رابطة مالكى سـكــــــــودا ربـيـد و سـبـيــــــس بـــــــــاك

[kouriem]

و عليكم السلام
استاذ كرييم انت رقم خمسة
انا بردوا شايف ان صوت الموتور عالى فعلا
عامتا انا قربت اعمل صيانة 7500 ربنا يسهل اشوف بعد الصيانة الصوت اخباره ايه
انا حاسس اننا على ما نوصل لثلاثين عربية مثلا هيكون شعرى ابيض

ربنا يكرمك يا باشا و تعمل الصيانة على خير ... على فكرة انا انا عندي شغلانة اليومين دوول في دمياط و عاوز اقولك البلد كلها راكبة رابيد انا قلبي انشرح :)

[akerima]

كان نفسي اكون رقم 6 بس لسة شوية عليا

باذن الله علي مارس الجاي اكون اكتافياوي - لسة بفكر في الرابيد بس بس باذن الله ان ماكانتش رابيد تكون اوكتافيا

حبيت ادخل اشوف اصحاب العربية بيتكلموا عنها ازاي بعد ما سمعت شعر من واحد عليها

عموما ايه رايكم رابيد ولا a4 ولا a5 ؟؟

انا حتجن علي A4 حالتها كويسة ولما سمعت ان الرابيد نازلة بنفس الماتور قلت ليه اركب قديم مع اني ممكن اجيب الحتة دي جديده بس مش عارف الكلام دا مظبوط ولا لأ

[ahmed sa3ed]

مبروك عليكم انشاء الرابطه وان شاء الله فى ازدياد
وانا معايا ال a7 والناس تقولى دى رابيد :D

[nagy wassef]

ربنا يكرمك يا باشا و تعمل الصيانة على خير ... على فكرة انا انا عندي شغلانة اليومين دوول في دمياط و عاوز اقولك البلد كلها راكبة رابيد انا قلبي انشرح :)

ربنا يطمنك يا باشمهندس
بس اشمعنا اهل دمياط و هنا لسه

[nagy wassef]

كان نفسي اكون رقم 6 بس لسة شوية عليا

باذن الله علي مارس الجاي اكون اكتافياوي - لسة بفكر في الرابيد بس بس باذن الله ان ماكانتش رابيد تكون اوكتافيا

حبيت ادخل اشوف اصحاب العربية بيتكلموا عنها ازاي بعد ما سمعت شعر من واحد عليها

عموما ايه رايكم رابيد ولا a4 ولا a5 ؟؟

انا حتجن علي a4 حالتها كويسة ولما سمعت ان الرابيد نازلة بنفس الماتور قلت ليه اركب قديم مع اني ممكن اجيب الحتة دي جديده بس مش عارف الكلام دا مظبوط ولا لأ

الرابيد بالنسبة للa4 مش فارقة كتير و لكن هتركب موديل 2015

الرابيد موتور الرومستر

و تقفيل تشيكى مش هندى زى البولو السيدان

[nagy wassef]

مبروك عليكم انشاء الرابطه وان شاء الله فى ازدياد
وانا معايا ال a7 والناس تقولى دى رابيد :d

الله يباريك فيك يا باشمهندس

هما فعلا شبه بعض شوية مع فرق الحجم

مش عارف ليه مفيش تغيير كبير و واضح بينهم فى الشكل

[amrhosam]

يا جماعة تنصحوني اشتري الربيد والا لأ بصراحة و عايز اعرف العفشة بتعتها ناشفة والا ناعمة في المدقات
انا خايف من اسعار الصيانة و قطع الغيار لو حد يقدر يفدني في الموضوع ده يبقى كتر الف خيركو...... شكرااااااااااا

[Mandoooo]

انا عايز اعرف رايكو في الرابيد سبيس باك هاي لاين ضروري او معلومات عنها علشان انا ناوي اجيب واحدة الاسبوع اللي جاي و هي ولا الاوبل استرا هاي لاين. ولا اوكتافيا a7 اول فءة.

[nagy wassef]

يا جماعة تنصحوني اشتري الربيد والا لأ بصراحة و عايز اعرف العفشة بتعتها ناشفة والا ناعمة في المدقات
انا خايف من اسعار الصيانة و قطع الغيار لو حد يقدر يفدني في الموضوع ده يبقى كتر الف خيركو...... شكرااااااااااا

العفشة بتاعتها ناشفة شوية
و بالنسبة لاسعار الصيانة و قطع الغيار مش هقدر افيدك فيها علشان الحمد لله محتاجتش
لكن كله دلوقتى استهبال
لكن الاسكودا قطع غيارها معمرة لو اصلى

[nagy wassef]

انا عايز اعرف رايكو في الرابيد سبيس باك هاي لاين ضروري او معلومات عنها علشان انا ناوي اجيب واحدة الاسبوع اللي جاي و هي ولا الاوبل استرا هاي لاين. ولا اوكتافيا a7 اول فءة.

بالنسبالى الاسترا الكوزمو لو هتعرف تتعامل مع منصور
الاختيار التانى هيكون السبيس باك بس شنطتها اصغر طبعا
الa7 اول فئة غالية و فاضية

[Mandoooo]

بالنسبالى الاسترا الكوزمو لو هتعرف تتعامل مع منصور
الاختيار التانى هيكون السبيس باك بس شنطتها اصغر طبعا
الa7 اول فئة غالية و فاضية

لا انا قصدي في العربية نفسها في المواصفات a7 اول فءة ولا رابيد سبيس باك هاي لاين

[nagy wassef]

ال a7 اول فئة مافيهاش مواصقات اساسا فاضيةةةةةة
بالظبط زى الرابيد اول فئة مافيهاش اى اوبشنز الفرق الحجم فقط
يعنى لو بتدور على اوبشنز يبقى الرابيد هاى لاين او طبعا الاسترا كوزمو

[AHMED_HAMDY]

السلام عليكم


ربنا يبارك لكل الي عندهم العربيه يا رب


انا نزلت النهارده انا من الزقازيق لفيت نص المعارض مفيش حد عنده اني اتفرج حتى


وفي الشارع مش عارف افرق بين ال a7 والرابيد

كل مواحده تعدي ابص وراء الاقي اوكتافيا والعلامه الي قدام شايف الاثنين زي بعض !

اتفرج عليها فين علشان ممكن انزل القاهره يوم الاربعاء او الخميس


ولسه محتار بينها وبين الشارك 2015 الاثنين هاي لاين ومش عارف اعمل ايه فعايز اتفرج على الرابيد علشان احدد اختياري

[nagy wassef]

عليك و على ارتوك اوتو القطامية

[AHMED_HAMDY]

فين مكانه بالضبط انا هبقى في مدينه نصر واروح ازاي وإلا هاجي اتفرج على عربيت حد من الي في الرابطه