اتوماتيك ولا مانيوال؟

[inspiron]

أنصحك بالمانيوال لأن جميع موديلات أوكتافيا بها عيوب فى الفتيس الأوتوماتيك.. وتكلفة الأصلاح باهظة جدا.. ثم أن المانيوال فى الأوكتافيا زى الحرير والدبرياج ناعم جدا...تحياتى لك

مين قال لحضرتك الكلام ده !!!!!

الأوكتافيا من أول موديل 2008 حتي تاريخه مفيهاش أي عيوب في الأوتوماتيك..طول ما انت ملتزم بميعاد تغيير الزيت كل 60 ألف كم كحد أقصي..ولا الدموع

ملحوظة..عربيتي ولله الحمد عاملة 123000 كم من شهر 5 عام 2010..والسادة الأعضاء عارفين إن عربيتي تقريباً أكتر أوكتافيا بتسافر في العالم
وكل ما هنالك تغييرتين زيت اللي إتعملوا فيها للفتيس والحمد لله رب العالمين خالي من أي عيوب أو مشاكل بسم الله ما شاء الله ولا قوة إلا بالله.
-------------------------

بالنسبة لصاحب الموضوع..قبل ما تقرر تجيب مين فيهم بصرف النظر فارق موضوع القيادة بين المنوال والأوتوماتيك ( وقطعاً بيفرق )
لازم نعرف الفروق بين العربيتين

- المنوال :- شباكين أماميين كهربة وفي الخلف أوكر - تكييف بكر مش كليماترونيك - سماعتين للكاسيت فقط ( في بعض الأحيان 4 ) - فرش قماش - طارة مش مالتي..كاسيت شرائط ( في بعض الأحيان بتنزل بـ cd )

- الأوتوماتيك التوب لاين ( حمادة تاني خالص ) :- فتحة سقف بقا وزينون و 4 زجاج كهربة وتكييف كليماترونيك وفرش جلد وكمبيوتر وكاسيت سوينج سي دي و mp3 و 4 إيرباج

الغريب في الموضوع كله إني بقولك الكلام ده وشايف حضرتك كاتب أوتوماتيك بيزلاين ومنوال ( توب لاين ) إزاي مش عارف !

[monamize4]

انا ملاحظ ان كتييييير جدا ف المنتدى بالذات و مصر عامة بيخافوا من الفتيس الاوتو

يا جماعة الفتيس الاوتو مش اختراع نازل اول امبارح
فعلا فى فتيسات اوتو معينة بتبقى فيها مشاكل
و لازم نبعد عن العربيات اللى بتنزل بالفتيسات دى
لكن دا لايعنى اطلاقا اننا نخاف من اى فتيس اوتو

و اصلا المانيوال - حتى لو كان ممتع ف الطرق الفاضية - لكنه ممل جدااااااااا و بيخنق ف الزحمة
و مشكلة كمان ف مصر ان المانيوال بينزل باوبشنز قليلة جدا و امان اقل

[elmkaneeki]

انا ملاحظ ان كتييييير جدا ف المنتدى بالذات و مصر عامة بيخافوا من الفتيس الاوتو

يا جماعة الفتيس الاوتو مش اختراع نازل اول امبارح
فعلا فى فتيسات اوتو معينة بتبقى فيها مشاكل
و لازم نبعد عن العربيات اللى بتنزل بالفتيسات دى
لكن دا لايعنى اطلاقا اننا نخاف من اى فتيس اوتو

و اصلا المانيوال - حتى لو كان ممتع ف الطرق الفاضية - لكنه ممل جدااااااااا و بيخنق ف الزحمة
و مشكلة كمان ف مصر ان المانيوال بينزل باوبشنز قليلة جدا و امان اقل

الاوكتافيا والسكودا عموما مبيتنزلوش عن وسائل الامان حتي في المانيوال

[monamize4]

