رابطة ال a4

[zizomsk]

الي كل مالكي الاوكتافيا الاصلية A4
عندي فكرة بسيطة تعالو كل واحد مننا قابلتة مشكلة او اشتري قطع غيار يدخل ويعمل مشاركة وكدة يبقي عندنا داتا ومعلومات مفيدة لنا وانا هبدىء بنفسي

انا غيرت جلب المقصات جبتهم من التوكيل ب 90 جنية الجلبة
وغيرت بارات الدركسيون خارجي وداخلي سألت عليهم في التوكيل لقيتهة ب 1200
روحت جبت نوع الماني محترم ب 380 من شارع دمشق
انا بحط زيت شل هليكس
ولما اجمع كام حاجة كدة هابقي اقولكم عليها

[inspiron]

معاك يا باشا..يا ريت الرابطة دي تبقي قوية..أنا عربيتي a4 كاملة ( أوروبي)..الحمدلله مبسوط منها..بس مشكلتي معاها الأصوات اللي بسمعها وأنا ماشي.معرفش دي من الأبواب ولا الطابلو..بس بجد أصوات مستفزة جداااااااااا

[zizomsk]

بص يا باشا الصوت دة من الابواب
وعلشان تعالجة هات w40 وافتح الابواب علي الاخر ورش علي اماكن المفصلات فوق وتحت وهتلاقي الصوت اختفي باذن اللة

[inspiron]

أنا نزلت النهاردة يا باشا إشتريت wd40 وهعمل اللي قولتلي عليه و أقولك النتيجة.

[AHMED_IVB]

استاذ زيزو هى بارات الدريكسيون ديه انت غيرتها ليه يعنى حسيت بايه علشان كده غيرتها وبجد موضوع جميل وياريت نكمل

[zizomsk]

استاذ زيزو هى بارات الدريكسيون ديه انت غيرتها ليه يعنى حسيت بايه علشان كده غيرتها وبجد موضوع جميل وياريت نكمل

بارات الدركسيون يا استاذ احمد هي ناقل التوجية من علبة الدركسيون الي العجل
انا غيرتها ازاي
مرة رحت اضبط زوايا للعربية الراجل بتاع الزوايا قاللي البارات عند وحشة عايزة تتغير
بصراحة حسيت انها اشتغالة
رحت للميكانيكي بتاعي يصلي عليها وقالي فعلا هي عايزة تتغيير
وبعدين لما غيرتها وقارنتها بالجديدة لقيتها ضايعة خالص

[am79]

مشكله ظهرت عندي بالفتيس الاتوماتيك

السلام عليكم
انا عندي اوكتفيا a4 2003
انتاج شهر 12\2003
فتيس اتوماتيك اشتريتها مستعمله من واحد منه لله طبعا بالاول هو قال انه مغير الفتيس في التوكيل بعد لما اتشريت اتضح انه كان مصلحه عند واحد اي كلام
والفتيس قفش مره واحده مني وانا ماشي والحمد لله كنت لسه طالع من مطب ولسه العربيه مجمعتش سرعته ل 40 لقيت العربيه كأنك ضربت فرامل مره واحده كلبشت في الارض
والكلام ده حصل بعد ما اشتريتها بأسبوع واحد
المهم سمعت ارقام كتير من توكيل ومن ورش ومن بايعين قطع غيار استيراد
يقال انه جديد من التوكيل 32 ألف جنيه لاني مرحتش التوكيل اصلا لاني عارف اني هسمع رقم زي ده او قريب منه
بتوع الاستيراد بقي اسعارهم من 7 :5 ألف كل واحد بمزاجه
روحت علي واحد مكانيكي متخصص تصليح فتيس اتوماتيك بس خليته ركبلي من عنده واحد استيراد وتشيك علي دوره المياه كامله وتغير زيوت وفلاتر حساب كامل 5300 وكمان اشتريت ليها بطاريه جديده ب 400 جنيه
وانا كنت شاريها من الاساس بسعر 67 ألف وطبعا هي راشه بره دواخل مفيهاش حاجه
هل سعرها كويس ؟؟؟؟؟؟؟؟؟؟؟؟؟؟؟؟؟؟؟؟؟؟؟
العربيه دلوقت بعد المصاريف 73000
ولو حبيت ابيعها لاني ناوي اجيب واحده تانيه بس تكون فتيس عادي لاني تعقدت من الاتوماتيك
لو بعت اطلب كم ؟؟؟؟

