جين2 او سكودا رومستر ؟

[Said Elmasry]

المقارنة بين بروتون جين 2 مانيوال و سكودا رومستر مانيوال استايل اللى ب 87 ألف
يهمنى فى المقارنة بشكل كبير
الثبات على السرعات العالية
الارتفاع عن الأرض (عشان مطبات المحروسة اللى عايزة الواحد يكون سايق لودر )
سحب جامد وسرعة جيدة
نظم الأمان العالية
المقارنة فى الكماليات
الاتساع بالنسبة ل 5 أفراد
إتساع الشنطة
سعر اعادة البيع
التوكيل
توافر قطع الغيار
الصيانة والتصليح خارج التوكيل ( يعنى لو عطلت منى اى حد بيفهم فى ميكانيكيتها ولا لأ عشان الفورد كا معايا مش اى حد بيفهم فيها )
تكون معمرة وتستحمل الخدمة الشاقة
كفاءة التكييف مع التحميل فى الحر
كفاية كده عشان طولت قوى
مستنى رأيكم
م/ سعيد المصرى

[semihuman]

بص هقولك علي كلمتين و بس
الرومستر احسن بكتير من وجهه نظري بس انساها لانها هتغلي عن 87 الف بيقولو هترجع تبقي 109

[M.Mostafa80]

انا للأسف مابشفهاش فى الشوارع أساسا دا بالنسبه للروماستر الجين تو زى الرز بس بسمع عنها مشاكل مش لذيذه غير ان توكيلها عز العرب وبسمع انو مش كويس فى التعامل
مشكله الروماستر ما نتشرتش ودا مستقبلا ممكن يبقى مشكله

[beihoo]

مقارنة غريبة شوية

المقارنة هنا بين عربيتين من فئتين مختلفتين و لكن تقريبا في نفس الفئة السعرية
العربية الأولي: رومستر
من إنتاج سكودا و بمكونات معظمها من فولكس فاجن (المالك لمجموعة سكودا) يعني ممكن تقول عربية تشيكية بنكهة ألمانية.
عربية عائلية واسعة و أمان (5 نجوم في إختبارات ncap ) و ثبات مميز جدا بسبب قاعدة العجلات الكبيرة و أنظمة الأمان

http://www.euroncap.com/tests/skoda/roomster.aspx

شنطة واسعة 450 لتر (كبيرة)
موتور 1600 بقوة 105 حصان و عزم 153 عند 3800 لفة و يحقق تسارع من 0-100 في 10.9 ثانية.
استهلاك الوقود 7 لتر لكل 100 كم.
الارتفاع عن الأرض (الخلوص) 140 مم

و ده لينك للمواصفات كاملة

http://www.nilemotors.net/Nile/showthread.php?t=80655

و ده فيديو ظريف عن العربية

http://www.youtube.com/watch?v=ECJdpwRn2EU&feature=related

بالنسبة لقطع الغيار فللأسف معرفش أخبارها إيه لكن لو زي الفابيا تبقى كويسة
و بالنسبة لسعر إعادة البيع فأعتقد إنها حاليا مش هايبقى باين أوي لأن العربية لسة معملتش إنتشار لكن العربية إعتمادية و بإمكانيات مميزة و بكواليتي ممتازة

العربية التانية:جين 2
عربية شبابية بتصميم مميز و نكهة رياضية السيارة إنتاج ماليزي
العربية مش عائلية -إلا لو عائلة صغيرة- لأن صالونها ضيق بعض الشيء و خاصة بالمقارنة مع الرومستر
العربية ثباتها عالي -بشهادة اللي ساقوها- و تسارعها جيد جدا لكن من ناحية الأمان فليس معروفا تقييمها عىل ncap

ده لينك لمواصفات العربية

http://www.nilemotors.net/Nile/showthread.php?t=44556

و ده لينك للميزات و العربية و عيوبها

http://www.nilemotors.net/Nile/showthread.php?t=10722

إختصارا:
الرومستر عائلية - واسعة - موتور قوي - إعتمادية - أمنة
الجين 2 شبابية - أقل إتساعا موتور قوي 110 حصان - يشوبها بعض العيوب الخاصة بالتقفيل - أقل أمنا (مقارنة بالرومستر)

لو إتجاهك عائلي فالرومستر إختيارك الأول
لو إتجاهك شبابي و من محبي البروتون فجين 2 صفقة جيدة

[Said Elmasry]

أعتقد فى كل المواصفات أن الروماستر أفضل
شكرا لكل من أهتم بالرد وأضاف معلومات جديدة
بس ياريت تفضل على سعرها 87 ألف شوية او حتى تنزل شوية
:)

[hani945]

ياريت أى واحد يتأكد من السعر ده
لإنه إحتمال يكون العرض بتاعه خلص والسعر القديم رجع تانى

[beihoo]

ياريت أى واحد يتأكد من السعر ده
لإنه إحتمال يكون العرض بتاعه خلص والسعر القديم رجع تانى

السعر زي ما هو لكن العربية خلصت من عند الوكيل .. النهاردة كنت في توكيل المقطم و أخر عربية خارجة قدامي

بيقولوا هاتنزل تاني بعد 4 شهور لكن السعر إحتمال كبير يتغير .. طبعا هايتغيير عشان هايعملوا حساب الجمارك

لو عاوز العربية ممكن تلاقيها في المعارض و لو ملقتهاش يبقى ممكن بقى -لو متمسك بيها- تستنى 6 شهور تاخدها بعد تخفيض الجمارك.

[Ahmed15]

الارتفاع عن الأرض
كلاهما مناسبة للمحروسة
سحب جامد وسرعة جيدة
الإثنين و أرجح الجين أفضل
نظم الأمان العالية
رومستر أفضل و جين معقولة
المقارنة فى الكماليات
حسب فئة الرومستر. الجين بها parking sensor
الاتساع بالنسبة ل 5 أفراد
الرمستر تتفوق ، كنبة الجين الخلفية ضيقة مثل الكورسا السيدان
إتساع الشنطة
الجين معقولة و أعتقد الرمستر أفضل
سعر اعادة البيع
كلاهما يخسر في هذه النقطة و لكن اعتقد الجين ستكون أفضل
التوكيل
أرتوك مقبول و عز العرب لا أعرف و تحتاج الاستفسار جيدا
توافر قطع الغيار
كلاهما غير منتشر و الجين انتشارها أفضل
الصيانة والتصليح خارج التوكيل
الجين سهلة و الرومستر لا أعلم
تكون معمرة وتستحمل الخدمة الشاقة
الجين تتحمل و الرمستر لست متأكد و أعتقد ستكون أفضل
كفاءة التكييف مع التحميل فى الحر
لا أعلم

[zezo13178]

الرومستر افضل لكن في اعادة البيع صعبه شويه لانها مش منتشره