الاوكتافيا والسكودا عموما مبيتنزلوش عن وسائل الامان حتي في المانيوال

فعلا يا باشا

و انا كنت بتكلم بشكل عام مش ع السكودا بالذات

[elmkaneeki]

فعلا يا باشا

و انا كنت بتكلم بشكل عام مش ع السكودا بالذات

حضرتك عندك حق في بعض انواع الكوري دايما اول فئة بتبقي مانيوال ومعدومة الكماليات ...ناقص يشيلوا الموتور

[elmrwan]

مانيوال طبعاً

---

#15ff00

[طارق _عبد السلام]

انا عند رأيى هل يوجد فتيس اوتوماتيك بدون مشاكل فى اغلب السيارت وهل ايضا الفتيس المانيوال ليس له مشاكل
لو اهملنا صيانتهم لازم يكون فيه مشاكل اكيد
لكن راحه القياده شتااااااااااااااااااان الفرق
ده الاوتوماتيك نعمه واللى يكرهها يع............. :)

بجد فرق شاسع جدا مع انتشار الزحام وكثره المطبات على الطرق السريعه
اوتو الافضل

[طارق _عبد السلام]

صاحبها بيتكلم فى 97000 بس انا شايف ان السعر ده عالى شويه
ولا ايه رأيكم؟

97 ليه ومانيوال كمان
والله كان معروض عليا فانتازيا 2010 مانيوال بحاله الجديده ومتعتبرش ماشيه وصاحبها بيتكلم فى 110 واللى كان جايبها قالى هات 100 واخلصهالك قلتله انا تعبت من المانيوال ومنزلش من اوتو واركب مانيوال تانى الكلام ده من10شهور تقريبا
لكن 2006 بالسعر ده كتير جدا جدا

[meero31]

بدون نقاش المانيوال

والله انا معايا 2009 مانيوال a5 فضلها جنزير وتبقا دبابة باخد بيها الطريق فحت وردم ماشاء الله عليها . والأهم مشاكلها قليلة والحمد لله .

[osha966]

على فكرة الناس ماتعرفش ان المانيوال فيه فئة أولى وفئة تانية ..يعنى جميع الكماليات وجنوط وكاسيت عريض و2 تلاجة ..الخ ماعدا فتحة السقف والبخاخات .. وأنا مازلت عند رأيى وعن تجربة أن الأوكتافيا فتيسها الأوتو حساس جدا ومشاكله كتير ولسه صديق لى عنده فنتازيا الفتيس بيرزع راح التوكيل قالوله عايزه فتيس والتكلفة 58 الف ...ادينى عقلك

[inspiron]

على فكرة الناس ماتعرفش ان المانيوال فيه فئة أولى وفئة تانية ..يعنى جميع الكماليات وجنوط وكاسيت عريض و2 تلاجة ..الخ ماعدا فتحة السقف والبخاخات .. وأنا مازلت عند رأيى وعن تجربة أن الأوكتافيا فتيسها الأوتو حساس جدا ومشاكله كتير ولسه صديق لى عنده فنتازيا الفتيس بيرزع راح التوكيل قالوله عايزه فتيس والتكلفة 58 الف ...ادينى عقلك

صاحب حضرتك كان ملتزم بموعد الصيانة ؟؟ كان بيغير الزيت في معاده ؟؟ ( متقنعنيش ) ده أولاً..
تكلفة التصليح بتتراوح ما بين 11000-17000 جنيه والكلام علي موديلات حتي 2007..رقم 58 ألف ده أوفر السنين..ده ثانياً

الـ a5 موديلات 2008 - 2009 والفانتازيا حتي تاريخه لا يوجد بها أي مشاكل من أي نوع في الفتيس..لا رزع ولا نتش ولا أي حاجة..والسبب بسيط جداً إنهم عدلوا عقل الفتيس.ده ثالثاً

[osha966]

97 ليه ومانيوال كمان
والله كان معروض عليا فانتازيا 2010 مانيوال بحاله الجديده ومتعتبرش ماشيه وصاحبها بيتكلم فى 110 واللى كان جايبها قالى هات 100 واخلصهالك قلتله انا تعبت من المانيوال ومنزلش من اوتو واركب مانيوال تانى الكلام ده من10شهور تقريبا
لكن 2006 بالسعر ده كتير جدا جدا

- الأسعار دى كانت زمان ..مع احترامى لو فنتازيا 2010 ب 110 تبقى مضروبة .. فهى لا تقل بأى حال عن 135 ..

