كل مــا تريــــد معرفته عن الأوكتـــافيــــا A4

[ramy771]

انا معايا اوكتافيا a4 منوال موديل 2007
وسمك صاج العربيه 8 مم
وعربيه بسم الله ما شاء الله
ثبات وعفشه تمام اكتر حاجه عجبانى فيها
والشنطه فيها واسعه جدااا
والحمد لله ثبات على الطريق

[spider6666]

الحمد لله يا جماعة انا لقيت حل للمشكلة بتاعتي
وحبيت اكون مفيد لكل الناس اللي مهتمة بموضوع المشكلة بتاعتي عشان الناس تستفيد من اللي حصل:
بعد معاناه طولية استمرت لمده لمده شهر او اكثر مع عدد لا حصر له من الميكانيكيين والورش..
توصلت الى ميكانيكي كان معايا شغال في شركة فولكس من حوالي 5 او 6 سنوات.وبصراحة الراجل ده طلع معلم
وقدر يكشف العيب في خلال 5 دقايق فقط
وطلع العيب في كابل اسمه "" حساس الكرنك" المسئول عن الكنترولر اللي في العربية
ثمن الكابل الصيني 350 جنيه
ثمن الكابل الالماني والغير اصلي 410
ثمن الكابل الالماني استيراد اصلي430
ثمن الكابل الالماني الاصلي 750 جنيه وغير متواجد في الاسواق
ارجوا ان اكون قد افدت المجموعة

[crazylambada]

متشكر جدا على الافادة
و احسن حاجة طبعالاستيراد

[ringoo84]

انا اقدر اقولك بعض الملاحظات عنها انا معايا a4 موديل 2009
1- المميزات
1- ثبات ممتاز علي السرعات المختلفه
2- عاليه عن الارض
3- فيها فرامل abs
4- فيها ايرباج واحد للسواق
5- فيها شاشة عرض كمبيوتر جميله جدا
6- سحب واستجابة العربيه ممتاز انا معايا مانيوال وفيها مثبت سرعه
7- شنطه كبيرة بشكل وهمي
8- عربيه الماني ذات اعتماديه عاليه واغلب مكونتها مكتوب عليها vw فولكس فاجن
9- كراسي مريحه جدا جدا
10- الباور بتاعها جميل لاخفيف ولا تقيل بس تقدر تقول انك تحس انه سلس التوجيه والحركه
11- جنوط 15 عاديه مش اسبورت مع كاوتش عريض
12- كاسيت العربيه سي دي ماركة سكودا
13- فيها مخدع في منتصف بين كرسي السائق والجنبه
14- لما كنت بفكر اغير عربيتي واشتري عربيه جديده ومقارنه بين السيارات الموجوده في السوق واسعارها وسعر الa4وجدت انها تكسب لاكتر من سبب انك بتشتري عربيه الماني ذات سمعه محترمه وان العربيات الموجوده في نفس الفئة السعريه صناعه كوري او ياباني تقفيل مصري
15- عربيتي السابقه كانت اسكودا فلشيا وكانت معايا من سنة 1997 كنت ساحبها زيرو من ارتوك اوتو اقدر اقولك اني مفتحتش الكبوت بتاع العربيه لمدة 9 سنوات الا عشان اغير الزيت وفلتر الزيت والبنزين الشكمان اتغير فيه العلبه الخلفيه بعد 9 سنوات كامله وانا مش بقارن بين العربيتين لانه شتان ما بينهم لكن بو ضحلك انها عربيات معمره انا بعت الفلشيا بعد 11 سنه استعمال وقبل ما بعها كانت محتاجه كبالن فقط لاغير وممكن مساعدين كمان للعلم انا كنت بستخدمها استخدام قاسي وبروح بيها مزرعتي وسط طرق مكسرة تقطم عفشة احسن عربيه وبالرغم من كده عفشة العربيه كانت ممتازه
16- بالسؤال عن اسعار قطع الغيار وجدت انها رخيصة بالمقارنة بالكوري والياباني تخيل
17- سعر اعادة البيع معقول جدا ومش هتخسر فيها
18- صاج العربيه تقيل وناشف ويتحمل اي خبطات ولا قدر الله لو حصل هتلاقي الف سمكري يشتغل فيها بدون ما يقولك غير رفرف ولا غيره
19- عربيه شكلها الخارجي بيعجبني اكتر من الa5 وان كانت مسئلة ازواق بس اقدر اقولك انها فخمه وبتديك برستيج
20- عفشه ممتازه ومتحسش باي مطبات