معلش طولت عليكم بس حابب ألم معلومات كويسه عن العربيه دي في مصر لاني حبيتها كمواصفات وفخامه ولاني كنت عايش بره ولسه حاي معرفش ايه ظروفها في مصر

[zizomsk]

السلام عليكم
انا عندي اوكتفيا a4 2003
انتاج شهر 12\2003
فتيس اتوماتيك اشتريتها مستعمله من واحد منه لله طبعا بالاول هو قال انه مغير الفتيس في التوكيل بعد لما اتشريت اتضح انه كان مصلحه عند واحد اي كلام
والفتيس قفش مره واحده مني وانا ماشي والحمد لله كنت لسه طالع من مطب ولسه العربيه مجمعتش سرعته ل 40 لقيت العربيه كأنك ضربت فرامل مره واحده كلبشت في الارض
والكلام ده حصل بعد ما اشتريتها بأسبوع واحد
المهم سمعت ارقام كتير من توكيل ومن ورش ومن بايعين قطع غيار استيراد
يقال انه جديد من التوكيل 32 ألف جنيه لاني مرحتش التوكيل اصلا لاني عارف اني هسمع رقم زي ده او قريب منه
بتوع الاستيراد بقي اسعارهم من 7 :5 ألف كل واحد بمزاجه
روحت علي واحد مكانيكي متخصص تصليح فتيس اتوماتيك بس خليته ركبلي من عنده واحد استيراد وتشيك علي دوره المياه كامله وتغير زيوت وفلاتر حساب كامل 5300 وكمان اشتريت ليها بطاريه جديده ب 400 جنيه
وانا كنت شاريها من الاساس بسعر 67 ألف وطبعا هي راشه بره دواخل مفيهاش حاجه
هل سعرها كويس ؟؟؟؟؟؟؟؟؟؟؟؟؟؟؟؟؟؟؟؟؟؟؟
العربيه دلوقت بعد المصاريف 73000
ولو حبيت ابيعها لاني ناوي اجيب واحده تانيه بس تكون فتيس عادي لاني تعقدت من الاتوماتيك
لو بعت اطلب كم ؟؟؟؟

معلش طولت عليكم بس حابب ألم معلومات كويسه عن العربيه دي في مصر لاني حبيتها كمواصفات وفخامه ولاني كنت عايش بره ولسه حاي معرفش ايه ظروفها في مصر

قدر اللة وما شاء فعل
انا شايف ان السعر دة معقول يعني مانضحكش عليك قوي
وطبعا لما تشتري مستعمل اشتري مانيوال لان ة مضمون
اما الاوتوماتيك فان افضلة زيرو
وان تحت امرك في اي استفسار للعربية ولو تحب ممكن اوديك للميكانيكي بتاعي اللى في المعادي لو احتجتة

[octavia_a4]

يا ساتاذ مهو واضح ان عربية 2003 بالسعر ده يبقي اكيد فيها حاجة غلط ونصيحة قبل متجيب عربية اكشف عليها فالتوكيل ولو لاقيت صاحب العربية متردد بانك تكشف عليها في التوكيلل اعرف ان فيها حاجة والسعر ده دلوقتي سعر استعمال 98 مش 2003
عموما حصل خير وان شاء الله يكون خير ليك

[inspiron]

يا نهار إسود _عربية أوكتافيا a4 2003 وبالسعر ده ؟؟؟؟؟؟؟؟؟؟ ليه صاحبها كان واخدها هدية وميعرفش سعرها ولا إيه.طبعا لازم يكون فيها حاجة غلط

[hosiny]