[osha966]

صاحب حضرتك كان ملتزم بموعد الصيانة ؟؟ كان بيغير الزيت في معاده ؟؟ ( متقنعنيش ) ده أولاً..
تكلفة التصليح بتتراوح ما بين 11000-17000 جنيه والكلام علي موديلات حتي 2007..رقم 58 ألف ده أوفر السنين..ده ثانياً

الـ a5 موديلات 2008 - 2009 والفانتازيا حتي تاريخه لا يوجد بها أي مشاكل من أي نوع في الفتيس..لا رزع ولا نتش ولا أي حاجة..والسبب بسيط جداً إنهم عدلوا عقل الفتيس.ده ثالثاً

- يا فندم مع احترامى لكلامك ..كل كلامى من ملاك فنتازيا 2009 -2010 أصدقاء وسمعته بنفسى منهم ورقم ال 58الف سمعته من صاحب السيارة نفسه وكان لسة جاى من التوكيل قالوله الفتيس عايز تغيير بالكامل. وطبعا أولا وأخرا لو الواحد محافظ على العربية وصيانات دورية وقيادته هادئة أعتقد صعب يهلك الفتيس ..لكن احنا بنقارن بين فتيس الأسكودا وفتيس اليابانى مثلا البيعيش 250الف بدون مشاكل.. ده ال عندى.

[طارق _عبد السلام]

- الأسعار دى كانت زمان ..مع احترامى لو فنتازيا 2010 ب 110 تبقى مضروبة .. فهى لا تقل بأى حال عن 135 ..

بقول لحضرتك من عشر شهور ليه هو كان ثمن الفانتازيا المانيوال زيرو بكام
لعلمك اغلب الاوكتافيا المانيوال اسعارها فى التحتانى مش زى الاوتو لان مين هيدفع مبلغ عالى زى ده فى عربيه مستعمله وتكون مانيوال غير الغاوى فقط وده قليل لذلك السعر بينزل
ومكنتش مضروبه بقول لحضرتك انا اتفرجت عليها كانت شبه الزيرو بس صاحبها ندم بعد ما اشترى مانيوال دى كل الحكايه وعلى العموم عادى جدابتحصل كتير
135 يجيبوا عربيه 2009 خليجى اوتوفانتازيا بردوا

[amrelsaqqa]

- يا فندم مع احترامى لكلامك ..كل كلامى من ملاك فنتازيا 2009 -2010 أصدقاء وسمعته بنفسى منهم ورقم ال 58الف سمعته من صاحب السيارة نفسه وكان لسة جاى من التوكيل قالوله الفتيس عايز تغيير بالكامل. وطبعا أولا وأخرا لو الواحد محافظ على العربية وصيانات دورية وقيادته هادئة أعتقد صعب يهلك الفتيس ..لكن احنا بنقارن بين فتيس الأسكودا وفتيس اليابانى مثلا البيعيش 250الف بدون مشاكل.. ده ال عندى.

انا مش مستغرب رقم 58 الف على فكرة
انت لو معاك عربية زي رينو لوجان لو رحت التوكيل تقول له هغير الفتيس المانيوال هيقولك 25 الف جنيه

دى اسعار التوكيلات واحنا عارفينها كويس ومجربينها في الحاجات الرفيعة ، يعنى لما تبقى مراية بـ 2000 جنيه مثلا ، هيبقى الفتيس بـ 5 ، لا طبعا :d