ايه الهارد إللى موجود تحت الكرسى إللى جنب كرســى الســواق فى الأوكتــافيا ؟

[farahat]

ياباشا الشرف لينا و فرصه سعيدة

بص ياسيدي الفاضل

اولا العربية مفيهاش ايموبيلايزر (ولاِABS ولا ايرباج)

ثانيا الECU بيتحكم كمان في حاجات تانية غير الموتور ( و ان كان تشغيلها متعلق بالموتور أحيانا) زي طلمبة البنزين بناء على اشارة ضغط الوقود للبخاخات, وزي التكييف بارد/سخن من تلقيط للكمبريسور و مروحتة و العدادات و ربما تحكم الاذرع في الأنوار و المساحات و الباور ستيرنج
بس طبعا نسبيا الكمبيوتر دة بيتحكم 90% في الموتور


ثالثا الكونترول بتاع الزجاج الكهرباء بوردة موجودة تحت زراير ال main بتاعه باب السواق

و بعدين حضرتك اللي قلت ان الكونترول يونيت (طالما راكب فوق الموتور) يبقى اكيد كبير نسبيا و فية هيت سنك مش انا اللي قلت, و دة اللي انا وريتهولك بالصور انة مش كدة

و كون الوحدة فوق مانيفولد السحب مايعنيش انة تبريد لأن المانيفولد في كل الاحوال سخن (درجه حرارتة اعلى من حرارة الجو المحيط) من الحرارة اللي طالعه علية من وشوش السلندر و من ال Engine Heads

بس في الاخر اختلاف وجهات النظر لا يفسد للود قضية

تحياتي

كلامك جميل جداً و اتفق معك إن الخلاف في وجهات النظر لا يفسد للود قضية ، بالعكس ده ظاهرة صحية و مفيد لكل الأطراف

وحدة الموتور اسمها Engine management system ، يعني نظام كامل لادرة المحرك مش مجرد وحدات منفصلة للتحكم في جزء معين ، يعني زمان في التمنينات و أوائل التسعينات كان فيه وحدة إشعال إلكتروني لوحدها (تتحكم في الموبينة و حساسات التوقيت و حساسات الحرارة أحياناً ) ، و وحدة حقن إلكتروني لوحدها (تحكم في طرمبة البنزين و الرشاشات و محبس البنزين الراجع و ساعة العومة و مؤشر البنزين ) و هكذا
من أول ما بقى فيه Engine management system أصبح الكلام ده كله وحدة واحدة ، و فيها كل ما يتعلق بالمحرك ، و اصطلح الناس على إن اسمها كمبيوتر العربيية لكن في الحقيقة هي كمبيوتر الموتور فقط ، بس كدة يعني احنا مش مختلفين ، لأن الوحدة إلي حضرتك مصورها دي هي EMS يعني كمبيوتر موتور و تتحكم في أي حاجة ليها علاقة بالموتور من قريب أو بعيد مش أكتر من كدة ، و ليس لها علاقة بأي حاجة أخرى مش متصلة بالموتور (يعني ولا نور ولا أبواب ولا مساحات ولا تكيف ولا أبس ولا ولا ولا ... )

بالنسبة للزجاج عند حضرتك لا أعتقد إن فيه وحدات رفع مع إغلاق العربية ولا نظام one-touch في العربية (إن الزجاج بلمسة وحدة يقفل لحد الأخر و يقف إذا واجه أي عوائق ) ، إذا كان كدة يبقى مفيش فيه ECU ، و لكن بوردة فقط لوضع المفاتيح عليها و هذا كل شيء .

أخر نقطة بالنسبة للحجم ، وحدة كمبيوتر الموتور مقاساتها بتكون في حدود من ١٢-٢٠ سم *١٢-20 سم ، أي أن الفرق بين الكبير و الصغير في المقاسات ليس كبير ، يعني مش واحد قد علبة الكبريت وواحد قد الدولاب ، و لكن موضوع الحجم ده نسبي ، يعني نقدر نحكم عليه لم نشوف أنواع كتير نقول ده كبير و ده صغير ،
ما كنت أقصده في هذه الحالة ، إن المقاس لم بيكون فيه هيت سنك بيزيد حوالي ٣ سنتيمترات ، عشان الريش الزائدة ، و ده قد يبدو كبيراً .
في حالة عربية حضرتك مفيش هيت سنك عشان كدة مش كبير قوي ، و ده رجع لأن درجة الحرارة في هذه المنطقة مش هتعدي الدرجة المسموح بيها ( حسب تقدير مصمم السيارة ) عشان فيه تبريد مستمر ناتج من تيار الهواء الشديد المار من أسفل الوحدة نتيجة وجودها أعلى مانفول السحب ، إلي دايماً بيسحب هواء بارد من الخارج

أخيراً تقبل تحياتي

[homme49]

انا لسه مروحتش اعمل الصيانه بس ان شاء الله هسأل و اقولكو بس نصيحه كل واحد ياخد باله من كلامه جوا العربيه لحسن يكون جهاز تجسس و اوعو حد يتكلم فى السياسه.

