هو ده الثبات

[KHALED AYMAN]

ازيكو يا سكوداويه ؟؟
يا رب تكونو بخير ....
طووووووول عمرى بثق فى ثبات الاوكتافيا ...
و بثق فى ثبات الالمانى عموما !!
بس عمرى ما اتحطيت فى موقف يخلينى اقول العربيه هتعوم منى و هموت !!!
الموقف ده حصل امبارح و انا راجع من التوكيل !!
و بجد بجد
مكنتش متوقع ان العربيه هتعدى بسلام من غير ما تعوم و تخمس و البس فى الحيطه او اتقلب و اطلع شرايح جبنه رومى او كفته !!!
الى حصل انى كنت على طريق دفره كفر الزيات (للى ميعرفوش ..طريق 3 حارات و مفيش اى تقاطعات او ملفات او ناس بتعدى و منور من اوله لاخره وال 3 حارات ماشيين و اسفلته اكتر من رائع و كنت بعتبر الطريق ده حلبه سباق )....
المهم
انا كنت قايلكو انى هحاول اشوف الA5 هتعدى 190 ولا لا !!
و جربت امبارح
كنت ماشى 190
فى الحاره الى فى النص
ادامى بيجو 504
و كنت ناوى اعديه من الشمال
لقيت واحد جامد بتاع فولفو بيعدينى اعتقد انه كان معدى ال 210
فقولت اعدى البيجو من اليمين لان مفيش فرصه افرمل
خدت يمينى
و قلبت نور و كلاكسات للبيجو
بس واضح ان الاخ اطرش و اعمى
خد يمينه هو كمان و ابقى ادامى
و المسافه بينى و بينه قريبه جداااااااااااااااا اكتر مما تتخيلو
فى اللحظه دى انا قولت هى دى نهايتك يا خالد و هتموت انت واخوك الكبير (كان نايم جنبى )...و العربيه هتتكسر و متخيلتش انى لما احود و اروح شمال العربيه هتستجيب ليا و متخيلتش انى هلحق اساسا
بس لقيت نفسى بدون تفكير فرملت فرمله خفيفه علشان لما احود متعومش
و قمت كااااااااااسر شمال و رايح على السور (كل ده و انا حوالى 180)...
اقسم بالله العظيم انا كنت ببص على البيجو علشان اشوف اخبطه منين !!!
بس فلت منه
و صوت العجل والله العظيم بيصرخ على الارض بالظبط اكنى بخمس فى توب جير
و قمت طبعا عااااااااادل نفسى بسرعه علشان ابعد عن السور و العجل بيصرخ تاااااااانى


و فلت و انا مش عارف ازاى
طبعا اخويه اترزع فى الباب و راسه فى الازاز بتاع الباب
و صحى مفزوع
من الصوت
و الرجه
و بعدها انا فضلت ساااااااااااكت و مش عارف ايه الى بيحصل
تخيلو واحد شاف الموت بعينه
و بعدها مشيت بالراحه لحد بوابه التذاكر و اخويه قالى اركن يا **** و سمعت كلامه و ركنت (فرحت)...



انا استفدت من الى حصل ده بحاجتين :
1-مأجلش صلاتى لانى كنت هموت على غفله
2-ممشيش بالسرعات دى تانى
3-مركبش غير المانى لانها بصراحه لو كورى او يابانى مكانها كان هيبقى يا السور يا البيجو يا على سقفها ...
نصيحه لكل عضو ...
يفضل تركب المانى
و يفضل لو ركبت اى حاجه متمشيش بسرعه خااااااالص
الحمد لله ربنا ستر..
و عمر الشقى بقى
على فكره لو كان حصلى حاجه مكنتش هعرف اقولكو اسعار الاكسسوارات ولا اقولكو على تقييم الصيانه

[KHALED AYMAN]

معلومه كمان علشان مدش يحاول يجرى بالعربيه دى
مش بتعدى 190 خااااااااااااااااااااااااااااااالص
معرفش ليه و مش عايز اعرف

[momomania22]

انا حاسس اني بتفرج على فيلم اكشن......
حرام عليك وقعت قلبي.....
احمد ربنا على سلامتك وصاي ركعتين شكر لله ،، والله يرضى عليك بلاش السرعات الخيالية دي ،، وربنا يحفظك من كل شر....
اخر حاجة وبقولها لنفسي وليك ولكل الاعضاء الكرام " أقم صلاتك تنعم بحياتك "ط والف حمدالله على سلامتك مرة تانية....

[KHALED AYMAN]

الله يسلمك و الله انا مش مصدق انى هنا و لسه بتكلم معاكو !!!
و خلاص الواحد هيبطل الجرى الغبى ده !!!

