اى حد عندى استفسار عن skoda انا موجود !

[TOOLA]

السلام عليكم
سكودا a5 2007
كانت من حوالى شهر فى غربلة او رجرجة فى العربية ما بين سرعة 40 و60
حاليا بقت ما بين 30 و90
أولا فوق كدة مفيش الحكاية دى
ثانيا اما بشيل رجلى من عالبنزين وانا عالسرعات دى الحكاية دى بتختفى



وكمان انا عايز اسأل عن افضل زيت موتور ليها برة التوكيل علما بأنى بحط موبيل ومش مرتاح معاة من أيام اللانسر

العربية دى مشتريها استعمال وعاملة 96 الف كيلو
وأما سألت صاحبها عن انة غير زيت الفتيس فى صيانة 60000
قاللى لأ ومش عارف دلوقتى العربية ماشية ازاى
فأية الحل علما بأنى من سوهاج ومفيش مراكز خدمة سكودا عندنا
وكمان أنا عارف ان موضوع زيت الفتيس ميتعملش برة التوكيل
وازاى ممكن اعرف حالة زيت الفتيس اية

وشكرا

الجزء الخاص بالغربلة, غالبا ديه كبالن داخلى بدام الغربلة بتروح لما تشيل رجلك, و بردو البشمهندس يبقى يأكدلك

[cvt2008]

شكرا لرد حضرتك
بالفعل انا كشفت عند عفشجى عالعربية
وقاللى
ان راس الكوبلن الداخلى عايزة تتغير و قواعد الموتور
وجلبة المقص كمان
حضرتك تعرف الحاجات دى الاصلى منها بكام خارج التوكيل
وقواعد الموتور دى ملهاش حل الا التغيير ولا اية؟

[TOOLA]

بص يا باشا, أسعار ال a5 معرفش فيها فمش هفتى, بس ممكن تكلم الهاشمية و الرقم تليفونهم موجود فى مشاركة فى نفس الصفحة فوق و هما بيبيعوا الحاجات الأصلى للسكودا, و أعتقد كل الأنت ذكرتو من قواعد و رأس كوبلن و جلبة, لازملهم تغيير. معرفش رأس الكوبلن بتتباع استيراد لواحدها ولا لأ.

[cvt2008]

شكرا كتير لحضرتك
بس اكتر حاجة قلقانى حوار زيت الفتيس اللى متغيرش دة
ومش عارف أسال مين أو فين؟؟؟

[weloo]

السلام عليكم وا
كنت عايز اسال عن الفرامل بتاعت الa4 لما بكون ماشي بسرعة واضغط علي الفرامل جامد بحس ان العربية بتحدف

[أبو كنوز]

السلام عليكم احب اشكر حضرتك على الموضوع ده وفعلا انا استفدت كتير منه لدرجة انى فضلت اقرا فيه حوالى كام ساعه لحد ما النهار طلع ولسه هاكمله ان شاء الله .
ولو سمحت عندى استفسار عربيتى A4 موديل 2004 اوتوماتيك دايما بحس فى طلعتها (بنعره) فى الصوت بتاع الموتور وكانها عربيه 4x4 مثلا
العربيه عامله 100.000 كيلو مغيرلها فلتر البنزين وهى 80.000 وجميع السيور والزيت دايما موبيل وبسقطه قبل معاده بكتير جدا
ملحوظه مش عارف لها قيمه او لأ ان العربيه مرفوعه دايما ما عدا شهر او اتنين كل سنه .

ومعلش حاجه تانيه لو حبيت اغير الطاره بواحده تانيه Tuning ازاى الجديده هايكون فيها الايرباج ولا مش هاينفع يكون فيها ايرباج اصلا.

وشكرا على مجهود حضرتك

[octaviamomo]

السلام عليكم
أنا معايا a5 2008 ومركب لها جنط 17 وكاوتش عريض المهم المشكله عندي بتكون لما أسافر ومركب أشخاص وشنط كتير العفشة بترزع جامد مع أهيف مطب هواء في ناس نصحوني أغير السوست بتاعتها لأنها خليجي وأجيب المصري بس صراحه مقلق سألت عن الموضوع قالو يتكلف 1500 جنيه تقريبا وهيعلي العربيه حاجه بسيطه ومش هتأثر في الثبات لأنك مركب جنط أكبر وكاوتش أعرض لأن المصري نازل مواصفات تستحمل عن الخليجي واخد رفاهيه وثبات أكتر ده على حد قولهم في أحد مراكز الصيانه الغير معتمد..
ياريت أسمع نصايح حضراتكم لو جربتم الموضوع ده
وشكرااا

[ahadidy]

