صوت فى الفليشيا

[a_hejazy]

السلام عاليكم

معايا فليشيا 97 بسمع صوت زى ( شخشخه أو خروشه )
الصوت ده لما بيكون الموتور بارد فقط

بيختفى لما بدوس دبرياج سواء وأنا واقف أو ماشى
ولو شلت رجلى من الدبرياج يرجع تانى نفس الصوت لحد مالمتور يسخن

لو حد عنده نفس المشكله ديه وعرف يحلها او حد عارف الحل ممكن يبقى من ايه؟؟؟؟

[Mostafa.Ramdan]

اعتقد انها بليه دبرياج بس استنى على الطقم لحد ما يجيب اخره وابقى غيره

واستنى اراء الاساتذه فى قسم الفيليشا

[a_hejazy]

اعتقد انها بليه دبرياج بس استنى على الطقم لحد ما يجيب اخره وابقى غيره

واستنى اراء الاساتذه فى قسم الفيليشا

أنا فعلا فى واحد صحبى قلى برده كده
بس معنها ايه جيب أخره
سؤال هوى أيه أخرها تقصد اسطوانه وديسك

[المنسي]

يجيب اخره يعني السحب بتاع العربية يبقي خلاص ضعف جدا وبرده عايز اقول لك على حاجة تانية تبص عليها وهى زيت الفتيس وشوف مستوى الزيت اخباره ايه

[EngAhmedSayed]

اعتقد انها بليه دبرياج بس استنى على الطقم لحد ما يجيب اخره وابقى غيره

واستنى اراء الاساتذه فى قسم الفيليشا

أنا فعلا فى واحد صحبى قلى برده كده
بس معنها ايه جيب أخره
سؤال هوى أيه أخرها تقصد اسطوانه وديسك

يجيب اخره يعني السحب بتاع العربية يبقي خلاص ضعف جدا وبرده عايز اقول لك على حاجة تانية تبص عليها وهى زيت الفتيس وشوف مستوى الزيت اخباره ايه

و انا مع كل الكلام المكتوب
بالتوفيق يا جماعه

[Mostafa.Ramdan]

يجيب اخره يعني السحب بتاع العربية يبقي خلاص ضعف جدا وبرده عايز اقول لك على حاجة تانية تبص عليها وهى زيت الفتيس وشوف مستوى الزيت اخباره ايه

ايوه زى ما قال استاذنا الكبير

انا فعلا نسيت موضوع زيت الفتيس ده

انا برده محتاج ابص على زيت الفتيس عندى عشان عمرى ما بصيت عليه

[a_hejazy]

زيت الفتيس لسه مغيره من 3 شهور
والمستوى مظبوط
الصوت ده عندى من سنه تقريبا بس بيزيد قوى فى الشتاء لدرجه انه بقى مزعج جدااا

[المنسي]

قدام الصوت بيروح لما تدوس على الدبرياج دى صوت بلية الدبرياج وكبر دماغك منها وتعايش لغاية مالطقم يجيب اخره

[sakr_skoda]

فعلا هيا الملعونة بلية الديبرياج بس انا لما غيرت الفتيس بالكامل اختفت تلك المشكلة ومبسمعش صوت الخروشة اللى كان فى الفتيس القديم ليه لأنى بكل بساطة غيرت الفتيس بنفسى فى البيت وال مخاطرة منى اعملها والحمد الله نجحت وطبعا قبل ما اركب الفتيس قلت اشوف الميكانيزم بتاعتة ازاى بيشتغل ووظيفة البلية وايه مراحلها ووظيفتها بالظبط وكاد واعتقد والله اعلم انو ردائة نوع البلية هوا اللى بيعمل الصوط دا لأنه بتبقى مبوشة شويه على العامود فيبدوا ان بلية الديبرياج لو صناعة محترمة (اصلية )عمرك ما حتسمع صوت الخروشة دا تانى

وممكن تتعرف على البلية وميكانيزما الفتيس فى الرابط دا............

http://www.nilemotors.net/Nile/320693-a.html

[darehawk]

شكرا جزيلا على الشرح الوفير....بس في حاجة سألت عليها النهاردة ميكانيكي مشهور في اسكندرية على الصون ده والوونة قالي حط زيت خفيف مش فالفالين ولو تعرف حط زيت موتور موبيل مثلا فايه مدى صحة الكلام ده

[giedo]

بص يا صاحبى الصوت ده من بليه عمود الدرك .... والبليه دى جوه الفتيس نفسه ... والفتيس جواه 3 بليات ... لان الصوت ده عندى لما تكون العربيه بارده ... وصوت الونه اللى فى الفتيس عندى .. وبتظهر صوت الونه لما اجى ادوس دبرياج بين النقلات .... لكن زى ما تقالى متشغلش دماغك بحاجه امشى ولما ربك يفرجها نجيب فتيس تانى ... لان عيوب الفليشيا الفتيس والحراره .... وانت بتدور الصبح مور الفتيس وخاليك دايس دبرياج شويه لغايه الصوت لما يخف ... اقولك كمان فى ناس بتحط نشاره خشب ناعمه لما تييجى تغيير زيت الفتيس مع الزيت علشان الونه دى

[elandlos]

اقولك كمان فى ناس بتحط نشاره خشب ناعمه لما تييجى تغيير زيت الفتيس مع الزيت علشان الونه دى

هههههههههههه كلام حصرى مصرى 100% فراعنه

[abozeyad]

بص يا صاحبى الصوت ده من بليه عمود الدرك .... والبليه دى جوه الفتيس نفسه ... والفتيس جواه 3 بليات ... لان الصوت ده عندى لما تكون العربيه بارده ... وصوت الونه اللى فى الفتيس عندى .. وبتظهر صوت الونه لما اجى ادوس دبرياج بين النقلات .... لكن زى ما تقالى متشغلش دماغك بحاجه امشى ولما ربك يفرجها نجيب فتيس تانى ... لان عيوب الفليشيا الفتيس والحراره .... وانت بتدور الصبح مور الفتيس وخاليك دايس دبرياج شويه لغايه الصوت لما يخف ... اقولك كمان فى ناس بتحط نشاره خشب ناعمه لما تييجى تغيير زيت الفتيس مع الزيت علشان الونه دى

اتفق تماما مع هذا الكلام باستثناء السطر الاخير بتاع نشارة الخشب اول مرة اسمعه بصراحة ...
الصوت موجود معايا بقاله سنتين حتى الان ومتعايش معاه ومفيش منه مشاكل غير الصوت الرخم لحد ما العربية تسخن وينتهى ...وحسب علمى مالوش حل غير تغيير الفتيس نفسه وطالما كده كده مفيش منه مشاكل يبقى حاول تتعايش معاه وريح دماغك

[a_hejazy]

شكرا ليكم وهحاول اتعايش معاه