كل مــا تريــــد معرفته عن الأوكتـــافيــــا A4

[mga747]

سكودا a4
1999
1800 cc
200,000 km
فابريقة دواخل و رشه بره نظافة ما عدا السقف والشنطه

تعملها كام ؟؟؟

[mostafa3000]

السلام عليكم
انا معايا الاوكتافيا من 2003 زيرو مانيوال
وهي عاملة معايا 150000 كم وبصراحة ربنا يبارك لي فيها العربية زي الفل مافيهاش اي مشاكل
ممكن اكلمكو شوية الاول عن بعض الاحداث واقلوكو تعاملت معاها ازاي
1- شكل التابلوة فقير شوية مش مدلع يعني

عالجتة بتركيب طقم لزق ابانوس الماني خلاها مرسيدس من جوة

2- بعد ماتعدي ال 100 الف كم خد بالك لازم تبص علي جلب المقصات وبارات الدركسيون و علبة البيئة
3- العربية صاجها سمكة .70. مم جامد ونقوي
4- موتور 101 حصان سحبة ماشاء اللة
5- تكييف ثلاجة
6- القاعدة ورا فعلا ضيقة شوية
7- الكراسى حجمها كبير ودة اللى اكل مساحة الصالون وتم تعديلة في a5
8- لازم تعمل الصيانات الدورية كل عشرة الاف كم ممكن برة التوكيل بس مع حد متخصص
9- متحاولش تغيير زيت عند اى حد علشان مش اي حد بيعرف يفك المصفحة
لو اي حد عندة سؤال انا تحت امرة

[mga747]

اسعار الصيانات وقطع الغيار ؟

[AHMED_IVB]

ياريت فعلا اسعار الصيانا وقطع الغيار مع ذكر المركز وعداد الكيلو متر وقت الصيانة وبجد كده يبقى تمام جدا

[AHMED_IVB]

استاذ مصطفى ايه حكاية جلب المقصات وبارات الدركسيون و علبة البيئة دول وازاى اعرف اذا كانوا عايزين يتغيروا ولا لا والف شكر لمجهودك

[kramera]

يريت ياباشا تكلمنا عن التوكيل شوية..وشكرا

[TOOLA]

يا جماعة أنا متابع و مستمتع تقريبا انتو بتتكلوما عن كل حاجة عندى فى البورا, أجهزة الرفع البتشتغل و انتا لافف المفتاح, و زرار تظبيط المرايات و السخان الفيه, مشاكل البارات و جلب المقصات الظهرت عندى (بس ماشية 90,000 ك), مش حاسس بفرق غير فى موضوع زيت الفتيس تقريبا ب 600 ج بره و 1700 جنيه فى التوكيل كل 60,000 ك, بس لسه عاوز اتأكد من المعلومة.
و عندى تهنيج فى السنتر مع القفل و الفتح فى أبواب تفتح و ابواب لأو خصوصا فى الفتح وواحد فتى قلى ده عيب شائع فى البورا هوا مش مجننى فى الوقت الحالى بس كنت أحب اعرف العيب من ايه, و عموما موضوع جامد جدا على فكرة و مفيد

[HISHAM80]

انا اقدر اقولك بعض الملاحظات عنها انا معايا a4 موديل 2009
1- المميزات
1- ثبات ممتاز علي السرعات المختلفه
2- عاليه عن الارض
3- فيها فرامل abs
4- فيها ايرباج واحد للسواق
5- فيها شاشة عرض كمبيوتر جميله جدا
6- سحب واستجابة العربيه ممتاز انا معايا مانيوال وفيها مثبت سرعه
7- شنطه كبيرة بشكل وهمي
8- عربيه الماني ذات اعتماديه عاليه واغلب مكونتها مكتوب عليها vw فولكس فاجن
9- كراسي مريحه جدا جدا
10- الباور بتاعها جميل لاخفيف ولا تقيل بس تقدر تقول انك تحس انه سلس التوجيه والحركه
11- جنوط 15 عاديه مش اسبورت مع كاوتش عريض
12- كاسيت العربيه سي دي ماركة سكودا
13- فيها مخدع في منتصف بين كرسي السائق والجنبه
14- لما كنت بفكر اغير عربيتي واشتري عربيه جديده ومقارنه بين السيارات الموجوده في السوق واسعارها وسعر الa4وجدت انها تكسب لاكتر من سبب انك بتشتري عربيه الماني ذات سمعه محترمه وان العربيات الموجوده في نفس الفئة السعريه صناعه كوري او ياباني تقفيل مصري
15- عربيتي السابقه كانت اسكودا فلشيا وكانت معايا من سنة 1997 كنت ساحبها زيرو من ارتوك اوتو اقدر اقولك اني مفتحتش الكبوت بتاع العربيه لمدة 9 سنوات الا عشان اغير الزيت وفلتر الزيت والبنزين الشكمان اتغير فيه العلبه الخلفيه بعد 9 سنوات كامله وانا مش بقارن بين العربيتين لانه شتان ما بينهم لكن بو ضحلك انها عربيات معمره انا بعت الفلشيا بعد 11 سنه استعمال وقبل ما بعها كانت محتاجه كبالن فقط لاغير وممكن مساعدين كمان للعلم انا كنت بستخدمها استخدام قاسي وبروح بيها مزرعتي وسط طرق مكسرة تقطم عفشة احسن عربيه وبالرغم من كده عفشة العربيه كانت ممتازه
16- بالسؤال عن اسعار قطع الغيار وجدت انها رخيصة بالمقارنة بالكوري والياباني تخيل
17- سعر اعادة البيع معقول جدا ومش هتخسر فيها
18- صاج العربيه تقيل وناشف ويتحمل اي خبطات ولا قدر الله لو حصل هتلاقي الف سمكري يشتغل فيها بدون ما يقولك غير رفرف ولا غيره
19- عربيه شكلها الخارجي بيعجبني اكتر من الa5 وان كانت مسئلة ازواق بس اقدر اقولك انها فخمه وبتديك برستيج
20- عفشه ممتازه ومتحسش باي مطبات


