مشكلة في عربيتي الفانتازيا

[fadymagd]

عربيتي سكودا فانتازيا 2009 من بعد سرعة ال140 العربية بتبقى مخنوقة علي الاخر وبالعافية بتوصل الي سرعة ال160؛ بالرغم قمت بتغيير فلتر البنزين مرتين وفلتر الهواء والبوجيهات.ارجو افادتي عن هذه المشكلة. اشكركم.

[Moratoz]

اكشف علي طرمبه البنزين واسلاك البوجيهات

[fadymagd]

أشكرك علي اهتمامك والرد علي استفساري

[طارق _عبد السلام]

فعلا احتمال كبير ضعف طلمبه
وحاول وانت مسافر مشوار طوالى تحط منظف انجيكشن على 20 لتر بنزين تقريبا وتحرقهم وشوف النتيجه
لو لم يكن احتمال ضعف الطلمبه بيكون اكيد

[fadymagd]

أشكر اهتمامك يا باشمهندس طارق والرد علي مشكلتي.وانا هجرب فكرة منظف الانجكشن.

[asmy_77]

متابع

[fadymagd]

انا جربت ووضعت منظف الأنجكشن علي 20 لتر ومشيت مشوار طويل ولكن العربية برضة لسة مكتومة وبالعافية جايبة ال160

[Ahmed Saad]

بص ياباشا علشان تقطع الشك باليقين هتروح لمتخصص فولكس واسكودا وقوله اكشفلي على ضغط طرمبه البنزين بيبقى عندهم عداد بيوصلوه عند الرشاشات وفيه مشترك بيفك خراطيم البنزين ويركبها في المشترك ويركب العداد ويوصله بمدخل المسطرة وبيدور شويه ويبطل ويبص في العداد المفروض أن ظغط الدوره بتاعت الوقود لو الطرمبه سليمه من 3.5-4 بار لو جابت معاك القرايه دي طرمبه سليمه أقل طرمبه عايزه تتغير وان شاء الله بسيطه

[Moratoz]

بص ياباشا علشان تقطع الشك باليقين هتروح لمتخصص فولكس واسكودا وقوله اكشفلي على ضغط طرمبه البنزين بيبقى عندهم عداد بيوصلوه عند الرشاشات وفيه مشترك بيفك خراطيم البنزين ويركبها في المشترك ويركب العداد ويوصله بمدخل المسطرة وبيدور شويه ويبطل ويبص في العداد المفروض أن ظغط الدوره بتاعت الوقود لو الطرمبه سليمه من 3.5-4 بار لو جابت معاك القرايه دي طرمبه سليمه أقل طرمبه عايزه تتغير وان شاء الله بسيطه

اغلب الفنيين بيكشفوا علي الطرمبه بالنظر والتجربه وليس بجهاز القياس
يا تري ممكن مين يكون بكشف زي ما حضرتك بتقول ويكون عنده جهاز القياس دا
تحياتي

[fadymagd]

أشكركم علي الأستجابة.بس لو ممكن اعرف اروح لمين يكون عنده جهاز الكشف علي طلمبة البنزين او ميكانيكي يكون شاطر.

[Ahmed Saad]

أشكركم علي الأستجابة.بس لو ممكن اعرف اروح لمين يكون عنده جهاز الكشف علي طلمبة البنزين او ميكانيكي يكون شاطر.

بص ياباشا روح لمهندس أيمن اللي في العاشر في أول شارع الورشة من ناحيه سوق السيارات وقوله انا جايلك من طرف احمد بتاع الباسات 2000 الفضي وهوا هيقولك فيها ايه إن شاء الله

[omaranes77]

لو عايز تأكد من الطرمبة
عير فلتر بنزين وبعدها دور العربية لو العربية دارت على طول وبسرعة يبقى الطرمبة سليمة لو ملقتش بسرعة يبئة الطرمبة سليمة

[sala7]

عربيتي سكودا فانتازيا 2009 من بعد سرعة ال140 العربية بتبقى مخنوقة علي الاخر وبالعافية بتوصل الي سرعة ال160؛ بالرغم قمت بتغيير فلتر البنزين مرتين وفلتر الهواء والبوجيهات.ارجو افادتي عن هذه المشكلة. اشكركم.

- هل الماكينة بترشح زيت من فوق (غطاء راس المكنة ) ؟
- هل داخل البوابة رشح زيت ؟؟؟
- عملت برمج على الكمبيوتر لاي غرض و بعد كدا حصل الموضوع ده ؟؟

اقتراحات تشخيص العطل من وجهة نظري
- حساس الكرنك بيخرف .
- حساس الكتينة الكونيكتور بتاعه فاصل او متسخ نتيجة رشح الزيت ومحتاج تنظيف .
- محتاج اعادة ضبط مصنع لوحده الكمبيوتر و دي بتتعمل ب vas5054 .

ممكن نقطه من 3 اللي فاتو يعملوا المشكلة اللي حضرتك بتعاني منها
هتضيف بقا عليهم اللي حجات اللي لازم تتعمل
- تنضف بوابة كويس و التنظيف بره العربية و اوعى وانت بتنضف تلعب بالوابة بايدك .. عاوز تمسح الاتساخات هترش منظف كربريتر و تمس بمنديل و هي مقفولة (ماتحاولش تعلب بالوابه نهائيا لانها هتخرب (اللهم اني بلغت اللهم فاشهد)


افحص كمبيوتر اولاً و بعد كدا ندور العيب فين بعد الفحص

هذا و بالله التوفيق

[fadymagd]

اشكركم علي الرد.بس انا العربية عندي مابتاخرش في الدوارة. ولا ده لا علاقة له بموضوع كتمة العربية من بعد ال140.

[Nfs Rivals]

اوكتافيا و فيها الكلام دة؟ اومال احنا نعمل ايه