرو فى قطر غالى .. المستعمل هو اللى رخيص .. المتسورد اما بيجيبها من الخليج بيبقى سعرها اقل من السعر اللى انا قولته ده لأن بيبقى فى حاجه اسمها عربيات تصدير مش للبيع المحلى و ده اللى بيجيبه المستورد زى سمير ريان و الناس الحلوة دى مش بينزل يشترى من التوكيل اكيد

يا ريت لو كلامى فيه اى حاجه غلط اى حد يصلحهولى :) و لو حد محتاج يعرف معلومات اكتر يقولى و انا تحت امركو

[haitham.hesham]

محدش يعرف الخليجي هينزل مصر امتي

[yasserelshakwe]

يسلمووووووا على التقرير شرح وافي ومستفيض
ولكن لي رأي في موضوع الايرباج عدد اثنين ايرباج ليس بسيء لماذا ستة ايرباج وسبعة ايرباج هل انتي بتجري على سرعة اعلى من 180 أو 190 هذا ليس بمهم في شوارع القاهرة المزدحمة
ولكن السعر كتير جداً ومبالغ فيه مقارنة مثلاً بالبيجو أو بالفورد الـ 1600 سي سي وليس 1400 سي سي هذا هو المهم وليس الايرباج
أما بالنسبة للكماليات هذه كلها كماليات ممكن الواحد يعملها في العربيات الجديدة والقديمة كمان، ولكنها ليست بالدرجة الأولى، المهم هو قوة وسرعة العربية
تحياتي للجميع

[yasserelshakwe]

محدش يعرف الخليجي هينزل مصر امتي

يسلمووووووا على التقرير شرح وافي ومستفيض
ولكن لي رأي في موضوع الايرباج عدد اثنين ايرباج ليس بسيء لماذا ستة ايرباج وسبعة ايرباج هل انتي بتجري على سرعة اعلى من 180 أو 190 هذا ليس بمهم في شوارع القاهرة المزدحمة
ولكن السعر كتير جداً ومبالغ فيه مقارنة مثلاً بالبيجو أو بالفورد فوكاس الـ 1600 سي سي أيضاً وليس 1400 سي سي هذا هو المهم وليس الايرباج.
اترك اللانسر واترك الهيونداي الينترا واترك أسوأ عربية في السوق حالياً الكيا سيراتو، هذه عربيات ليست للمتعة في القيادة ولكنها للشخص الذي يريد عربية جديدة وخلاص
أما بالنسبة للكماليات هذه كلها كماليات ممكن الواحد يعملها في العربيات الجديدة والقديمة كمان، ولكنها ليست بالدرجة الأولى، المهم هو قوة وسرعة العربية، مع الوضع في الاعتبار الزحام الشديد في الشوارع
تحياتي للجميع

[CosmicOne]

استاذ ياسر

سؤال تعليقا على كلام حضرتك
حضرتك عارف ان الاكتافيا ١٤٠٠ تربو؟ و ان ادائها اعلى من البيجو و طبعا من الفوكاس فى التسارع الى هو حوالى ٨ ثواني من صفر الى مئه؟

[yasserelshakwe]

استاذ ياسر

سؤال تعليقا على كلام حضرتك
حضرتك عارف ان الاكتافيا ١٤٠٠ تربو؟ و ان ادائها اعلى من البيجو و طبعا من الفوكاس فى التسارع الى هو حوالى ٨ ثواني من صفر الى مئه؟

أخي الكريم تحياتي وتقديري لك.،،،
الموتور التربو مشاكله كتيرة جداً، ونحن في بلدنا جمهورية مصر العربية من كثرة الازدحام بها من الصعب أن نحتاج إلى أهمية التسارع في العربيات.
وإذا كنت سأدفع 280 ألف جنية فمن الممكن أن ازيد عليهم بمبلغ بسيط واشتري مرسيدي أو بي ام دبليو
وفي الآخر هى مجرد آراء شخصية والهدف منها هو الوصول للافضل للجميع
تحياتي لك وللجميع

[محمد بدر]

