اى حد عندى استفسار عن skoda انا موجود !

[amtr]

ارجو الإفادة

ما هو العمر الإفتراضى لسير التقسيمة للأوكتافيا a4 .... ؟؟؟؟؟؟؟؟؟؟ظ

[MASERATI]

السلام عليكم و رحمة الله و بركاته

أنا بصراحة عندى استفسار عن السكودا فانتازيا و كنت عاوز أعرف اجابته من زمان و سألت قبل كده على عجالة هنا فى المنتدى , بس ماطلعتش بحاجة نافعة .

أنا بصراحة , حبيت أنى أستفيد من تجمع خبراء السكودا أوكتافيا و الفانتازيا هنا و أستفسر عن الفانتازيا اللى من غير مساحة على الازاز اللى ورا .

لأنى من المعجبين جدا بالسكودا أوكتافيا a5 و الفانتازيا و الحاجة اللى ماكنتش عجبانى فى الفانتازيا هى المساحة اللى ورا على الازاز دى , لأنها بتخلينى حاسس أنها عربية هاتشباك مش سيدان و كمان لأن باب الشنطة مش طويل و جود المساحة دى مخلى شكلها مش أد كده, المهم و أنا ماشى مرة فى المنصورة عندنا, لقيت فانتازيا لونها أسود واقفة فى شارع جانبى لشارع الجمهورية ( البحر ) و من غير مساحة ورا عالازاز و وقتها شكيت أنها ممكن تكون مكسورة أو صاحبها شايلها و لا حاجة, بس لما بصيت كويس, لقيت مفيش أثر للمساحة و أن العربية نازلة كده و بصراحة انبسطت أوى و لما مشيت بعد كده, لقيت واحدة تانية واقفة أودام نادى جزيرة الورد لونها أحمر فاقع كده و برضه من غير المساحة اللى ورا, خلوا بالكم, أنا كل ده بتكلم على الفانتازيا اللى هى الFacelift , المهم بعد كده , كل الفانتازيا اللى بشوفهم فى الشارع بيبقوا ليهم مساحة ورا , أنا عاوز أعرف ايه الفرق بين الاتنين , يعنى اللى بمساحة دى اسمها ايه و موديلها ايه و مواصفاتها و اللى من غير مساحة دى تبقى ايه؟؟؟؟؟, و هل الفانتازيا بينزل منها بمساحة و من غير مساحة , أنا عارف أن السؤال ده رذل و بسيط و ساذج أوى , بس بصراحة موضوع المساحة اللى ورا ده يفرق معايا كتير أوى -رغم أنى عارف أنها مفيدة جدا و كتير من الأخوة الأعضاء الأفاضل بيحبوا شكلها جدا, لكن دى مسألة أذواق- لدرجة أنى لما ببقى ماشى فى الشارع و أشوف سكودا فانتازيا , أول حاجة ببص عليها, بيبقى الازاز اللى ورا عشان أشوف ليها مساحة و لا لأ , أنا عاوز أعرف بأه تفاصيل الليلة دى من الألف الى الياء و جزاكم الله كل خير .

[MASERATI]

السلام عليكم و رحمة الله و بركاته

ايه يا جماعة , هو السؤال اللى أنا بسأله ده صعب أوى للدرجة دى ؟؟؟؟!!!!!!

ماحدش خاااااااااااااالص من خبراء السكودا عارف ايه الفرق بين الفانتازيا اللى بتنزل بمساحة على الازاز اللى ورا و اللى بتنزل من غير المساحة !!!!!!!!!!!!

[MASERATI]

السلام عليكم و رحمة الله و بركاته

أنا تيسيرا على السادة الأعضاء الأفاضل خبراء السكودا, جزاهم الله كل خير , حطيت اللينكات دى عشان تفهموا قصدى :

دى من غير المساحة اللى ورا :

http://www.car100100.com/cardetails.php?car_id=14843


و دى اللى ليها مساحة ورا :

http://www.car100100.com/cardetails.php?car_id=15001

مع الاعتذار لأصحاب العربيتين و شكرا .

شكرا و جزاكم الله كل خير .

[eslam_3zz]

استفسار بسيط
فى فروق بين موديلات الa4 من 99 لغاية 2009 من ناحية الموتور والكماليات والتكييف التاتش ولا هى هى ف كل حاجة؟؟؟؟؟؟

[eslam_3zz]

ايه يا جدعان فين وحوش الاوكتافيا؟؟؟؟؟؟؟؟؟؟؟

[eslam_3zz]

احلى حاجة هنا ان فى تجاوب ملحوظ من صاحب الموضوع بسم الله ما شاء الله

[abdullahalbadr]

