اى حد عندى استفسار عن skoda انا موجود !

[hooda102]

هل يمكن توضيح كيفية ازالة رسالة "service now " في سيارة "octavia 2008 " خليجي

[samoreception]

سلام عليكم انا معايا اسكودا اوكتافيا 2007 خليجى ماشية 44 الف هل ينفع اعملها تصفيح للمتور من تحت زى الاوكتافيا المصرى ولو ينفع يتكلف فى حدود كام ,,,,,,وجزاكم الله خير

[mostafa123eg]

السلام عليكم يا باشمهندس انا عندي عربيه اوكتافيا a4 موديل اوتوماتيك 2004 مشتريها جديد بس لما ركبتها حسيت ان سحبها ضعيف ومش طبيعي وسعات بحس برعشه في المتور زي مايكون في بوجيه فاصل وكمان لاحظت ان في مشكله في الفتيس في النقله التالته الى الرابعه سعات بحرق الغيار وماتنقلش وسعات بتنقل عادي ممكن يكون في مشكله في الفتيس
وشكرا

بص يا باشا انا عندي نفس العربية بتاعتك جرب وانت واقف والفتيس علي p دوس علي البنزين للاخر مرتين او تلاته لحد لما يصل ال ار بي ام في كل مره الي 6000 لفه ثم جرب تمشي كده ان شاء الله هيبقي كله تمام

[tarekamar1]

ازيك يا بشمهندس ...
فعلا حضرتك بتقدملنا خدمه كبيره و مهمه و هتفيد كل الاعضاء و احنا عاجزين عن الشكر ....الجمعة 3 جمادى الثانية 1432
اخوك طارق / معاية فلشيا 95 وعندى مشكلة هى بسمع صوت خروشة واول لما اضع رجلى على دواسة الدبرياج الصوت يمنع قلت للمكانيكى قال لى غير زيت الفتيس من 90 الى هيدروليك 37 هل الكلام دة مضبوط ولا الميكانيكى فى الضياع

[Ahmed.Fahmy]

السلام عليكم يا بشمخندس،

انا هندى سؤال ما يحلهوش الا خبير
انا ركيت فلتر هواء k&n وبغجد يومين العربية بتدخن اسود لما بدوس بتزين جامد
اعمل ايه؟

[mhanafi]

ما الفرق بين الماكينة الكبيرة و الصغيرة لاوكتافيا 2000 مانيوال المالنى

ما الفرق بين الماكينة الكبيرة و الصغيرة لاوكتافيا 2000 مانيوال المالنى و هل ده يفرق فى قطع الغيار و لا لأ

[somatra]

ازيك يا بشمهندس / صباح الفل او مساء الفل ...

عندى مشكلة فى عربيتى سكودا فيليشيا 96 لما ادوس على البنزين فى اى سرعة العربية تتهز زى مايكون عاوزة ترصيص ولما ارفع رجلى من على البنزين العربية تمشى زي الفل . علماً ان الكاوتش جديد واكدت على ترصيصه كذا مرة.

وليك جزيل الشكر

[amrnayel]

لسا النهارده شاري fantasia 2011 و فوجئت مكتوب airbag error علي التابلوه رجعت المعرض قالولي بسيطه جدا و العربيه محتاجه يتعملها dpi او pdi حاجه زي كده في التوكيل و بسيطه سيبتهلهم و هايجيبوا ونش يوديها تتعمل في التوكيل و ترجع....... ايه رايكم يا جماعه طمنوني انا قلقان جدا

[atvi1000]

في الحقيقه يا باشمهندس انا كنت ناوي اغير و اشتري فليشيا بس سمعت عنهاحاجات كتير زي ان تكييف بيكون مش كويس قوي لان العربيه 1300 اللي موجود في مصر ةكمان لانها 55 حصان بس وبيقولوا ان جسم الفليشيا تقيل وسحبها بيكون مش كويس ده غير المشكله المشهوره قوي الخاصه بالسخونه
في ناس قال ان ده اتحسن في موديلات 99 و2000 اللي بتكون انجيكشن
فياريت تفيدني وتقولي ايه رايك واجيب فليشيا ولا افكر في البولو او الجولف 3 مثلا مع اني حابب الفليشيا وعاوز اقتنع بيها

ارجو الافاده

[osama3328460]

مساء الخير مهندس شريف اخوك مهندس اسامة و اعمل في توكيل ماكينات تصوير مستندات و عندس فيليشيا 96 ظهرت عندي مشكلة ارجو ان تفيدني فيها .. العربية كانت ماشية في السخونة كويس و فجاة اصبحت العربية تسخن علي السرعة العالية فقط من 80 و طالع و تسخن بعد ما تمشي حوالي 7 او 8 كيلو فقط الاقي الحرارة وصلت لقرب 110 درجة مئوية .. ركبت جوانين لوش السيلندر . و نظفت الرادياتير . و المروحة تقريبا جديدة و تعمل عند حرارة 90 او اقل قليلا و الشكمان كويس . ارجو اقتراحاتك في العطل مع العلم ان السيارة لا تسخن نهائيا لما تمشي داخل البلد ( علي السرعة الواطية ) . مع تحياتي وشكرا مقدما

[Alaa_mohamed]

Skoda Octavia A5 2006

السلام عليكم يا باشمهندس

ان شاء الله تكون بخير. انا الحقيقه لسه شاري سكودا a5 موديل 2006 أتوماتيك. الحقيقه عندي شويه ملحوظات يا ريت حضرتك تساعدني في تفسيرها و كمان حلها لو أمكن.