السلام عليكم .. مهندس يوسف أنا معايا فانتازيا 2012 TP لسة معملتش 3000 كم ..وانا بجيب reverse بسمع صوت طقة من ناحية العجلة الشمال قدام .. وديتها مركز خدمة الاقصى اعدت يومين يجربوا ويقوللي في الاخر مش عارفين الصوت ده منين العربية كلها زيرو من تحت . أنا معرفش هو ده صوت طبيعي ولا إيه .. فـياريت تدلني أو تنصحني بمركز خدمة أكتر خبرة يمكن يكون المركز اللي رحته معندهمش خبرة كفاية . أو يمكن يكون كل الفانتازيا فيها الصوت ده
وشكرا

[wael_power]

بشمهندس يوسف.. كان في موضوع خاص ببعض الاستفسارات عن اوكتافيا A4
ياريت مشاركتك لتعم الفائدة وجزاكم الله خير

اللينك: http://www.nilemotors.net/Nile/278630-a4.html

[osha966]

يا جماعة نصيحة للعايز يشترى أوكتافيا أو فنتازيا يجيب مانيوال لأن الأوتوماتيك بتاعها حساس جدا ومشاكلها كتير ومش مناسب لمصر وبينفع مع القيادة الحريصة فقط ..أما المانيوال فأنها قليلة الأعطال جدا وبلا مشاكل تقريبا ..وعلى فكرة ده عيب فى معظم الألمانى ..ده عن تجربة ..الأوتوماتيك (أمريكانى ويابانى ) فقط

[osha966]

عيوب وميزات سكودا a5 2011 بيزلاين...وخصوصا مشاكل الفتيس و العفشه ...انا بفكر اجيبها بس عايز حد يطمني

- نصيحة منى لو عايز تجيبها هاتها مانيوال أفضل وريح دماغك من مشاكل الفتيس والكبالن

[osha966]

ازيك يا باش مهندس انا شارى عربية اسكودا a5 موديل 2006 عند نقل الفتيس الاوتماتك من وضع p الى d لاحظت ان العربية بتنتر الى الامان بطريقة شديده ولحظتن ان كل العلامات داخل التبلوه prnds متعلم عليها و الموضوع بيتكررمع r و بعد شوية من المشى بترج الامور عادية و لكن جميع العلامات prnds متعلم عليها و يرجع تانى الموضوع فى الصباح التالى ارجو المساعده لانى خبرتى فى العربيات صفر

- نرجع تانى ونقول أن الأوكتافيا الأوتوماتيك بها عيوب فى الفتيس ولم تصحح حتى الآن ...ونصيحة خليك فى المانيوال لو عايز أوكتافيا

[osha966]

ازيك يا باش مهندس انا شارى عربية اسكودا a5 موديل 2006 عند نقل الفتيس الاوتماتك من وضع p الى d لاحظت ان العربية بتنتر الى الامان بطريقة شديده ولحظتن ان كل العلامات داخل التبلوه prnds متعلم عليها و الموضوع بيتكررمع r و بعد شوية من المشى بترج الامور عادية و لكن جميع العلامات prnds متعلم عليها و يرجع تانى الموضوع فى الصباح التالى ارجو المساعده لانى خبرتى فى العربيات صفر

- نرجع تانى ونقول أن الأوكتافيا الأوتوماتيك بها عيوب فى الفتيس ولم تصحح حتى الآن ...ونصيحة خليك فى المانيوال لو عايز أوكتافيا

[assemswahel]

[b][size="6"]السلام عليكم
معى سيارة اوكتافيا a 5 وكانت هناك مشكلة ان لمبة الباور اضائت اصفر ثم تنطفىء بعد فصل الكونتكت واعادة تدوير الماتور و اتضح ان هناك عيب الكترونى فى الاسكترا وتم تغير الاسكترا فى التوكيل مع تركيب اسكترا لاوكتافيا فانتازيا وقال لى التوكيل انها نفس الاسكترا الا انها يتم ربطها بثلاث مسامير بدلا من اربعة
ثم ذهبت لضبط الزوايا وتم ضبطها والتاكد من ذلك فى اكثر من مركز الذى اكد ان الزوايا مضبوطة الا ان السيارة تنحرف جهة اليمين وتم تغيير جميع فرد الكاوتش بين الاربعة اتجاهات ومازالت تنحرف الى اليمين قليلا ونصحنى صاحب مركز الزوايا بمعايرة حساس الاسكترا طرف التوكيل ارجو النصح ماذا افعل فهل تغير الاسكترا يحتاج الى اعادة معايرة لحساس الاسكترا ليحدد للسيارة الاتجاه الطوالى مع ضبط الدركسيون والعجل]

[wali]

أين افحص اوكتافيا مستعمله

السلام عليكم
اريد فحص اوكتافيا باحدى المرااكز الموثوق بها فى القاهرة ، اروح فين وتكلفة الفحص كام ، والوكيا افضل ولا اى مركز ، ويا ترى يا خبراء الاوكتافيا موديل 98 كويس ولا فيه مشاكل....