بلو بلف فى اوكتافيا a5 بـ 14000 جنيه فى التوكيل!!!!!!!!!

[hossam_elwani]

واحد صاحبى عنده a5 راح يعمل صيانة 150 الف فى التوكيل قالوله فى صيانة ال 150 لازم يتغير حاجة اسمها بلو بلف فى العربية وثمنها 14000 جنيه هل ده صحيح ؟ وايه وظيفة القطعة دى؟؟؟؟

[NaderNabil]

ياريت إسم القطعة بالظبط...لأن مافيش حاجة إسمها بلو بلف...و أقرب حاجة ليها هي الBlow off valve...و ده موجود في المواتير التربو فقط

فا يريت تقول لنا إسم القطعة بالظبط و علي أساس كده هانقدر نفيدك

[hossam_elwani]

تقريبا هى اسمها فعلا Blow off valve ولكن هو نطقها غلط هل هى موجودة فى الاوكتافيا فعلا ارجو من خبراء المنتدى الافادة..............

[Fadi Ezzat]

طيب ما استاذ نادر بيقول موجودة بس فى المواتير التربو تبقى مش تبعنا

[hossam_elwani]

على كده التوكيل بيشتغله ولا ايه !!!!!!

طيب هيا فى قطعة بتتغير على 150000 ك /م ثمنها 14000 جنيه؟؟

[MoToRiZeR]

مفيش غير بلو أب .. ده إسم المحل اللي بحلق فيه

[A.Saad]

مفيش غير بلو أب .. ده إسم المحل اللي بحلق فيه

اوعى يكون الحلاقة فيه ب 14000

[Fadi Ezzat]

على كده التوكيل بيشتغله ولا ايه !!!!!!

طيب هيا فى قطعة بتتغير على 150000 ك /م ثمنها 14000 جنيه؟؟

بصراحة انا عمرى ماسمعت عن القطعة الى ب 14000 الف دى
وعمرى تقريبا ما هسمع عنها
:b4_237:

[mohameduoser]

اول مرة نسمع الكلام دة

[bishoy02010]

موضوع غريب 14 الف !!!!

[raed badr El Kelany]

غالبا حضرتك قصدك Body Valve وهو الكنترول او كما يطلق عليه فى السوق عقل فتيس وحقيقى ثمنه كده وحصل معايا فى عربيتى الـ A5 وبيعتها

[د.محمود صلاح]

غالبا حضرتك قصدك body valve وهو الكنترول او كما يطلق عليه فى السوق عقل فتيس وحقيقى ثمنه كده وحصل معايا فى عربيتى الـ a5 وبيعتها

وده طبيعي بيتغير على 150 الف ولا تعطل من تلقاء نفسه ؟

[hossam_elwani]

شايفين ازاى كلام د.محمود صلاح اكد المعلومة حاجة مبالغ فيها اوى

[Ahmed Selim]

وده طبيعي بيتغير على 150 الف ولا تعطل من تلقاء نفسه ؟

لأ يا دكتور كنترول الفتيس مش الطبيعى أنه يتغير كل مسافة أو فترة......بيتغير بس لو باظ

و مش عارف بالتحديد أيه اللى ممكن يبوظه.

[mostafa3000]

ياريت حد يأكد الموضوع دةيا جماعة او ينفية