عيييوب العربيه
1- مكان ارجل الركاب الخلفي ضيق يعني لو واحد طويل قعد خلفك ممكن يحس انها ضيقه من وره وده طبعا بسبب وسع الشنطه المهول
2- مفيش اماكن تخزين كتيره تفي بطلباتك لدرجة اني مش عارف احط الموبايل فين
3- شكل التابلوه قديم
4- تقل في الغيار الثالث في عربيتي بس ممكن اقول عشان لسه جديده هيخف شويه بعد الاستعمال
5- مفيهاش غير ايرباج واحد
6- مفيهاش غير سماعتين من قدام
7- مفيهاش مكن رفع للزجاج
8- مفيهاش جهاز انذار
9- فرش واتر بروف مش جلد ومشابه للكان في الفلشيا
10- مفيهاش كونسول في نص العربيه
11- مفيهاش مخدع في منتصف الكنبه
دي اعتقد مش عيوب بس حجات نقدر نقول عنها مش موجوده لان في وجهة نظري ان العيوب هي العيوب الميكانيكيه او عيوب في الكهرباء او التقفيل او الثبات والعربيه الحمد الله مفيهاش اي عيب من ده
اتمني اكون افدتك وتحت امرك في اي سؤال

تسلم على الشرح البسيط ومن الاخر

[د./اليشع ثابت]

يا جماعة لو سمحتوا
عايزيين الموضوع دة يبقى مرجع كبير لكل حاجة عن ال A4
بحيث انة يبقى متكامل شامل كل تفاصيل العربية من مميزات و عيوب و مشاكل حتى لو صغيرة و كيفية معالجتها
لكن انا ملاحظ ان الاستاذ رامى بس هو الى متابع فقط لة كل الشكر و العرفان
وشكراااااااا للجميع

[oslo14]

3ndy so2aleen 3n el 3rbia
ana lessa shary a4 2006 auto
elmoftah mn 3er remot w sa7bha by2ol da elmofta7 el2sly
w kaman zorzr el merayat bayz
momkn meen ysala7o

ana shayf en el3rbia f3ln momtaza...

[lawyer2006]

معرفش حاجه عن موديل 2006 لكن موديل 2009 فيها ريموت والمفتاح بيطوي داخل الريموت فمجرد بتكون ماسك الريموت فقط والريموت عليه علامة اسكودا ولونه اسود وشكله رائع

[ramylanos]

موديل 2003 جاي معاها مفتحين بالريموت(مفتاح عادي) بس مش زي 2009 المفتاح الي بيطوي,

موضوع زرار المريات معرفش مين يصلحه بس ممكن تكون الفيشه بتاعته مفكوكه او مهزوزه علي ما اعتقد(ده تخمين)

[lawyer2006]

انخفض سعر الاوكتافيا 4 الي 123 الف كاملة مانيوال بمثبت السرعة ضمان الوكيل ارتوك اوتو وده خبر عرفته امبارح من احد الاصدقاء حجزها بنفسه

[karimone]

عقبال بقيت العربيات
ياريت يبقي ده اول الطريق
4000 معقولين بس احنا عايزين تخفيضات اكبر

[oslo14]

merci ramy
my key is the spare i think that
??tab law 3ayz remote 7arakb enzar wala eih
w law 7afok elzorar bnafsy ezay afoko???

[shahin]

howa a7na bna5od wara2et al dman we a7na bnestelem al3arabia walla zy ma alragl sa7b al ma3rad ally wenta bete3mel seyana

[lawyer2006]

لضمان بتستلمه بعد الترخيص بتروح المعرض تسلمهم صورة من الرخصة والضمان عبارة عن كتاب باسمك وفيه ملصق من شركة ارتوك اوتو عليه بيانات العربيه وفيه صفحات بمواعيد الصيانة والاجراءات

[lawyer2006]

نسيت اقولك انك بتستلمه من المعرض بعد مالمعرض بيبعت صورة الرخصة للتوكيل

[shahin]

shokran gedan ya lawyer2006
hal kda al ragl adhaly mn 3'er dman
bas al 3arabia maktob 3liha artoc mn wara....
ya3ny hal fi m3ard mabyodosh dman?shokran tany 3la ahtemamk