أخي الكريم تحياتي وتقديري لك.،،،
الموتور التربو مشاكله كتيرة جداً، ونحن في بلدنا جمهورية مصر العربية من كثرة الازدحام بها من الصعب أن نحتاج إلى أهمية التسارع في العربيات.
وإذا كنت سأدفع 280 ألف جنية فمن الممكن أن ازيد عليهم بمبلغ بسيط واشتري مرسيدي أو بي ام دبليو
وفي الآخر هى مجرد آراء شخصية والهدف منها هو الوصول للافضل للجميع
تحياتي لك وللجميع

عجبنى الكلام ده

[ym_ashraf]

اولا احب اشكر الاخ المحترم inspiron على مجهوده الرائع .. و كتر الف خيرك بجد

ثانيا حبيت اشارك معاكو بعض المعلومات لأنى بفكر فعلا فى الاوكتافيا ال A7

مبدأيا الموتور اللى عليها هو هو نفس الموتور و الفيتيس بتوع الجولف ال 1.4 و الفتيس السبع سرعات ال DSG اللى هو فتيس Dry مش wet زى الست سرعات و اللى بينزل مع الجولف ال 1.2 اللى الهورس باور بتاعها و العزم اقل

بالنسبة بقى للخليجى انا حاليا فى قطر و لسه شايف الاوكتافيا امبارح و الحمد لله العربيه كشكل و فخامه تحفة جدا و سعرها يعتبر معقول بالنسبة للسوق هنا.

مبدأيا نازله بخمس فئات و كلهم فيهم 7 او 6 ايرباج مش فاكر صراحه :)

تلات فئات امبيشن و اتنين اليجينس (مافيش اى فرق فى الشكل او الوسع او الموتور او الفيتيس الفرق فى الكماليات بس .. انا ماكنتش مركز مع موضوع العفشة المالتى لينك ده فممكن اسأل و ارد عليكم النهارده)

المهم نبدأ بالامبيشن:

1- اول فئة جنوط 15 و شاكلها وحش شبه الطاسات كده و دى عامله حوالى 75000 الف ريال قطرى
2- تانى فئة جنوط 16 شاكلها معقول. و دى عامله حوالى 79000 ريال قطرى تقريبا
3- تالت فئة نفس الجنوط ال 16. مثبت سرعة. CD changer. فتحة سقف بانوراما (شاكلها جامد فحت) فرش حلد فى قماش تابلوه جلد و الابواب فيها نيكل مش ابانوس كشافات زينون.شاشة الكاسيت الكبيرة مش الصغيرة. الطاره للاسف مش مالتي و دى عامله 88000 ريال

الاليجنس:
1- جنوط 16 شاكلها احلى بكتير من الامبيشن جميع الفئات. فرش قماش. طارة مالتى. مثبت سرعه دى بحوالى 83000
2- نفس الجنوط ال 16 اللى شاكلها حلو زى اختها. فتحة سقف بانوراما. زينون و مثبت سرعه و مساحه خلفيه :) مطعمه بخشب ابانوس. الكاسيت الشاشه الكبيرة. مثبت سرعه و طارة مالتى و فيها تقريبا كل حاجه فى كل الموديلات التانيه و فرش جلد فى جلد و دى بحوالى 92000

هعمل حسبة سريعه كده تساعدنا نعرف سعر الخليجى ان شاء الله او السعر المتوقع ليه فى مصر:
هناخد اعلى فئة خالص اللى ب 92000 ريال مع العلم ان السعر ده فيه مكسب الوكيل بس مش مشكله نسامح فيه:
لو حسبنا السعر بالمصرى هيبقى حوالى 175000 .. طبعا ده بدون الجمارك ... الجمارك ممكن تعمل فى حدود 80 الف = 255

مع العلم ان الفئة اللى بتكلم عليها دى اعلى فئة نزلت هنا .. اسعار العربيات زيرو فى قطر غالى .. المستعمل هو اللى رخيص .. المتسورد اما بيجيبها من الخليج بيبقى سعرها اقل من السعر اللى انا قولته ده لأن بيبقى فى حاجه اسمها عربيات تصدير مش للبيع المحلى و ده اللى بيجيبه المستورد زى سمير ريان و الناس الحلوة دى مش بينزل يشترى من التوكيل اكيد

يا ريت لو كلامى فيه اى حاجه غلط اى حد يصلحهولى :) و لو حد محتاج يعرف معلومات اكتر يقولى و انا تحت امركو

السلام عليكم يا اهل المنتدى الكرام , حبييت اشارك ببعض المعلومات عن الاوكتافيا A7 الخليجى فى قطر.

