قبل شراء Octavia A5 2007

[Alsherbiny]

السلام عليكم ورحمة الله وبركاتة
بغض النظر عن السقطات الاملائية بس لازم نحط في الحسبان انها ممكن تكون صح و اليي بيكتب التقارير مش مهندسين ولا الفنين اليي كشفو عن العربية . هنعتبرة جالة بس مش معني كدة ان اليي كاتبة او اليي متقالة يكتبة يكون غير صحيح
مبدائيا الميكانيكي اليي حضرتك روحتلة مع احترامي لية كان ممكن يكشف هو علي كل حاجة و يبلغك و انا هقول لحضرتك اسعار الحاجة دي بالتقريب و المشاكل الملموسة فيها . و حضرتك ممكن تحكم
1 - المساعدين الامامي ( أصلي 1950 ) الماني في حدود 1200 الى 1300 و دة بتبقي العربية واطية من قدام و لما بتاخد مطب بتحك او تحسها مش محملة ومبتعملش صوت النزلة و الطالعة و بيبقي ليها صوت مميز
2 - البطاحات ( 375 ) و دي لما حضرتك بتاخد المطب بتحس بخبطة و بتبقي عالية عن مكانها
3 - جلب المقصات ( 275 ) و بتحس بصوت اسفل العربية ومع المطبات
4 - باقي الحاجات جلب الميزان و الاتياش بتحس بصفة عامة العربية مش مظبوطة عفشة و فيها اصوات غريبة
5 - الكبالن الداخلية و الخارجية الكاملة ( الناحيتين 12400 ) و استيراد في حدود 3500 و صيني في حدود 3000 (الكبالن الداخلية بتحس باهتزاز من سرعة 60 الى 80 ) الكبالن الخارجية بطقطقة في الملفات )
6 - التيل و الطنابير دة ممكن اي صبي ميكانيكي يقولك اذا كان محتاجين يتغيرو او لا
7 - كالون الباب الامامي حضرتك ممكن تلاحظ من فتح الباب هل يظهر علي شاشاة السيارة ان الباب مفتوح او لا ,. و هل النور بينور مع فتح الباب و دة غالبا استيراد في رينج 500 جنية
8 - مفتاح السنتر دة بكل سهولة تشوفة شغال ولا لا و بيبقي في رينج 200 جنية
9 - وحدة الزجاج الرئيسية ( في رينج 350 جنية ) و برضو بسهولة تعرف اذا كانت شغالة ولا لا
10 - الدينامو ممكن من الشحن او قياسة عند اي محل بتاع بطاريات يقدر يفيدك في موضوع الدينامو دة و بيبقي في رينج 600 استيراد
11 - وحدة بلوف الفتيس ممكن حضرتك تحس بنتشة او دبة مع الغيارات و ممكن برضو عن طريق الكمبيوتر تعرف حاجة زي كدة و دي بتبقي في حدود 6000 جنية استيراد
12 - حساس الشكمان بيبان عن طريق الجهاز و اذا العربية استهلاكها للبنزين عالي او قلة سحب السيارة
13 - عوامة البنزين ممكن حضرتك تشوف هل شغالة او لا و هل قرائة الموشر مثل قرائة الارقام الديجيتل في العداد
14 - ذراع الاشارات سهل جدا حضرتك تجربة و تشوفة هل بيعلق هل مبيشتغلش
15 - صيانة ال 120 دي صحيحة بما ان عربية حضرتك عاملة 125000
و تفضل احدي الاعضاء و قال لحضرتك الحاجة اليي بتتغير و لو كلها اصلي مش هتقل عن 5000 جنية ..
في الاول و الاخر لازم الحذر الحذر لان لو نص اليي كاتبينة دة صح انصحك تصرف نظر عن العربية عشان متتبهديلش و تكره العربية زي ما كتير اتخنقو
تحياتي لحضرتك
م . طارق العدوي

مليون شكرا يا باشا علي تعبك والتفاصيل دي اللي ممكن لا قدر الله ارجعلها فيوم من الايام

هي العربيه الحمدلله ولا فيها اي حاجه من الحاجات دي ... انا سوقتها وهي الحمدلله كله تمام وتم الشراء وربنا يبارك فيها :)

[mohamedsngo]

طمني حضرتك العربية اخبرها إيه معاك علشان انا نفس قصتك

[Alsherbiny]

طمني حضرتك العربية اخبرها إيه معاك علشان انا نفس قصتك

لا والله الحمدلله جميله, انا طبعا اخدتها عند الميكانيكي غيرت الاتي :

1- زيت وفلتر مكنه موبيل 3000 ب 130 والفلتر اصلي 180
2- زيت وفلتر فتيس - 4 لتر اللتر ب 100 جنيه هي العلبه الاصلي (اللي ريحته وحشه ) وفلتر فتيس ب 230 جنيه الاصلي.
3- طقم بوجيهات (انجليزي) مش عارف بقي بس السحب اتظبط ياعني كانت عامله 120 باين حاجه كده..
4- فلتر هواء وتكييف.
5- ظبط الكمبيوتر بقت بتوفر فالبنزين.
6- تربيط عفشه بس لسه محتاجه كوبلنين خلفي وامامي وجلب بس ماجلهم لبعد العيد..

بس في المجمل مكسب كبير الحمدلله وربنا يبارك