اى حد عندى استفسار عن skoda انا موجود !

[forti]

كنت عايز اسأل عن دورة المية بتاعة العربية بالظبط ( اوكتافيا a4 98 ) خصوصا جوه الموتور و اسباب ان ميه التبريد تدخل على زيت الموتور ايه ؟ .. لان الى بيحصل معايا العربية بيخش ميه على زيت الموتور بتظهر فى صورة طحينة على غطاء زيت الموتور .. ناس هتقولى وش السلندر الجوان بتاعه تمام الجوان عملته مرة و العربية رجعت تانى بعدها بفترة بالتدريج تسوء و بعدين لحد لما بقت كانها شغالة 3 سلندر فترة كبيرة لحد ما تسخن .. المهم عملته تانى الجوان وش السلندر و جوان غطاء تكيهات مع خراطه فى وش السلندر عشان كان مقفع و العربية بقت تمام بس للاسف العربية ابتدت تظهر عليها المشكله الاولانيه تانى فى بدايه التدوير تحس انها شغالة 3 سلندر و لو زودت بنزيت تحس صوته مقطع كده نفس المشكلة بالظبط و مع الوقت بنزيد بردو و الطحينة بقت تظهر على الغطا بتاع الزيت .. نفسى اعرف اساس المشكله فيييييييين و الى بيخليها ترجع تحصل تانى

[forti]

دى صورة لبدايات الطحينة الى على الغطا

[forti]

DSC01955.JPG

[didiAs]

مساء الفل على الجميع
انا بعمل في الكويت وعاوز اشتري سكودا اوكتافيا علشان انزلها مصر مش عارف اشتريها من هنا واستخدمها سنتين وبعدين اجمركها ولا اشتريها لما انزل مصر بس هتكون غليه وممكن لا استطيع دفع ثمنها مش عارف ايه رايكم

[Tamoxil]

السلام عليكم و رحمة الله
انا عندي اسكودا فابيا 2006 مانيول هل ممكن تتحول اوتماتيك
كنت سالت و قالولي لو في موديلها اوتماتيك يبقى ينفع هل ده صحيح
طب الفتيس الاوتماتيك بيتباع فين و سعره كام
ارجو الافادة و شكرا

[mohamedshaheer]

انا معايا فانتازبا 2011 لسه جايبها ومش عارف اشغل نور الشبورة الامامى الجانبى (اللى بيشتغل مع الملفات)
ممكن مساعدة

[semsem20co]

اريد عداد a4

عندي مشكلة في عداد عربيه 2006 a4 ومش موجود في التوكيل حد يعرف ممكن اجيبو منين شكراااا

[kabsola]

ارجوك انا احترت مع كهربة الفليشيا 2010 انجكشن

المشكله: السياره تدور المارش ولا تلقط دوران... بداية وهي بارده ثم وهي ساخنه ايضا.
غيرنا كل شىء فى الميكانيكا: رشاشات وبوابه وبوجيهات مرتين ومسطره الموبينه وفلتر البنزين وطرمبة البنزين وفلتر الهواء.................. ومفيش فايده نفس العيب....غيرنا حساس الكوع ومفيش فايده..... وبعد تجربة حساس المانيفول ... لو اتشال تدور السياره ولو اتحط تدور مره واحده بس وبعدين ترجع تعلق ... انا شيلت فيشته خالص والعربيه ماشيه تمام بس صوتها عالي وعداد الحراره بينزل عن ال70 ... مش لاقي منه جديد ومش عارف ايه السبب منه ولا من حاجه مرتبطه بيه ...احنا نظفناة ومفيش فايده ..ومع اول فصله السياره بترج خفيف لكن بتفضل شغاله .... اعمل ايه ... ارجوا الافاده اكرمكم الله

[ashraf_aly]

انا اشتريت سكودا 2011 وهنا في توكيل السعودية اسمه سفاري بيقولوا ان اسطوانة الجي بي اس لسه منزلتش ممكن حضرتك تفيدني في الموضوع دة وايه اخر كلام عنه لانهم هنا بيقولوا انها منزلتش في مصر بردة

[heshamm]

هل حساس الشوكمان هيأثر على كركره السياره

[mahmoud_9111]

ازيك يابشمهندس
عندى a4 2001 اللى هى بتنزل معاقين ومن فتره بدور العربيه فى يوم الصبح لقيت العدادات (سرعه-لفات موتور-بنزين- حراره) اشتغلو شويه وفصلو كلهم مع بعض بس كل لمبات التابلوه شغاله وعداد الكيلو متر شغال.
بطلت العربيه وراجعت الفيوزات وفصلت كابل البطاريه شويه ووصلت تانى ودورت اشتغلو عادى .
يومين ورجع نفس العيب اول ما ادور العربيه يشتغلو وبعد ثوانى بقصلو تانى...ياريت حضرتك تفيدنى فى الموضوع ده.

[adelsaad]

انا عندى مشكله كبيره جدا وارجو الرد فيها او حد يفيدنى فيها فى الاول لمبه الزيت نورت فى التابلوه مع انى لسه مغير زيت فى شهر سته روحت جبت زيت وفضيته كله ومشيت بيها شويه ولقيت لمبه الزيت راحت نورت تانى اطفى العربيه وادور اللمبه مطفيه شويه والالقيها نورت تانى روت جايب زيت تانى وحطيته العربيه خدت 2 جركن زيت يعنى العربيه فيها 8 كيلو زيت وبعد كدا مشيت بيها شويه اللمبه لسه منوره مشيت بيها لقيتها قلت فى السحب بتاعها وبعد كدا الموتور عمل صوت اكنه صوت عربيه نص نقل ولقيت دخان طالع من من الشكمان وفيه زيت وبس مش عارف اعمل ايه انا وقفت العربيه وجريتها بعربيه تانيه ومش عارف ايه فى الموضوع ده ياريت حد يفيدنى ويقولى ايه حل المشكله ديه وتكلفتها تكون فى حدود كام معلش طولت عليكما
العيب في طرمبة الزيت عايزة تتغير

[za3zom]

السلام عليكم ورحمة الله وبركاته
عايز اعرف اذا كان من الممكن تكيب مثبت سرعة في عربيتي (اوكتافيا 2003 a4)ولا لا
واذا كان ينفع , كام التكلفة؟
وشكرا

[za3zom]

السلام عليكم ورحمة الله وبركاته
عايز اعرف اذا كان من الممكن تكيب مثبت سرعة في عربيتي (اوكتافيا 2003 a4)ولا لا
واذا كان ينفع , كام التكلفة؟
وشكرا

[za3zom]

السلام عليكم ورحمة الله وبركاته
هل من الممكن تركيب مثبت سرعة في اوكتافيا a4 2003 ؟
وكام التكلفة ؟
وشكرا