مشكله في فتيس Octavia A7 2015 1.6MPI

[Beeso]

سلام عليكو,

اولا احب امسي علي شباب سكودا عشان ده تقريبا اول بوست ليا في سكودا واحب اخد رأيكم في حاجهز

انا اشتريت اوكتاقيا A7 2015 ambition من حوالي 6 شهور و كان عندي شويه تعليقات بسيطه كده علي العربيه بس مش ده المهم دلوقتي, انا مبسوط بالعربيه الحمد لله ولكن من كم شهر كده بقي في زي نتشه بسيطه قوي بحسها في النقل بين 1-2 في اول الطلعه لو دايس بنزين براحه (gradually stepping ) النتشه دي بدأت تزيد مع الوقت لحد مبقت ملحوظه قوي من شهر فروحت التوكيل واتخنقت معاهم وقلولي حيبتوها وتاني يوم لما روحت قلولي عملنا ريستت للسفوتوير بتاع الفتيس واتظبط. المهم معجنيش الكلام بس زهقت من الجدال وروحت استلم العربيه لقيت النتشه لسا باينه روحت راجع وجابلي فني ركب معايا العربيه وحس بيها بس قالي عشان العربيه بارده (الكلام ده كانت العربيه عامله 14,200كم) وفعلا النتشه قلت لما سخنت العربيه و قالي لو في حاجه تعالا في صيانه 15000 نشوفها.

انا قلت اسأل لو حد حس بنفس المشكله؟

شكرا و اسف اني طولت عليكو

[memo_p910]

متابع معاك واضح ان فتيس فولكس فاجن ال dsg لا يزال يعاني من مشاكل

[Beeso]

متابع معاك واضح ان فتيس فولكس فاجن ال dsg لا يزال يعاني من مشاكل

شكرا علي ردك بس هو مش dsg ده استبترونيك

[memo_p910]

شكرا علي ردك بس هو مش dsg ده استبترونيك

معلش انا كنت فاكر سكودا رجعت نزلت الفتيس المعقد جدا dsg تاني

[m07mad]

فعلا الفتيس دا لما بتكون العربيه بارده بتبقى النقله من ١--٢ و ممكن كمان من ٢--٣ بتحس بيها و بتبقى ملحوظه لكن اول ما العربيه تاخد غيراتها كلها و زيت الفتيس يسخن بتختفي نهائي و دا طبيعي جدا و انا عندي كده و لاحظتها في اكتر من عربيه

[دكتور خالد]

عندى صديق بيشتكى من نفس المشكلة و بلا حل حتى الان

[ENG.MaRk]

ديه مش مشكلة كبيرة ماتقلقش منها و فعلاً بتختفي لما العربية تسخن :)

[h_e_e]

سخن العربيه الصبح علي ال n

[m07mad]

سخن العربيه الصبح علي ال n

ايه الفكره ان العربيه تتسخن على الـ n ؟؟!!

[abdullahsamir]

سلام عليكم,

اولا احب امسي علي شباب سكودا عشان ده تقريبا اول بوست ليا في سكودا واحب اخد رأيكم في حاجهز

انا اشتريت اوكتاقيا a7 2015 ambition من حوالي 6 شهور و كان عندي شويه تعليقات بسيطه كده علي العربيه بس مش ده المهم دلوقتي, انا مبسوط بالعربيه الحمد لله ولكن من كم شهر كده بقي في زي نتشه بسيطه قوي بحسها في النقل بين 1-2 في اول الطلعه لو دايس بنزين براحه (gradually stepping ) النتشه دي بدأت تزيد مع الوقت لحد مبقت ملحوظه قوي من شهر فروحت التوكيل واتخنقت معاهم وقلولي حيبتوها وتاني يوم لما روحت قلولي عملنا ريستت للسفوتوير بتاع الفتيس واتظبط. المهم معجنيش الكلام بس زهقت من الجدال وروحت استلم العربيه لقيت النتشه لسا باينه روحت راجع وجابلي فني ركب معايا العربيه وحس بيها بس قالي عشان العربيه بارده (الكلام ده كانت العربيه عامله 14,200كم) وفعلا النتشه قلت لما سخنت العربيه و قالي لو في حاجه تعالا في صيانه 15000 نشوفها.

