رابطة مالكى سـكــــــــودا ربـيـد و سـبـيــــــس بـــــــــاك

[ADMSNDS]

السلام عليكم
انا اول مره ليه هنا فى المنتدى والحمد لله جبت رابيد اليجانس وكنت حابب اسال الاخوه الافاضل هنا هو لازم الين لحد 1000 زى باقى السيارات والا امشى واشغل التكييف وادوس عادى مع العلم ان المعرض قالى شغل كل حاجه ودوس السياره متلينه . وشكرا

[abdo waly]

السلام عليكم
انا اول مره ليه هنا فى المنتدى والحمد لله جبت رابيد اليجانس وكنت حابب اسال الاخوه الافاضل هنا هو لازم الين لحد 1000 زى باقى السيارات والا امشى واشغل التكييف وادوس عادى مع العلم ان المعرض قالى شغل كل حاجه ودوس السياره متلينه . وشكرا

الكتالوج بيوصى انك متتعداش ٣/٤ السرعة القصوي للمحرك اول الف كيلو للحفاظ على المحرك
وانت حاليا مش محتاج التكييف .... ولا انت تقصد التدفئة.

[خالد نوبل]

السلام عليكم و رحمة اللة
الحمد للة إشتريت رابيد إليجانس 2015 و يشرفني الإنضمام لتبادل الخبرات

[nagy wassef]

الف مبروك يا رجالة
السؤال: صوت الموتور عندى عالى هل انا بس و لا هى كدة؟

[ibizaman]

https://m.facebook.com/groups/906535549370418?ref=bookmark

[Hisham Balba]

الف مبروك يا رجالة
السؤال: صوت الموتور عندى عالى هل انا بس و لا هى كدة؟

العربيه صوتها عالي بشكل عام , لكن ايضا الصوت بيتغيير حسب اسلوب القيادة , يعني لو بتدوس بقوه علي البنزين حتلاقي الصوت بيعلى , ولو بتمشي على ال Sport mode الصوت بيعلى ايضا عشان لفات المحرك بتزيد قبل النقل , وكمان صوت الجكمان مسموع داخل السيارة .

[nagy wassef]

العربيه صوتها عالي بشكل عام , لكن ايضا الصوت بيتغيير حسب اسلوب القيادة , يعني لو بتدوس بقوه علي البنزين حتلاقي الصوت بيعلى , ولو بتمشي على ال sport mode الصوت بيعلى ايضا عشان لفات المحرك بتزيد قبل النقل , وكمان صوت الجكمان مسموع داخل السيارة .

صدقنى من غير حتى ما ادوس على البنزين و هى دايرة فقط
صوت الموتور عامل زى كركرة الشيشة

[kouriem]

مظبوط يا باشا فعلا صوتها عالي كمان عندي ..

[nagy wassef]

جرار زراعى :)

[kouriem]

جرار زراعى :)

و يا سلام بئه لو كانت بارده .... انا عندي حاجه و مش عارف ايه ديه ... اول ما تيجي تفتح كونتاكت بتسمع صوت الزنه بتاعت الطرمبه و هي بتحضر بنزين و بعدين مفروض تسكت ... هي فعلا بتسكت بس بيفضل صوت ونه كده مابيرحوش الا لما ادور و يمكن ما بيروحش بس بعد ما بدور مع صوت الجرار ما بسمعوش ... هل حد عنده كده ولا ...

[nagy wassef]

و يا سلام بئه لو كانت بارده .... انا عندي حاجه و مش عارف ايه ديه ... اول ما تيجي تفتح كونتاكت بتسمع صوت الزنه بتاعت الطرمبه و هي بتحضر بنزين و بعدين مفروض تسكت ... هي فعلا بتسكت بس بيفضل صوت ونه كده مابيرحوش الا لما ادور و يمكن ما بيروحش بس بعد ما بدور مع صوت الجرار ما بسمعوش ... هل حد عنده كده ولا ...

انا حسيت قد ايه صوتها عالى بعد ما جبنا كيا ريو لمراتى

[Hisham Balba]

و يا سلام بئه لو كانت بارده .... انا عندي حاجه و مش عارف ايه ديه ... اول ما تيجي تفتح كونتاكت بتسمع صوت الزنه بتاعت الطرمبه و هي بتحضر بنزين و بعدين مفروض تسكت ... هي فعلا بتسكت بس بيفضل صوت ونه كده مابيرحوش الا لما ادور و يمكن ما بيروحش بس بعد ما بدور مع صوت الجرار ما بسمعوش ... هل حد عنده كده ولا ...

لا مش لدرجة جرار زراعي !!؟ وبعدين مافيش عندي صوت تاني بعد صوت طلمبة البنزين !؟. انما ساعات باسمع صوت زي كركرة الشيشة فعلا ولكن بسيط ومش دايما

[hossam elbaz]

السلام عليكم ... حبيت انضم معاكم علي اساس انى بفكر جديا ف العربيه دى .. مش عارف بقى هبقى العضو التالى ولا ايه .. ده متوقف معايا على كام سؤال ياريت الناس المحترمه اللى هنا ترد عليه خاصه انى انضميت وحبيت اشارك لما لاقيت ان الناس اللى هنا بسم الله ماشاء عليهم خبره وصادقين
السؤال بقى...اولا انا بفكر ف spaceback هل قطع غيارها هتبقى هيا هيا قطع غيار السيدان؟
السؤال التانى/ الفئه التانيه انا شوفتها على ارض الواقع..لما فتحت الكابوت ملقتش عازل حراره ف الصاج..ولا غطاء للموتور..ممكن يكون ده سبب ان صوت الموتور يكون عالى حسب ماشوفت تعليقات الناس على الصوت العالى
السؤال الثالث/ انا شوفت الخليجى والوكيل .. لاقيت الخليجى التابلوه بتاعو احلى .. لو امكن حد يقولى ايه الفرق من حيث الصيانه بعد كده .. يعنى من الاخر هتفرق معايا ف ايه لو اشتريت خليجى .... غير الضمان !
معلش لسه شويه وادينا كلنا بنستفيد
السؤال الرابع / انا متعملتش مع اى توكيل او مركز سكودا ... ياترى الناس اللى بتفهم ف اسكودا فين احسنهم اذا كان توكيل او مركز
معلش هانت اهى
السؤال الخامس / من حيث بقى الفنيات وقطع الغيار واعاده البيع والاستخدام والعمر وكل حاجه هى ولا استرا !!
اخيرآ/ انا بفكر اركب وانسى فهل اختيارى كده مناسب .. ياريت النصيحه .مع العلم انى بقالى سنه مستنى اشترى


اسف لو طولت عليكم ... اخوكم حسام

[Mandoooo]

انا عايز اعرف انا معايا سكودا رابيد سبيس باك اليجانس لو جبتلها الكاسيت الشاشة اللي فيه كل حاجة المفروض اني ده اللي بينزل معاها بس الوكيل مش بينزلو فيها ينفع يركب ولا لا ومين اللي يركبو

[hossam elbaz]

انا عايز اعرف انا معايا سكودا رابيد سبيس باك اليجانس لو جبتلها الكاسيت الشاشة اللي فيه كل حاجة المفروض اني ده اللي بينزل معاها بس الوكيل مش بينزلو فيها ينفع يركب ولا لا ومين اللي يركبو

كل اللى اقدر اقولهولك... انك تسأل ف التوكيل