[Fadi Ezzat]

الحمد للة انها عدت على خير
زطبعا بلاش السرعات دى انت فهمنى طبعا السرعات دى
يالا بقى الحمد للة

[KHALED AYMAN]

ربنا يخليك ليا يا فادى
طبعا
خلاص مفيش السرعات دى تانى ..
السرعات و الجرى و الغرز هتبقى فى مكان واحد بس ...
NFS under cover & NFS ost wanted

[ahmed_mabrook]

الف حمدالله على سلامتك يا خالد الحمد الله ويارب كلنا نحافظ على الصلاة فى اوقتها.
على فكرة الامان فى Skoda من اعلى الموجود فى السيارات وده من ضمن الاسباب الى ربنا هدانى ليها الحمد الله

[KHALED AYMAN]

ربنا يخليك يا احمد
فعلا الواحد مفروض ميركبش غير المانى ..على الاقل فى مصر ..
العربيه الاوكتافيا دى علت فى نظرى جدا اكتر ما كانت !!!


اه صحيح
انا كنت قلتلكو انى بفكر فى النترا
مع احترامى الكاااااااااااااااامل ليها
بس انا شلتها من دمااااااغى خااااااااالص و لو والدى و اخويه مصممين عليها انا هخاف اركبها و هبقى استلف عربيه حد من الاعضاء هههههههههههههههه

[M.Mostafa80]

خضتنى عليك ياراجل حمد الله على سلامتك
شفت بقى ربنا و
ومن بعده ايد فولكس الى أتمدت فى العربيه وخليتها من أمن العربيات عشان تعرف قيمه فولكس بس بس طبعا فى الأول والأخر ربنا كتبلك عمر جديد أمال أنا كنت هغيظ فى مين ياراجل

[Fadi Ezzat]

خضتنى عليك ياراجل حمد الله على سلامتك
شفت بقى ربنا و
ومن بعده ايد فولكس الى أتمدت فى العربيه وخليتها من أمن العربيات عشان تعرف قيمه فولكس بس بس طبعا فى الأول والأخر ربنا كتبلك عمر جديد أمال أنا كنت هغيظ فى مين ياراجل

اة طبعا لولا فولكس لكانت اسكودا دى فى الضايع مانادرش ننكر فضل فولكس على اسكودا
لكن حكاية خالد دى
اول حاجة كانت نقظاة
(ربنا)

[M.Mostafa80]

وهو أنا قلت حاجه غير كده يأستاذ فادى

[KHALED AYMAN]

خضتنى عليك ياراجل حمد الله على سلامتك
شفت بقى ربنا و
ومن بعده ايد فولكس الى أتمدت فى العربيه وخليتها من أمن العربيات عشان تعرف قيمه فولكس بس بس طبعا فى الأول والأخر ربنا كتبلك عمر جديد أمال أنا كنت هغيظ فى مين ياراجل

ههههههههههههههه
انا كنت هموت و انت تقولى فولكس ؟؟
ههههههههه
الحمد لله ربنا ستر
ده و انا فى عز الموقف و مرعوب كنت بقول يا ترى مين هيرخم عليك غيرى ؟؟

اة طبعا لولا فولكس لكانت اسكودا دى فى الضايع مانادرش ننكر فضل فولكس على اسكودا
لكن حكاية خالد دى
اول حاجة كانت نقظاة
(ربنا)

عندك حق يا فادى ..سكودا زمان والدى بيقولى كانت تعبانه اوى و كانت حاجه تفضح و اساسا هو مكنش متخيل انه فى يوم هيشترى سكودا !!
بس طبعا الوضع اتغير
و الحمد لله على كل شىء

وهو أنا قلت حاجه غير كده يأستاذ فادى

بقولك ايه
ملكش دعوه بفادى
الراجل ده تبعى
ههههههههههه

[mahamedaraby]

حمد لله على السلامه

وبلاش السرعات العاليه دى تانى الطريق ملهوش كبير ولا يعرف المانى ولا يابانى

[sarhan_game]

حمدالله على سلامتك الحمد لله و أنك رجعت بيتك سليم أنا أمنيت حياتى أبطل جرى فمشحقدر أنصحك و أقولك متجريش D:

[KHALED AYMAN]

انا كانت امنيه حياتى برده انى ابطل
بس بصراحه بعد الموقف ده انا مش متخيل انى همشى بسرعه تانى ...
اسأل مجرب
بلاش جرى
لما يحصلك موقف لا قدر الله
مهما كانت خبرتك فى السواقه ممكن متعديش ...
انا مثلا كل الى عملته ده مكنتش بفكر غير انى هموت و هكسر العربيه و هموت اخويا !!!!
مكنتش بفكر فى الى بعمله !!!
بلاش جرى احسن ..