انا قلت اسأل لو حد حس بنفس المشكله؟

شكرا و اسف اني طولت عليكم

الناس كانت بتشتكي من نفس النتشة ده في سيات ليون الجديدة و لما حطو 95 راحت, أنا عن نفسي دايما بحط 95.

جرب حط تفويلة بنزين 95 وحاول تاني, التفويلة هتعمل في حدود 300-350 جنيه حسب التانك. وياريت لو تكون لمبة البنزين منورة عشان تضمن نسبة بنزين 95 أكتر, وانا برضو أرجح إن حضرتك ترجع للكتالوج عشان على حد علمي إن ال a7 لازم بنزين 95.

[ahmed sa3ed]

النتشه طبيعيه او النقلات محسوسه
عندى كدا واول لما العربيه تسخن وظبطه رجلى على دواسه البنزين الفتيس بينقل من غير ما احس بيه

[Beeso]

فعلا الفتيس دا لما بتكون العربيه بارده بتبقى النقله من ١--٢ و ممكن كمان من ٢--٣ بتحس بيها و بتبقى ملحوظه لكن اول ما العربيه تاخد غيراتها كلها و زيت الفتيس يسخن بتختفي نهائي و دا طبيعي جدا و انا عندي كده و لاحظتها في اكتر من عربيه

الغريب ان التوكيل حس ان في حاجه غلط عشان النتشه دي كانت زادت اوي وبعد معملو ريست للسوفتوير قلت مع اتي مش مقتنع باللي حصل خالص, انا بس خايف انها تزيد تاني مع الوقت لانها بتظهر ساعات والعربيه سخته لو انا طالع من زحمه بالراحه انما لو بسرعه مبتتحسش

عندى صديق بيشتكى من نفس المشكلة و بلا حل حتى الان

طب ياريت تخليه يحكلنا عمل ايه

ديه مش مشكلة كبيرة ماتقلقش منها و فعلاً بتختفي لما العربية تسخن :)

سخن العربيه الصبح علي ال n

الناس كانت بتشتكي من نفس النتشة ده في سيات ليون الجديدة و لما حطو 95 راحت, أنا عن نفسي دايما بحط 95.

جرب حط تفويلة بنزين 95 وحاول تاني, التفويلة هتعمل في حدود 300-350 جنيه حسب التانك. وياريت لو تكون لمبة البنزين منورة عشان تضمن نسبة بنزين 95 أكتر, وانا برضو أرجح إن حضرتك ترجع للكتالوج عشان على حد علمي إن ال a7 لازم بنزين 95.

انا معتقدش ان ليها علاقه بالبنزين

النتشه طبيعيه او النقلات محسوسه
عندى كدا واول لما العربيه تسخن وظبطه رجلى على دواسه البنزين الفتيس بينقل من غير ما احس بيه

هي مبتبنش غير في الزحمه

[Beeso]

احلي حاجه ان في 1167 واحد شافو البوست و محدش بيرد :)

ياريت لو حد عنده نفس المشكله يحكي عنها شويه, انا رايح اعمل صيانه الاسبوع اللي جاي ان شاء الله لو حد رايح

[Beeso]

.................................................. ...................................
مخالفة للإعانات التجارية
م ع 9

معلش ممكن تشرحلي انهي فتيس بس الاول DSG wala لا

شكرا

[Waseem.Elbialy]

سﻻم عليكم
على فكرة انا برضو عربيتي a7 mpi 1.6 عاملة حوالي 4000 كم ونتشت معايا بالظبط 4 مرات من ساعة الاستﻻم بس انا بصراحة لما بتنتش بتبقى وهي بتنزل يعني من الرابع للتالت او التالت للتاني وناوي لما اروح اول صيانة اتخانق مع بتوع التوكيل لو اتكررت تاني
ياريت تبقى تطمنا بعد صيانة 15000 النتشة دي هتكون اختفت وﻻ ﻻ
ربنا يعديها على خير ان شاء الله