موضوع هايل:
1-بالنسبة للأصوات و أنت ماشى من الأبواب زى مالشباب قالوا WD40 بس كمان على كاوتش البابين و الشنطة بالأضافة لزبط الأبواب و الشنطة كل فترة عند بتاع الكوالين(يستخدم مفك ألانكيه).
2-لو المفتاح بيعلق فى الكونتاكت أستخدم wd40 أيضا
3-يمكن زبط عدة أشياء مفيدة عند أى ميكانيكى يستخدم الكمبيوتر(لازم يكون فاهم شغله) لتوصيله بالسيارة كالآتى:
-ضبط السيارة لغلق السنتر عند بلوغ سرعة 20 كم
-تحويل الساعة لنظام 12 ساعة
-بالنسبة للفتيس الأوتوماتيك,تعديل نسب النقل لكل نقلة بحيث تزيد نسبة الحرق على الغيار الى 4 أو 5 RPM قبل النقلة التالية فى حالة الكيك داون
4-بالنسبة للتكييف الأوتوماتيك ,يمكن تحويل شاشته الى عداد ديجيتال عن طريق ألآتى:
التكييف مقفول هندوس على 3 أزرار مع بعض زرار تقليل سرعة المروحة+زرار تقليل الحرارة الأزرق+زرارECON

انتقل الى رقم 16 عن طريق زرار الأحمر أو الأزرق
دلوقتى أنت عندك عداد Digital و ممكن تجرب
للخروج أضغط
ECON
5-أنصح بتركيب أنزار للسيارة و سوف تتمكن من غلق السنتر و الزجاج بضغطة زرار حيث تحتوى السيارة على مكن رفع للزجاج
6-لو الحزام بقى ميرجعش بسهولة بعد الشد,رشه بSilicone spray بيتباع عند محلات المشايات الرياضية
7-أحتفظ بصورة من دليل الفيوزات فى السيارة تحسبا لأى ظرف طارىء


8-لو البلاستيك اللى قدام العدادات عليه بقع بيضاء من أثر رش الأسبراى,أستخدم قطعة قطن بفازلين و سوف تندهش من النتيجةز

[inspiron]

- أستاذ حسيني إنت راجل 10/10. أحييك علي مشاركتك القيمة دي في الرابطة.و إيدك معانا نكبرها زي باقي المنتديات اللي فيها رابطات لعربيات الأعضاء.أنا شخصيا بعشق حاجة إسمها أوكتافيا a4 ودي العربية الوحيدة اللي ركبتها و إرتحت معاها جدا الحمدلله.أنا بكرة هشوف موضوع الكمبيوتر ده عشان السنتر والساعة.

[am79]

قدر اللة وما شاء فعل
انا شايف ان السعر دة معقول يعني مانضحكش عليك قوي
وطبعا لما تشتري مستعمل اشتري مانيوال لان ة مضمون
اما الاوتوماتيك فان افضلة زيرو
وان تحت امرك في اي استفسار للعربية ولو تحب ممكن اوديك للميكانيكي بتاعي اللى في المعادي لو احتجتة

اشكرك جدا علي ردك انا بعيد عنك لاني في الاسكندريه
وعلاشان كده انا فعلا ناس قالوا نفس كلامك اتوماتيك يبقي زيرو احسن
ان شاء الله انا ناوي ابيعها واجيب واحده مانيول رغم اني مش متعود عليه برتاح في الاتوماتيك اكتر
بس تصليح في الاتوماتيك صعب انه يتصلح من إل انا شوفته فناوي ابيعها واجيب واحده مانيول نفس الفئه
يعني انت شايف اني نزلت بيها السوق اطلب 75 فيها ومن كلامك انه تقريبا ده سعرها في السوق

[inspiron]

يا باشا أنا مستغرب من السعر ده جدا!!!!! أنا معلوماتي بتقول إن الموديل ده من العربية دي يجيب 80000 جنيه

[am79]

يا باشا أنا مستغرب من السعر ده جدا!!!!! أنا معلوماتي بتقول إن الموديل ده من العربية دي يجيب 80000 جنيه

ربنا يبشرك بالخير وياريت لو عندك حد ب 75 انا موافق
العربيه صالون الفبريكه بتعتها زيرو كراسي العربيه معمول ليها فرش متشلش خالص
بس هي رشه بره
وانا لسه مغيريها فتيس استيراد لسه مكملش اسبوع
لو عندك حد انا موافق مش عاوز غير إل انا صرفته فيها وبس