1- التكييف بكره تاتش و الحقيقه البكره ديه بتعلق بمعني ان ممكن أجي اقلل قوه المروحه أو اطفي التكييف ال بيحصل ان المؤشر بيزيد و أحيانا بيقل و بعض الاحيان بيطفي...بس بصراحه بيغلبني و كنت عاوز اذا كان في حل للزرار ده و لا لأه ؟

2- التكييف بزات في الحر مش بيبرد اوي و بياخد وقت كتير علشان يبتدي ينطق و الحقيقه انا مش عارف اذا كان محتاج شحن فريون و لا لأه ؟ و لو اه يا تري ممكن أعمل الشحن برا عند بتوع التكييف و يا ريت تنصحني بحد!

3- بالنسبه للفتيس انا بحس بنتشه كدا بس جامده لما الفتيس بينقل من غيار لغير بالذات علي السرعات الخفيفه (اول و تاني) فهل ده طبيعي و لا محتاج أعمل حاجه ...العربيه عامله 136 الف و صاحب العربيه أكدلي انه غير زيت الفتيس مرتين عند 60 و مش عارف امتي تاني؟

4- الحاجه الاخيره انا بحس برجه كدا في العربيه بين سرعه 60 و 80 . يا تري ممكن يكون ايه سببها و يا تري حلها ايه ؟
أرجو الاهتمام و أشكر كل من ساهم في الرد

[samoreception]

استاذ علاء محمد حل حضرتك بسيط جدا انك تاخد العربية للوكالة وتعملها كشف بيتكلف 285 جنية شامل كل حاجة وبتقولهم المشاكل اللى فى العربية وايه اللى المفروض يتغير فيها وهما بيساعدوك وبيقولولك كمان لو فيها حاجة او مشكلة غير اللى انتى بتشتكى من وممكن الراجل اللى انت اشتريت منه العربية ميكنش غيرلها زيت جير ولا عمل اى حاجة فمتثقش فى اى حد فنصيحة روح الوكالة احسن

[mohamedhfz]

السلام عليكم يا باشمهندس

ان شاء الله تكون بخير. انا الحقيقه لسه شاري سكودا a5 موديل 2006 أتوماتيك. الحقيقه عندي شويه ملحوظات يا ريت حضرتك تساعدني في تفسيرها و كمان حلها لو أمكن.

1- التكييف بكره تاتش و الحقيقه البكره ديه بتعلق بمعني ان ممكن أجي اقلل قوه المروحه أو اطفي التكييف ال بيحصل ان المؤشر بيزيد و أحيانا بيقل و بعض الاحيان بيطفي...بس بصراحه بيغلبني و كنت عاوز اذا كان في حل للزرار ده و لا لأه ؟

2- التكييف بزات في الحر مش بيبرد اوي و بياخد وقت كتير علشان يبتدي ينطق و الحقيقه انا مش عارف اذا كان محتاج شحن فريون و لا لأه ؟ و لو اه يا تري ممكن أعمل الشحن برا عند بتوع التكييف و يا ريت تنصحني بحد!

3- بالنسبه للفتيس انا بحس بنتشه كدا بس جامده لما الفتيس بينقل من غيار لغير بالذات علي السرعات الخفيفه (اول و تاني) فهل ده طبيعي و لا محتاج أعمل حاجه ...العربيه عامله 136 الف و صاحب العربيه أكدلي انه غير زيت الفتيس مرتين عند 60 و مش عارف امتي تاني؟

4- الحاجه الاخيره انا بحس برجه كدا في العربيه بين سرعه 60 و 80 . يا تري ممكن يكون ايه سببها و يا تري حلها ايه ؟
أرجو الاهتمام و أشكر كل من ساهم في الرد

الحق نفسك و روح التوكيل لأن الحاجات اللي عندك دي هي المشاكل المشهوره عن الاوكتافيا ال a5 و هي كمبرسور التكييف و الفتيس
الحق نفسك لأن الحاجات دي مكلفه جدا

[amerelshazly]

السلام عليكم يا بشمهندس
انا كنت بحجز النهاردة فانتازيا زيرو فا كنت بتفرج على العربية ودورتها وهيا واقفه في المعرض فا لاقيت لمبة abs فضلت منورة بعد اما دورت العربية فا قولت للراجل مش كده تبقى عيب او مشكلة فا قالي لا هي بتطفي بعد شوية لما تمشي بيها ولو مش مصدق شوف العربية الفانتازيا التانية ديه هتلاقيها برده نفس اللمبة منورة برده بعد التدوير وفعلا فضلت منوره بعد ما دورتها. ....السؤال هل فعلا الكلام ده مظبوط انها بتنور شويه وبعد كده بتطفى لما العربية تمشي ؟؟؟؟؟؟؟؟وشكراا

[hogo]

السلام عليكم ياباشمهندس
أنا لسه شاري فانتازيا 2011 اليجانس وعندي شوية إستفسارات ، أرجو توضيح سبب أن هذه العربية على الرغم من أنها 1600 سي سي إلا أن البور بتاعتها 102 حصان قليلة بالمقارنة بنظائرها من السيارات الأخرى .
وثاني شيئ لم أعرف الخطوات المطلوبة لعمل تعريف لجهاز الموبيل مع Blootouth الخاص بالسيارة .
والشيئ الأخر عند تشغيل المساحات الأمامية تخرج عن مدي الزجاج وتجرح في الجانب الشمال تجاه السائق ولا أعلم كيف أضبطها .
وآخر شيئ هل الHolder الخاص بكارت الذاكرة Special أم أي Holder يمكن إستخدامه .