أمس كنت فى معرض سكودا فى الدوحه , وكنت رايح تحديدا اتفرج على الأميشن اعلى فئه او الأليجنس اعلى فئه , اولا هما فعلا 5 فئات (3 امبيشن , 2 اليجنس) ونفس الأسعار المشار اليها من اخ العضو Osaka مع تعديل بسيط , كل الفئات 7 ايرباج , 1.4 تيربو 140 حصان DSG , كلها تورشن بيم , ونفس المواصفات الى الأخ Osaka ذكرها بالنسبه لكل فئه , بس انا كان عندى شويه ملاحظات :-

1- الزينون فى اعلى فئه فى الأليجنس والأمبيشن فقط , باقى الفئات الأقل هالوجين عادى.

2- الكشافات مفيهاش LED DLR الى نازل هو النوع (Bixenon TOP1)

http://motoroids.com/wp-content/uploads/2012/12/2013-Skoda-Octavia-front.jpg

3- الأليجنس اعلى فئه بس LED Tail light بقى الموديلات BASIS

http://motoroids.com/wp-content/uploads/2012/12/2013-Skoda-Octavia-rear.jpg

4- جميع الفئات مفيش سنسور امامى

5- الأليجنس والأمبيشن اعلى فئه مفيش Park Assist , مفيش KESSY , مفيش Driving Mood , مفيش Traffic Sign Recognition , مفيش Anti-theft alarm system , مفيش ُElectric Driver Seat , مفيش Seat Heaters , مفيش Parking aid , مفيش Starting/shutting down the engine
, مفيش Lane Assist , مفيش ProActive passenger protection , مفيش Adaptive Cruise Assistant , مفيش GPS.

6- فئات الأليجنس بس فيها مساحه خلفيه.

7- 5 الوان فقط المتاحه (اسود - بنى - ازرق سماوى - بيج – ابيض)

طبعا انا بالنسبه لى , الحاجات دى كلها مهمه جدا , و من المفروض انها تكون موجوده فى الفئات العاليه ومن سعر العربيه.

بالنسبه للجمارك , انا اتصلت بشخص تبع الوكاله بيخلص جمارك السيارات الى نازله مصر , هو لسه منزل اليجنس اول فئه (بدون زينون وبدون فتحة سقف) الأسبوع الى فات وعملت 102 الف جنيه جمارك + 4000 ريال قطرى مصاريف الشحن , سألته لو فى فتحه سقف وزينون , قال لى بتذيد من 15 الى 20 الف جنيه , وقال لى انه ممكن تنزل ببطاقة تصدير وثمن العريه ينزل 3000 ريال قطري من أى فئه.

طيب حسبه صغيرة على اعلى فئه فى الأمبيشن 88,500 ريال قطري ثمن السياره + 4000 ريال قطرى شحن يساوى 92,500 ريال قطرى يساوى حوالى 180,000 جنيه مصرى + 125,000 جمارك وتخليص ومرور يعنى بنكلم فى 305,000 الف جنيه مصرى.

طبعا العربيه تحفة بجد , خامات وجوده فوق الوصف , عاليه كتير عن الأرض مقارتتا بالفانتازيا او ال A5 و جذابه جدا للعين , واسعه جدا من جوه , انا مصدقتش غير لما ركبتها , كل حاجه بجد ممتازه , بس بالسعر ده ومفيش كماليات (مهمه بالنسبه لى) يبقى الفئات الى نازله فى مصر تكسب , وخصوصا المواصفات الى مشار اليها من صاحب الموضوع الأخ العضو inspiron وتقريبا قررت انى اشترى من مصر اول ما انزل.

بس حبيت أشارك وشكرا لكم ,,,