المهندس يوسف تحيه طيبه
أنا أنوى شراء سياره جديده ، وأمامى العديد من الخيارات ، ومن ضمن هذه الخيارات الأوكتافيا ، بس فى ناس مخوفانى منها ، وفى ناس بتشكر فيها ، السياره شكلها ولا أروع ، بس أنا معنديش أي فكره عن العربيه ولا عن صيانتها ،ولا عن قطع الغيار ، أنا عندى سيارتين الأولى رينو كليو 2003 ، والثانيه لانسر بوما 2006 ، وطبعا هناك فرق كبيييييير فى كل حاجه بين العربيتين ، اللانسر طبعا تكسب فى كل حاجه من ناحية الثبات ، والأداء ، والصيانه ، وأسعار قطع الغيار ، وعلى فكره ، اللانسر خليجى ، والحمد لله من يوم ما إشتريتها لحد النهاره محتجتش لضمان الوكيل مع العلم أن العربيه عمله 135000 كيلومتر ، بس والحمد لله العربيه أنا محافظ عليها من حيث الموتور والبودي والدواخل فبريقه.
أسف للإطاله ، أرجو من حضرتك إمدادى بكافة النصائح والمعلومات عن الأوكتافيا ، وعن إمكانية شراء الخليجى منها من عدمه حيث ان الكماليات ف الخليجى أعلى وبأسعار أقل ، وعن صحة الخبر بأن الوكيل بيضمن الخليجى مقابل 5000جنيه ، وعن الصيانه وقطع الغيار ، والأداء ، والعفشه والثبات.
أأأأأأأأأسف مره أخرى للإطاله وشكرا للإهتمام

[tempora]

السلام عليكم و رحمة الله
بعد اذن حضرتك كان عندى استفسار معايا عربية اسكودا فيلشيا و اليومين دول و انا كل ما ادور العربيه المفتاح مابيفتحش الكونتاك من اول مرة لازم اخبط على تارة الدريكسيون كذا مرة لحد ما المفتاح يفتح الكونتاك و كمال حاسس برعشة فى العربية هل فى مشكلة فى الكونتاك و لا العربية محتاجة ظبط زوايا ارجو افادتى و شكرا لمجهوداتكم

[aboelshea]

ايه رايك فى فيبيا 2004 او 2003

ممكن اعرف رايك فى العربيه الفيبيا موديل 2003 او 2004
لانى ناوي اشتري واحده

[m7mdezat]

msa2 al 5er ya bashmohands kont 3ayez a3raf 7aga ana m3aya fantasia 2011 3amla 1800 kilo laazem aroo7 a3mel syanet al 1000 kilo wlla momken aroo7 3la al 10000 3la tol w heya awel syana de bta3et al 1000 k bye3melo feha a bzabt saneyan ana 3arabeety awel fe2a automatic b jnoot 15 kont 3ayez arakeb jnoot sport 16 3ady wlla tet3eb al 3afsha w a al m2as al monaseb leeha w 1000 shokr ya bashmohandes

[amr78falcon]

عطل بالعدادات

ا[OVERLINE]سكودا اوكتافيا 2001 استاشين العدادات وقفت فجأة ومن وقت لأخر تعمل لدقائق ثم تقف تمامل
جميع العدادات (حرارة - بنزين - سرعة - rpm ) يعتبر الطابلوة معظمة فاصل ماعدا الأنوار وعداد الكيلوات
ارجو المساعدة ضرورى [/OVERLINE]

[modiabbas]

msa2 al 5er ya bashmohands kont 3ayez a3raf 7aga ana m3aya fantasia 2011 3amla 1800 kilo laazem aroo7 a3mel syanet al 1000 kilo wlla momken aroo7 3la al 10000 3la tol w heya awel syana de bta3et al 1000 k bye3melo feha a bzabt saneyan ana 3arabeety awel fe2a automatic b jnoot 15 kont 3ayez arakeb jnoot sport 16 3ady wlla tet3eb al 3afsha w a al m2as al monaseb leeha w 1000 shokr ya bashmohandes

لا عادى مش ضرورى يا باشا ال 1000 روح على 10.000
و ممكن تركب الجنط 17 عادى
هى اصلا بتنزل بيه

[m7mdezat]

لا عادى مش ضرورى يا باشا ال 1000 روح على 10.000
و ممكن تركب الجنط 17 عادى
هى اصلا بتنزل بيه

tmam awy keda ya basha 1000 shokr leek ana f3ln nefsy arakeb 17 bs lel 2asaf al mante2a 3ndy matabat 3alya awy w 7ofar w no2ar hatet3ebny awy fa 2olt 16 msh hayeb2a fare2 awy bs kont m2ala2 mn an al 3afsha tet3b meno bs keda tmam

[mezo73]

ا[overline]سكودا اوكتافيا 2001 استاشين العدادات وقفت فجأة ومن وقت لأخر تعمل لدقائق ثم تقف تمامل
جميع العدادات (حرارة - بنزين - سرعة - rpm ) يعتبر الطابلوة معظمة فاصل ماعدا الأنوار وعداد الكيلوات
ارجو المساعدة ضرورى [/overline]

نفس مشكلتك حصلت مع واحد صحبي وكلة قالولو ان العدادت لازم تتغير وفي التوكيل نفس الكلام
الخلاصة
ناس قالولو علي واحد اسمة خالد كوستة بتاع عدادات في الحرفيين مشهور جدا هناك معرفش المكان تحديدا
تروح الحرفيين وتسأل علية
المهم هو عارف العيب دة موجود في الاوكتافيا والباسات الموديلات القديمة
بيصلحوهلك في ربع ساعة ب 300 جند
والله الموفق
ولو عاوز اي حاجة او استفسار اتصل بية
0101701527 محمد