مشكلة فى سقف اسكودا اوكتافياa5

[ebrahim_mh]

ياجماعة للاسف سقف العربية بدء يفك عشان اتغسل بميه الى جانب ان اصلا سقف الاوكتافيا من الداخل ضعيف جدا
المهم دلوقتى تنصحونا نعمل ايه او ممكن يتفك ويتغير عند ميين من غير مايكسر الفبر او اى حاجة
وهل بيرجع زى الاول ولا ايه ياريت الناس تشارك عشان الموضوع ده مهم والكل يستفيد

[eng_amg]

لو كسوة السقف سليمة ومجرد فكت فقط..
لتروح التوكيل يثبته بالكليبسات الأصلية وطبعا حيكلفك بس حيرجع زيرو.
لاما تشوف حد كويس يعملهولك بس تكون واقف على ايده

[EngAhmedSayed]

انتا قصدك البطانة اللى هى القماشة الخفيفة فكت و له السقف كله فك من بعضه

[ebrahim_mh]

انا قصدى البطانه الخفيفة هى اللى فكت

[ebrahim_mh]

اه يا جماعة محدش قارد يفيدنا يا خسارة

[Moratoz]

بص يا سيدي البطانه الداخليه كدة خلاص لازم تتغير وانا كان حصل عندي المشكله دي في عربيه اوكتافيا a4 وفيها فتحه سقف - المهم قعدت اسأل علي حد كويس لغايه ما وصلت لسروجي اسمه حمدي في صقر قريش فك فرش السقف و غير البطانه - والحمد لله طلعت كويسه .

[ebrahim_mh]

بعد اذن حضرتك فين فى صقر ممكن العنوان او رقم التليفون

[EngAhmedSayed]

كان فى موضوع حكاية عن تغيير
بطانة السقف و صاحبنا عامل الموضوع بأحتراف
هدورلك عليه

[EngAhmedSayed]

حظك حلو للقيت الموضوع
و اقراه و ممكن تنفذه بنفسك

اتفضل للينك الموضوع

http://www.nilemotors.net/Nile/3875243207-post49.html

[Moratoz]

بعد اذن حضرتك فين فى صقر ممكن العنوان او رقم التليفون

صقر قريش دي في المعادي
وممكن توصلها انك تمشي في الأوتستراد في اتجاه المعادي واول ما تلاقي الكوبري الدائري بيقطع الطريق من فوق حضرتك تاخد أقصي اليمين وتخش في الشارع البطيئ وتدخل او فتحه يمين هتلاقيه وراء الجامع الموجود علي الشمال

[lord_adel]

طالما السقف جه عليه مايه يبقى السفنج بتاعه شرب مايه يبقى للأسف القماش ساب السفنج وراح هابط ولازم يتعمل والى يقولك انه ممكن يداويهولك والكلام ده يبقى بيشتغلك ... لما يتعمل هيرجع زى الول انا اشك . أنصحك تروح تجيب واحد استيراد وتركبه احسن . عالشان انا روحت عملته ومطلعش كويس بعد سنه لاحظت انه ابتدى (القماش بالسفنج) يفك من الكرتون بتاع السقف ... هسيبه شويه لحد لما يتبهدل واجيب سقف استيراد واركبه

[EngAhmedSayed]

اية الاخبار عاملت اية فى السقف