اتوماتيك ولا مانيوال؟

[abayoumi]

والله يا جماعة محتار بين اوكتافيا 2006 a5 اتوماتيك بيزلين وبين اوكتافيا 2007 a5 مانيوال توب لين
الكيلومتر تقريبا هو هو والسعر برضة

انا شخصيا مش فارق معيا فى السواقة اوتوماتك ولا مانيوال
بس معظم اللى حواليا بيرجحوا الاوتوماتيك
ياترى اهل الخبرة رأيهم ايه؟؟؟

[elmkaneeki]

طالما مش فارقة معاك يبقي هات المانيوال
اعتمادية اعلي
كماليات اكتر وموديل اعلي

[amrelsaqqa]

طالما مش فارق معاك يبقى ريح دماغك وهات المانيوال ، الموديلات دى في الـa5 فيها مشاكل كتير في الاوتوماتيك

[khaabas]

مانيوال طبعا :)

[Silent~Dream]

المانوال افضل فى كل حاجه سحب و عمر افتراضى و اعتماديه بس الاوتوماتيك لو بتكره تدوس دبرياج كثير و كده

[mohammedabdallh]

الاوتو لو جوه القاهره علشان رجلك
بس اعمل حسابك فيه مشاكل كتير

[Moratoz]

اي عربيه من غير صيانه هيبقي فيها مشاكل سواء مأهولا او اوتو بس لو حضرتك مش فارق معاك خليك في ٢٠٠٧ توب لاين هتحس بالدلع والرفاه يه وانتا جواها
تحياتي

[طارق _عبد السلام]

الاوتو نعمه من ربنا
يغور المانيوال بدبرياجه

[besokate]

معلش ممكن اسالك سعرهم كام

[aw2100]

المانيوال طبعا
ومبروك على العربية الجديدة وانضمامك لمالكى سكودا !!

[abayoumi]

معلش ممكن اسالك سعرهم كام

صاحبها بيتكلم فى 97000 بس انا شايف ان السعر ده عالى شويه
ولا ايه رأيكم؟

[abayoumi]

طالما مش فارقة معاك يبقي هات المانيوال
اعتمادية اعلي
كماليات اكتر وموديل اعلي

لكن هل يوجد فئات فى المانيوال زى الاوتوماتيك؟
يعنى بيز لين وتوب لين ..... ؟؟

[J A G U A R]

مانيوال افضل

[osha966]

أنصحك بالمانيوال لأن جميع موديلات أوكتافيا بها عيوب فى الفتيس الأوتوماتيك.. وتكلفة الأصلاح باهظة جدا.. ثم أن المانيوال فى الأوكتافيا زى الحرير والدبرياج ناعم جدا...تحياتى لك

[osha966]

السعر معقول جدا طالما السيارة بحالة ممتازة.. ولا تتغر بالأسعار المنخفضة ابدا خاصة الأوكتافيا ..كان معروض واحدة 2007 مانيوال ب 102الف بس أعتقد انها كانت بحالة الزيرو