بمناسبة التجسس أرجو تنبيه الأعضاء فى المنتدى من إستخدام التليفونات اللاسلكية فى المنزل أو المكتب
إذ أن المحادثات التى تتم عن طريقها يمكن إلتقطها على موجات الإف إم أو الموجات القصيرة لكثير من الراديوهات الصينى المنتشرة بالأسواق و التى لا يتعد ثمنها الأربعون جنيها
و ذلك فى دائرة قطرها 100 متر

[Adham]

بمناسبة التجسس أرجو تنبيه الأعضاء فى المنتدى من إستخدام التليفونات اللاسلكية فى المنزل أو المكتب
إذ أن المحادثات التى تتم عن طريقها يمكن إلتقطها على موجات الإف إم أو الموجات القصيرة لكثير من الراديوهات الصينى المنتشرة بالأسواق و التى لا يتعد ثمنها الأربعون جنيها
و ذلك فى دائرة قطرها 100 متر

الكلام دة كان زمان ايام تليفونات باناسونيك اللي بتشتغل على 45 و 46 ميجا هيرتز

دلوقتي اقل تليفونات 900 ميجا هيرتز و بعدها ال 2.4 جيجا هيرتز و الجديد ال 5.8 جيجا هيرتز و دي ترددات عالية قوي و بعيدة تماماً عن موجات الراديو

[karimone]

فعلا الكلام ده صح الترددات دلوقتي بقت بعيده عن ترددات الراديو تماماً

[sharaf2]

ممكن يكون جهاز تسنط ههههههههههه

[Adham]

كلامك جميل جداً و اتفق معك إن الخلاف في وجهات النظر لا يفسد للود قضية ، بالعكس ده ظاهرة صحية و مفيد لكل الأطراف

وحدة الموتور اسمها Engine management system ، يعني نظام كامل لادرة المحرك مش مجرد وحدات منفصلة للتحكم في جزء معين ، يعني زمان في التمنينات و أوائل التسعينات كان فيه وحدة إشعال إلكتروني لوحدها (تتحكم في الموبينة و حساسات التوقيت و حساسات الحرارة أحياناً ) ، و وحدة حقن إلكتروني لوحدها (تحكم في طرمبة البنزين و الرشاشات و محبس البنزين الراجع و ساعة العومة و مؤشر البنزين ) و هكذا
من أول ما بقى فيه Engine management system أصبح الكلام ده كله وحدة واحدة ، و فيها كل ما يتعلق بالمحرك ، و اصطلح الناس على إن اسمها كمبيوتر العربيية لكن في الحقيقة هي كمبيوتر الموتور فقط ، بس كدة يعني احنا مش مختلفين ، لأن الوحدة إلي حضرتك مصورها دي هي EMS يعني كمبيوتر موتور و تتحكم في أي حاجة ليها علاقة بالموتور من قريب أو بعيد مش أكتر من كدة ، و ليس لها علاقة بأي حاجة أخرى مش متصلة بالموتور (يعني ولا نور ولا أبواب ولا مساحات ولا تكيف ولا أبس ولا ولا ولا ... )

بالنسبة للزجاج عند حضرتك لا أعتقد إن فيه وحدات رفع مع إغلاق العربية ولا نظام one-touch في العربية (إن الزجاج بلمسة وحدة يقفل لحد الأخر و يقف إذا واجه أي عوائق ) ، إذا كان كدة يبقى مفيش فيه ECU ، و لكن بوردة فقط لوضع المفاتيح عليها و هذا كل شيء .

أخر نقطة بالنسبة للحجم ، وحدة كمبيوتر الموتور مقاساتها بتكون في حدود من ١٢-٢٠ سم *١٢-20 سم ، أي أن الفرق بين الكبير و الصغير في المقاسات ليس كبير ، يعني مش واحد قد علبة الكبريت وواحد قد الدولاب ، و لكن موضوع الحجم ده نسبي ، يعني نقدر نحكم عليه لم نشوف أنواع كتير نقول ده كبير و ده صغير ،
ما كنت أقصده في هذه الحالة ، إن المقاس لم بيكون فيه هيت سنك بيزيد حوالي ٣ سنتيمترات ، عشان الريش الزائدة ، و ده قد يبدو كبيراً .
في حالة عربية حضرتك مفيش هيت سنك عشان كدة مش كبير قوي ، و ده رجع لأن درجة الحرارة في هذه المنطقة مش هتعدي الدرجة المسموح بيها ( حسب تقدير مصمم السيارة ) عشان فيه تبريد مستمر ناتج من تيار الهواء الشديد المار من أسفل الوحدة نتيجة وجودها أعلى مانفول السحب ، إلي دايماً بيسحب هواء بارد من الخارج

أخيراً تقبل تحياتي

اللي في العربية اسمه ECU مش EMS مكتوبة عالفيوز بتاعه اللي في علبة الكتاوتات

و العربية فيها والزجاج الأوتو اللي بينزل بضغطة واحدة لباب السواق

بس كون الكونترول يونيت فوق مانفولد السحب لا يعني مرور تيار هواء من تحتها لأن مافيش خلوص بينها و بين المنافولد و اساساً لا يوجد تيار هواء مار فوق منافولد السحب لأن سحب الهواء عن طريق بوكس الهواء اللي في اقصى اليمين (راجع الصورة)
العتقد ان الفكرة هي في وجود درجه حرارة ملائمة لتشغل اليونيت و تمنع وجود اي مياة عليها او اصابتها في حالة حوادث لا قدر الله
زي مثلا كونترول الشيروكي موجود اول الرفرف الشمال وراء الشبكة (مكان بوكس الهواء عندي تقريبا) و عرضة للتحطم في اي حوادث الشديدة

تحياتي

[google111]

بص ياباشا اللى عندك تحت الكرسى ده وحدة تحكم خاصة بنظام توصيل الموبايل بشاشة وسماعات العربية وزى ما الاخوة الافاضل شرحوا هنا كل حاجة فى العربية ليها وحدة تحكم خاصة بيها - مش لازم تكون نفس الشكل - زى المحرك وناقل الحركة الاوتوماتيك والباورستيرنج والايرباج والتكييف...... ودى بتتوزع فى اماكن كتير فى العربية طبعا بتختلف من عربية لعربية وطبعا انا بتكلم عن العربية بتاعتك Octavia A5 وعالعموم دى صورتين بتبين كلامى

[karimone]

شكرا للتوضيح