لو هاتحجز عربيتك مع الوكيل...

[hdabawy]

السلام عليكم ورحمة الله
الاخوة الافاضل
عايز اعرف كل شئ عن الفابيا مينى 1400 موديل 2009
مميزاتها - عيوبها - كمالياتها - سعرها
انا قرأت حاجات كتير هنا فى المنتدى بس مش عارف الكماليات اللى بتتكلموا عنها دى فيها هى
ولا فى الـ 1600 بس
ياريت حد يفيدنى فى الموضوع ده لأنى فعلا محتاج عربية
وبقارن بينها وبين الأكسنت 2010 بس الأكسنت ناقصها كماليات كتير وخصوصا الـ abs وده مهم جدا
فياريت حد يقوللى كمالياتها بالضبط
وشكرا لأعضاء المنتدى الجميل ده

[beihoo]

و عليكم السلام و رحمة الله و بركاته

السلام عليكم ورحمة الله
الاخوة الافاضل
عايز اعرف كل شئ عن الفابيا مينى 1400 موديل 2009
مميزاتها - عيوبها - كمالياتها - سعرها
انا قرأت حاجات كتير هنا فى المنتدى بس مش عارف الكماليات اللى بتتكلموا عنها دى فيها هى
ولا فى الـ 1600 بس
ياريت حد يفيدنى فى الموضوع ده لأنى فعلا محتاج عربية
وبقارن بينها وبين الأكسنت 2010 بس الأكسنت ناقصها كماليات كتير وخصوصا الـ abs وده مهم جدا
فياريت حد يقوللى كمالياتها بالضبط
وشكرا لأعضاء المنتدى الجميل ده

دي مواصفات الفابيا 1400:
- موتور 1400 سي سي بقوة 86 حصان و عزم 132 نيوتن عند 3800 RPM
- التسارع من 1-100 في 12.3 ثانية.
- حجم صندوق الأمتعة 300 لتر و بطي المقاعد الخلفية 1163 لتر.
- الفرامل الأمامية ديسكات بمبرد داخلي.
- الفرامل الخلفية أسطوانات.
- نظام ABS + MSR + Dual Rate
- سعة تانك البنزين 45 لتر.
- إستهلاك البنزبن 6.5 لتر لكل 100 كيلو متر.

- تكييف كليماتك يدوي بفلتر.
- جنوط 14 عادية.
- باور ستيرنج كهربائي.
- رفع و خفض الزجاج كهربائيا وباليموت و نظام حماية للأطفال.
- مصابيح عادية مقاومة للكسر بدون بعدسات.
- كومبيوتر متعدد الوظائف للرحلات.
- ضبط عجلة القيادة في أربع إتجاهات (العمق و الإرتفاع).
- درج تابلوه بخاصية تبريد المشروبات و الأطعمة.
- مسند يد يمكن ضبط إرتفاعه.
- ضبط إرتفاع الكراسي الأمامية.
- حامل نظارة.
- راديو دانس 2DIN + MP3 + Audio Socket.
- المقاعد الخلفية قابل للطي.
- سنترلوك مع نظام أمان و مفتاح قابل للطي.
- 2 إيرباج و الإيرباج الخاصة بالراكب ممكن تعطيلها/تشغيلها.
- فوانيس شبورة أمامية.
- تصفيح أسفل الموتور و الجيربوكس.
- غلق مصدر الوقود عند التصادم (لا قدر الله).
- مؤشر بالتابلوه عند فتح الأبواب.
- مصابيح للقراءة و ماسك لليد.
- زجاج ملون.

[beihoo]

تكملة...

انا معرفش الاكسنت الجديدة أخبارها إيه .. الفابيا عربية ألماني تقفيل تشيكي .. لو فتحت الكابوت هتلاقي علامة فولكس على الموتور و الجير بوكس و قطع تانية كتير .. برضه هتلاقي علامة أودي على بعض قطع الغيار.

أعتقد أيضا إن توكيل سكودا أفضل من توكيل غبور ..

مش عارف قطع غيار الاكسنت أخبارها إيه لكن قطع الغيار للفابيا أسعارها زي العادي بتاع الفئة دي:

* تيل فرامل أمامي 370
- تيل فرامل خلفي 422
* بوجيهات 40
* فلتر هواء 115
* فلتر زيت 47
* فلتر تكييف 95
- فانوس الامامي 500
- فانوس خلفي 320
- طنبورة عجل أمامي 295
- مساعد أمامي 561
- مساعد خلفي 315
- مراية كهرباء 323
- إكصدام أمامي 812
- إكصدام خلفي 850
- زجاج أمامي 655
- رادياتير 570
- طلمبة مية 451
* سير الكاتينة 111
(منقول من أحد الأخوة في المنتدى)
الحاجات اللي جنبها (*) دي اللي إستهلاكها متكرر و باقي الحاجات سعرها عادي و تغييرها بيبقى في حالة الحوادث لا قدر الله.

سكودا بتدي ضمان:
سنتين على العربية بدون حد أقصى على الكيلومترات
سنتين على قطع الغيار
3 سنوات على عيوب الدهان
12 سنة حماية ضد الصدأ.

عموما هتلاقي المواصفات الكاملة لعربيات سكودا 2009 هتلاقيلها رابط في التوقيع تحت.

[hdabawy]

انا متشكر جدا لردك الوافى عليا
وان شاء الله تستلم عربيتك على خير
وربنا يباركلك فيها بإذن الله

[beihoo]

انا متشكر جدا لردك الوافى عليا
وان شاء الله تستلم عربيتك على خير
وربنا يباركلك فيها بإذن الله

الله يبارك فيك و سعدت بمشاركتك