عيييوب العربيه
1- مكان ارجل الركاب الخلفي ضيق يعني لو واحد طويل قعد خلفك ممكن يحس انها ضيقه من وره وده طبعا بسبب وسع الشنطه المهول
2- مفيش اماكن تخزين كتيره تفي بطلباتك لدرجة اني مش عارف احط الموبايل فين
3- شكل التابلوه قديم
4- تقل في الغيار الثالث في عربيتي بس ممكن اقول عشان لسه جديده هيخف شويه بعد الاستعمال
5- مفيهاش غير ايرباج واحد
6- مفيهاش غير سماعتين من قدام
7- مفيهاش مكن رفع للزجاج
8- مفيهاش جهاز انذار
9- فرش واتر بروف مش جلد ومشابه للكان في الفلشيا
10- مفيهاش كونسول في نص العربيه
11- مفيهاش مخدع في منتصف الكنبه
دي اعتقد مش عيوب بس حجات نقدر نقول عنها مش موجوده لان في وجهة نظري ان العيوب هي العيوب الميكانيكيه او عيوب في الكهرباء او التقفيل او الثبات والعربيه الحمد الله مفيهاش اي عيب من ده
اتمني اكون افدتك وتحت امرك في اي سؤال

Thanks for the report

[mando_07]

السلام عليكم
انا معايا الاوكتافيا من 2003 زيرو مانيوال
وهي عاملة معايا 150000 كم وبصراحة ربنا يبارك لي فيها العربية زي الفل مافيهاش اي مشاكل
ممكن اكلمكو شوية الاول عن بعض الاحداث واقلوكو تعاملت معاها ازاي
1- شكل التابلوة فقير شوية مش مدلع يعني

عالجتة بتركيب طقم لزق ابانوس الماني خلاها مرسيدس من جوة

2- بعد ماتعدي ال 100 الف كم خد بالك لازم تبص علي جلب المقصات وبارات الدركسيون و علبة البيئة
3- العربية صاجها سمكة .70. مم جامد ونقوي
4- موتور 101 حصان سحبة ماشاء اللة
5- تكييف ثلاجة
6- القاعدة ورا فعلا ضيقة شوية
7- الكراسى حجمها كبير ودة اللى اكل مساحة الصالون وتم تعديلة في a5
8- لازم تعمل الصيانات الدورية كل عشرة الاف كم ممكن برة التوكيل بس مع حد متخصص
9- متحاولش تغيير زيت عند اى حد علشان مش اي حد بيعرف يفك المصفحة
لو اي حد عندة سؤال انا تحت امرة

طب ممكن يا باشا تصورلنا شكل التابلوه بعد الابانوس
ومعلش استفسار تاني هو الكاسيت الأصلي بتاع عربيتك tape ولا cd
وربنا يباركلك في عربيتك يا باشا

[am79]

عالجتة بتركيب طقم لزق ابانوس الماني خلاها مرسيدس من جوة

الشكل؟
السعر ؟
الاسم التجاري بتاعه؟

[fadynabil]

موضوع مفيد جداً جداً .. متابع

[saintman]

انا معايا a4 وارد الخارج موديل 1999 وعندى مشكلة عاوز اعرف حلها- لما اكون ماشى واهدى وادوس دبرياج عشان انقل الاقى صوت العربية ارتفع وال rpm رفع فوق الواحد ويفضل كده وما ينزلش الا اذا دست بنزين جامد وانا فاصل دبرياج يعنى مش واخد نقلة ارجو الافادة

[abdo seddik]

معلش ياجماعه كنت عاوز اعرف
افضل موديل يتجاب من الاوكتافيا a4
واجيب اوتو ولا مانيوال
ياررريييت الافاده عشان محتاااار

[Honda_lover]

معلش ياجماعه كنت عاوز اعرف
افضل موديل يتجاب من الاوكتافيا a4
واجيب اوتو ولا مانيوال
ياررريييت الافاده عشان محتاااار

مش هتفرق كتير الموديلات تقريبا واحد مع بعض التغييرات الطفيفة والغير ملحوظة اهم شئ الحالة الجيدة عشان تستمتع بيها

[engherc]

بص خلاصة الكلام ، العربية ديه جبتها زيرو ٢٠٠٥ اعدت معايا ل ٢٠٠٩ عملت بيها ٢١٠ الف كيلو ، و لحد ما بيعتها معملتش معايا ولا دات نقص الراجل اللي اشتراها مني لسة معاه و كل شوية يكلمني يشكر فيها ، من الاخر من أحلى العربيات اللي امتلكتها