مشكلة في عربيتي الفانتازيا

[طارق _عبد السلام]

اوكتافيا و فيها الكلام دة؟ اومال احنا نعمل ايه

عادى جدا هى فى الاخر آله ميكانيكيه تسمى سياره واجزائها معرضه للتلف والعطل

[fadymagd]

مفيش عندي أي رشح زيت من فوق ( رأس المكنة).وكنت نظفت البوابة بالاسبراي أيضاً. وكنت كشفت أيضاً بالكمبيوتر علي العربية لم يظهر اي عيب على الجهاز.

[Moratoz]

انت مغير بتوجيهات
الأغلب طرمبه البنزين زي ما قلنا قبل كده

[fadymagd]

انا لسة مغير بوجيهات.واتمني ان تكون المشكلة في طرمبة البنزين .ما يكونش في مشكلة في حساسات ( كرنك او كامة ) او مشكلة تتعلق بالفتيس.انا منتظر اعود من اجازتي بالغردقة وساتوجه لمهندس كويس لعلاج العربية.وأكرر شكري للباشمهندس طارق.

[3abdo]

بص حضرتك على الرشاشات ممكن يكون هوا دة السبب تقبل تحياتي

[sala7]

مفيش عندي أي رشح زيت من فوق ( رأس المكنة).وكنت نظفت البوابة بالاسبراي أيضاً. وكنت كشفت أيضاً بالكمبيوتر علي العربية لم يظهر اي عيب على الجهاز.

ايوااااا .. كنت كاشف كمبيوتر عند مين ؟؟ و كمبيوتر متخصص للالماني يعني و لا كمبيوتر بتاع كله ؟؟
احيانا كمبيوتر اللي بيكشف على معظم السيارات بيخرف .

بص العربيه دي يا كمبيوتر .. يا حساس من اللي قلتهم بيقرا غلط (معطوب)

بس انا مش مغسل و ضامن جنه ... لازم فحص كمبيوتر الخاص بسيارات الالمانيه .... هو ده اللي هيقول العيب فين بالظبط

اصل انت ممكن يكون العيب عندك بردوا في بيبات التغزيه لو واحد فيهم مقطوع مع ضغط طرمبه البنزين هيجي عند بار معين و يبتدي يهرب يروح مثبتلك السرعه على كدا مهما تدوس و عايز تزود

احنا هنا في النتدى ياادوب بنساعد لاننا مش شايفين بعنينا

و اسف على الاطاله و متابع

[fadymagd]

شكراً علي ردك واهتمامك بس انا منت كشفت بالكمبيوتر عند ورشة احمد عبد الوهاب في جسر السويس خلف حديقة بدر واللي كشف احمد عزت وقالي ان الكميوتر لم يظهر اي عيب .وقالي نجرب نغير فلتر بنزين وبالفعل غيرته ولكن نفس النتيجة مع العلم كنت مغير بوجيهات وفلتر هواء.

[مركز الخواجة]

لو فلتر البنزين مش أصلي يعمل كده,يا ايما طلمبة البنزين,بس هي علي حسب انت ماشي كيلو متر اد ايه!؟,ممكن تكشف عالسيارة بالجهاز,و لو الطلمبة ضعيفة هتظهر عالجهاز.





..............................................
مخالفة القاعدة 11

[fadymagd]

العربية عاملة 153000.وفلتر البنزين غيرته مرتين.

[MohamedGobran]

طيب يا جماعه هو تقريبا مش عارف اوصل لحل مع التوكيل بس فيه واحد اعرفه عنده 3 عربيات فانتازيا حوادث و قالى ان مكنه و فتيس سليمه و مفيهاش اى حاجه و انه ممكن يفكلى فتيس من اى عربيه فيهم زى ما انا عايز و هيبيعهولى بتمن الاستيراد و عن تجربه فهل ده تبقى حاجه كويسه لان كل الى موجود فى الحرفين بتاعa5 و احدث رقم سمعته 2009 فهل لو الحادثه جايه من ورا و العربيه من تحت سليمه ده ممكن يأثر على الفتيس فى حاجه ؟؟؟؟؟

[MohamedGobran]

انا اسف حاطيت رد فى الموضوع غلط بطلب من الاداره تمسحه و بعتذر لصاحب الموضوع طبعا

[fadymagd]

بعد التحية لكل اعضاء المنتدي الكرام؛ انا لسة بأعاني من مشكلة خنقة العربية واقصي سرعة 130؛ بالأضافة الي شئ جديد وهو أرتفاع في أمبير الحرارة بعد سرعة ال120 عند تشغيل التكيف وعند اطفاءه يرجع امبير الحرارة الي المنتصف؛ ذهبت الي المهندس خالد إسماعيل وشرحتله المشكلة وكشف علي دورة المياه وقالي كله طبيعي يمكن مشكلة الحرارة بسبب دورة التبريد وقال لي ان اكشف على سربنتينة التكيف لو مسظوظة ممكن ترفع الحرارة.
أما بالنسبة لمشكلة عدم سحب العربية كشف على طرمبة البنزين ووجدها جيدة وأيضا كشف علي فلتر البنزين والبوجيهات وكلوا كويس.
كشفت بعد ذلك علي سربنتينة التكيف وطلعت كويسة .
المهم عايز نصيحتكم احد الاصدقاء قال لي ان المشكلة دي حصلت معاه في عربيته الa5.وطلعت المشكلة انسداد في علبة البيئة اللي هي تحت الموتور ( علي حد قوله )وبعد تغيرها فاقت تلعربيه والحرارة رجعت لطبيعتها.
عايز نصيحتكم هل ممكن ألغي علبة البيئة. او اقوم بتغيرها مع العلم بعلو سعرها.اشكركم واسف علي الأطالة

[طارق _عبد السلام]

على فكره لو علبه البيئه مسدوده او الشكمان ممكن العربيه تتخنق فعلا ...بس ده يحدده فنى واثق من العطل علشان متصرفش على الفاضى

[fadymagd]

شكراً على رد حضرتك؛ بس لو فعلا علبة البيئة اللي هي عند الموتور مسدودة هل ألغيها وده ممكن يضر العربية.ولا استبدلها.

[طارق _عبد السلام]

شكراً على رد حضرتك؛ بس لو فعلا علبة البيئة اللي هي عند الموتور مسدودة هل ألغيها وده ممكن يضر العربية.ولا استبدلها.

لا تستبدلها طبعا

وممكن يقابلك مشكله وقت الترخيص والعربيه تسقط بيئه